புதுடில்லி: 
டில்லியில் உள்ள, இந்திய ரயில்வேயின் தலைமையிடமான 
ரயில் பவனில், செலவினங்களை கட்டுப்படுத்தும் வகையில், 
அதிகாரிகளுக்கு வழங்கப்பட்டு வந்த, ரயில் நீரை 
நிறுத்துவதற்கு, ரயில்வே வாரியம் முடிவு செய்துள்ளது.

நாடு முழுவதும், ஆறு இடங்களில், இந்திய ரயில்வேயின் உணவு 
மற்றும் சுற்றுலா கழகமான, ஐ.ஆர்.சி.டி.சி.,க்கு சொந்தமான, 
குடிநீர் சுத்திகரிப்பு நிலையங்கள் உள்ளன. 

அங்கு சுத்திகரிக்கப்பட்ட குடிநீர், பாட்டிலில் அடைத்து, 'ரயில் நீர்' 
என்ற பெயரில், ரயில் நிலையங்கள் மற்றும் ரயில்களில் விற்பனை 
செய்யப்படுகின்றன.

இந்த குடிநீர் பாட்டில்கள், ரயில் பவன் அதிகாரிகளின் பயன்
பாட்டுக்காக வழங்கப்பட்டு வந்தது. தற்போது, இதை நிறுத்த, 
ரயில்வே வாரியம் முடிவு செய்துள்ளது.

இது குறித்து, ரயில்வே வாரியம் அனுப்பிய சுற்றறிக்கையில் 
கூறியிருப்பதாவது: 

ரயில் பவன் அதிகாரிகளின் பயன்பாட்டுக்கு, தினமும், 
1,000 ரயில் நீர் பாட்டில்கள் வினியோகம் செய்யப்படுவதாக 
கூறப்படுகிறது. செலவினங்களை கட்டுப்படுத்தும் வகையில், 
ரயில் பவனில், மூன்று குடிநீர் சுத்திகரிப்பு இயந்திரங்கள் 
அமைக்கப்பட்டுள்ளன.

 அவற்றில் இருந்து கிடைக்கும் குடிநீரை, ஆய்வு செய்தபோது, 
ரயில் நீருக்கு இணையான தரத்துடன் இருப்பது உறுதி செய்யப்
பட்டது. 

இதையடுத்து, ரயில் நீர் பாட்டில் வினியோகம் நிறுத்தப்படுகிறது. 
அதிகாரிகள் மற்றும் ஊழியர்கள், தங்களுக்கு தேவையான 
குடிநீரை, வீட்டில் இருந்து எடுத்து வரலாம் அல்லது அலுவலகத்தில் 
கிடைக்கும் சுத்திகரிக்கப்பட்ட குடிநீரை பயன்படுத்தலாம்.
இவ்வாறு அதில் கூறப்பட்டுள்ளது.
-
--------------------------------------
தினமலர்