வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

ரூபாய் நோட்டு வினியோகிக்க விமான செலவு 29 கோடி

தமிழ்த்தோட்டம் :: செய்திச் சோலை :: செய்திச் சங்கமம்

Page 1 of 1

ரூபாய் நோட்டு வினியோகிக்க விமான செலவு 29 கோடி

by அ.இராமநாதன் Mon Jul 09, 2018 10:14 am

புதுடில்லி :
பண மதிப்பிழப்பு நடவடிக்கைக்கு பின் புதிதாக அச்சிடப்பட்ட
500 மற்றும் 2,000 ரூபாய் நோட்டுகளை நாடு முழுவதும்
வினியோகிக்க 29 கோடி ரூபாய் செலவிடப்பட்டதாக, தகவல்
வெளியாகி உள்ளது.

நாடு முழுவதும் 2016 நவம்பரில் புழக்கத்தில் இருந்த
500 மற்றும் 1,000 ரூபாய் நோட்டுகள் செல்லாது என
அறிவிக்கப்பட்டது. இதையடுத்து புதிய 500 மற்றும்
2,000 ரூபாய் நோட்டுகள் அச்சிடப்பட்டன. அப்போது
இருந்த அவசர நிலையை கருத்தில் வைத்து புதிதாக
அச்சிடப்பட்ட நோட்டுக்கள் இந்திய விமானப் படையின்
சரக்கு விமானங்கள் மூலம், நாடு முழுவதும்
வினியோகிக்கப்பட்டன.

'இதற்கு எவ்வளவு ரூபாய் செலவிடப்பட்டது' என தகவல் அறியும்
உரிமை சட்டத்தின் கீழ் விபரம் கேட்டு ஓய்வு பெற்ற விமானப்
படை அதிகாரி லோகேஷ் பத்ரா விண்ணப்பித்தார்.

இதற்கு விமானப்படை சார்பில் பதில் அளிக்கப்பட்டது.
அதில் கூறப்பட்டுள்ளதாவது: புதிய ரூபாய் நோட்டுகள் இந்திய
விமானப்படையின் முன்னணி சரக்கு விமானங்கள் மூலம்
நாடு முழுவதும் எடுத்துச் செல்லப் பட்டன.

இதற்காக விமானப்படைக்கு 29.41 கோடி ரூபாய் வழங்கப்பட்டது.
இவ்வாறு அதில் கூறப்பட்டிருந்தது.

மேலும் பண மதிப்பிழப்பு நடவடிக்கைக்கு பின் புதிய ரூபாய்
நோட்டுக்கள் அச்சிட 2016 - 17ம் ஆண்டில் 7,965 கோடி ரூபாய்
செலவிடப்பட்டதாக தகவல்கள் தெரிவிக்கின்றன.
-
------------------------------
தினமலர்

அ.இராமநாதன்: நவரச நாயகன்; Posts : 31809
Points : 70033
Join date : 26/01/2011
Age : 80