மலேசியாவில் எதிர்கட்சிகள் ஆட்சி: 92 வயது மகாதீர் முகமது பிரதமராகிறார்

by **அ.இராமநாதன்** Thu May 10, 2018 8:35 am

[You must be registered and logged in to see this image.]

கோலாலம்பூர்:
மலேசியாவின் 14-வது பொதுத்தேர்தல் நேற்று நடந்தது.
இதில் பிரதான எதிர்கட்சி தலைவரும் மாஜி பிரதமருமான
மகாதிர் முகமது தலைமையிலான எதிர்க்கட்சிகள் கூட்டணி
ஆட்சியை கைப்பற்றி உள்ளன.

மலேசியாவின் 13-வது நாடாளுமன்றம் கடந்த 7-ம் தேதி
கலைக்கப்பட்டது. இது தொடர்பான அறிவிப்பை மன்னரின்
ஒப்புதலுக்கு பிறகு பிரதமர் நஜீப் துன் ரசாக் வெளியிட்டார்.

இந்நிலையில் மலேசியாவின் 14-வது பொதுத் தேர்தல் நேற்று
நடைபெற்றது. மொத்தமுள்ள “222 நாடாளுமன்ற
தொகுதிகளுக்கு தேர்தல் நடந்தது. இதில் பிரதமர் நஜீப் ரஜாக்கின்
ஆளும் பி.என்.கட்சிக்கும், முன்னாள் தலைவர் மகாதிர் முகமது
தலைமையிலான எதிர்க்கட்சி கூட்டணிக்கும் இடையே கடும்
போட்டி நிலவியது.

மாலை நடந்த ஓட்டு எண்ணிக்கையில் ஆளும் பி.என். கட்சி
தலைமையிலான கூட்டணி வேட்பாளர்கள் 54 இடங்களிலும்,
மகாதிர் முகமது தலைமையிலான பக்கட்டான் ஹரப்பான்
எதிர்க்கட்சி கூட்டணி வேட்பாளர்கள் 51 இடங்களிலும் வெற்றி
பெற்றுள்ளதாக முதல் கட்ட தகவல்கள் தெரிவித்தன.

ஆட்சி அமைக்க 112 உறுப்பினர்களின் பலம் தேவை என்ற
நிலையில் மகாதிர் முகமதுவின் எதிர்க்கட்சி கூட்டணி
115 இடங்களை பிடித்து ஆட்சியை கைப்பற்றும் நிலையில்
உள்ளதாகவும் தகவலறிந்த வட்டாரங்கள் தெரிவிக்கின்றன.

இதன் மூலம் மலேசியா வரலாற்றில் சுமார் 60 ஆண்டுகளுக்கு
பிறகு அங்குள்ள எதிர்க்கட்சியினர் ஆட்சியை கைப்பற்றி
உள்ளது குறிப்பிடத்தக்கது

உலகின் மிகவும் வயதான பிரதமர்

தேர்தலி்ல் வெற்றிபெற்றதன் மூலம் உலகின் மிகவும் வயதான
பிரதமர் என்ற பெருமையை மகாதீர் முகமது பெறுகிறார்.
-
-------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மலேசியாவில் எதிர்கட்சிகள் ஆட்சி: 92 வயது மகாதீர் முகமது பிரதமராகிறார்

மலேசியாவில் எதிர்கட்சிகள் ஆட்சி: 92 வயது மகாதீர் முகமது பிரதமராகிறார்