போலி வாக்காளர் அட்டை : காங் - பா.ஜ., 'மல்லுக்கட்டு'

by **அ.இராமநாதன்** Wed May 09, 2018 5:10 pm

பெங்களூரு :
கர்நாடகாவின் மேற்கு பெங்களூரு பகுதியில் உள்ள ராஜராஜேஸ்வரி
தொகுதியில் அடுக்குமாடி குடியிருப்பில் இருந்து 9,746 போலி
வாக்காளர் அடையாள அட்டை கண்டுபிடிக்கப்பட்ட விவகாரம்
காங் - பா.ஜ., இடையே புதிய மோதலுக்கு வழிவகுத்துள்ளது.

அரசு இயந்திரத்தை பா.ஜ., தவறாக பயன்படுத்துவதையே இது
காட்டுவதாக கர்நாடக முதல்வர் சித்தராமைய்யா குற்றம் சாட்டி
உள்ளார்.

காங்கிரஸ் மூத்த தலைவர்கள் டில்லியில் தேர்தல் ஆணைய
அதிகாரிகளை சந்தித்து புகார் அளித்தனர்.

முறைகேடு

பின்னர் அக்கட்சி மூத்த தலைவர் ஆனந்த் சர்மா கூறுகையில்,
குறிப்பிட்ட பகுதிகளில் தேர்தலை தள்ளி வைக்க பா.ஜ., முயற்சி
செய்து வருகிறத. பா.ஜ.,வின் முறைகேடுகள் குறித்த விவரத்தை
தேர்தல் ஆணையத்திடம் அளித்துள்ளோம்.

வாக்காளர்களை தவறான வழியில் கவர பா.ஜ., முயற்சி செய்கிறது.
அந்த குடியிருப்பில் சோதனை நடத்தியது பா.ஜ.,வினர் என்றார்.

விசாரணை வேண்டும்

இதற்கிடையில் ஜகல்ஹல்லி பகுதியில் செய்தியாளர்களை
சந்தித்த மத்திய அமைச்சர் பிரகாஷ் ஜவடேக்கர், உண்மையான
வாக்காளர்கள் யாரும் ஓட்டளிக்காவிட்டால் போலி வாக்காளர்களை
கொண்டு ஓட்டை பதிவு செய்து விடலாம் என்பதே காங்.,ன் கொள்கை.
போலி வாக்காளர் அடையாள அட்டை தொடர்பாக தேர்தல் கமிஷன்
தீவிரமாக விசாரிக்க வேண்டும்.

சிறப்பு விசாரணைக்கு உத்தரவிட வேண்டும். ராஜராஜேஸ்வரி
தொகுதி தேர்தலை ரத்து செய்ய வேண்டும். அந்த வீட்டின்
உரிமையாளரை கைது செய்ய வேண்டும் என தெரிவித்துள்ளார்.
-
-----------------------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

போலி வாக்காளர் அட்டை : காங் - பா.ஜ., 'மல்லுக்கட்டு'

போலி வாக்காளர் அட்டை : காங் - பா.ஜ., 'மல்லுக்கட்டு'