வசனமே இல்லாத கொரியா நாடகம்!

by **அ.இராமநாதன்** Mon Nov 05, 2018 6:40 am

[You must be registered and logged in to see this image.]

இசைக்கு மொழி தேவையில்லை. ஆனால் நாடகம் என்றால் ஓரிரு வசனம் இருக்க வேண்டும் இல்லையா? அதுவும் இல்லாமல் ஒரு நாடகத்தைப் பார்க்க முடியுமா? இதில் சிறப்பென்னவென்றால் இது ஒரு கொரியா நாடகம். சென்னை வாசிகள் ஒரு கொரியா நாடகத்தை எப்படி பார்ப்பார்கள் என்பதால் இப்படிபட்ட ஒரு நாடகத்தை சென்னையில் நடத்த வந்திருக்கிறார்களோ என்ற சந்தேகம் எழ, சென்னையில் உள்ள இன்கோ செண்டர் (Inko Center), தலைவி, ரதி ஜாபர் அவர்களிடம் கேட்டோம்:
"நீங்கள் கேள்விப்பட்டது உண்மைதான். இந்த கொரிய நாடகத்தில் வசனமே இல்லை. கொரியாவின் முதல் வசனமே இல்லாத நாடகம் இந்த நாடகம் தான். அது மட்டும் இல்லை. சென்னையில் நடத்தப்படும் முதல் வசனமே இல்லாத கொரிய நாடகமும் இதுதான். இந்த நாடகம் கொரிய நாட்டில் மிகவும் புகழ் பெற்று, பல்வேறு ஊர்களில் நடந்தது. சுமார் 58 நாடுகள் 313 நகரங்களில் இந்த "நந்தா' நாடகம் நடத்தப்பட்டது. "நந்தா' தொடங்கி சுமார் 20 ஆண்டுகள் ஆகிவிட்டது. சென்ற வருடம் தான் இந்த நந்தாவின் 20 ஆவது ஆண்டை விமரிசையாக கொண்டாடினார்கள். சென்னையில் உள்ள கொரிய தூதரகம், கொரியா ஃபவுண்டேஷன், மற்றும் இன்கோ செண்டரும் இணைந்து, நம் சென்னை மக்களுக்காக இதை கொண்டு வந்திருக்கிறார்கள்'' என்கிறார் ரதி ஜாபர் .
இந்த நாடகத்தின் கதை என்ன தெரியுமா? மூன்று சமையல்காரர்கள் இருக்கின்றனர். அதில் ஒருவர் அழகான பெண். இந்த மூவரும் அன்று நடக்க இருக்கின்ற பார்ட்டிக்கு சமைக்க தயாராகி கொண்டிருக்கின்றனர். அந்த சமயத்தில் அந்த ஹோட்டலின் மேனேஜர் ஓர் இளைஞனை அழைத்து வந்து "இவனுக்கு உங்களின் சமையல் திறனை கற்றுக்கொடுங்கள்' என்றார். அது மட்டும் இல்லாமல், "இந்த பார்ட்டிக்கு ஒரு பெரிய கேக் சொல்லியிருக்கிறார்கள். அதையும் நீங்கள் தான் தயாரிக்க வேண்டும். ஒரு மணி நேரம்தான் இருக்கிறது. சீக்கிரம் முடியுங்கள்'' என்று கூற, சமையல்காரர்களால் இதை செய்ய முடிந்ததா? என்றும், வேலை கற்றுக்கொள்ள வந்த இளைஞன் செய்யும் சேஷ்டைகள் அவர்களை மிகவும் பாதிக்கிறது. இதையெல்லாம் மேடையில் சமையல் அறையில் உள்ள பாத்திரங்களை இசைக்கருவியாக மாற்றி, இசையுடன், நகைச்சுவையுடன், ஓசை நயத்துடன் வாசித்து காண்பிக்கிறார்கள். இந்த நாடகத்தைப் பார்த்து பாராட்டாதவர்களே இல்லை என்று கூறும் அளவிற்கு பல்வேறு தரப்பு மனிதர்களிடம் இருந்து பாராட்டு வந்துள்ளதாம்.
"குக்கின் நந்தா' (Cookin Nantha) என்று பெயரிடப்பட்டுள்ள இந்த நாடகத்தில் ஐந்தே பாத்திரங்கள்தான். அதில் ஒருவர் பெண். இந்த பெண் வேறு அழகாக இருப்பதால் பல்வேறு விதமான நகைச்சுவை பிரச்னைகள் எழுகின்றன. அதையெல்லாம் எப்படி அந்த பெண் சமாளிக்கிறார் என்பதும் நம்மை சிரிக்க வைக்கும். அந்த பாத்திரத்தில் சிறப்பாக நடித்திருக்கிறார் ஹெய்ஜின் யுன் (Hyejin Yun). இதில் மற்றொரு சிறப்பு என்னவென்றால் இந்த இசை நாடகத்தை இயக்கியுள்ள இணை இயக்குநரும் ஒரு பெண்தான். ஒரு வேலை பெண்கள் சிறப்பாக சமையல் செய்பவர்கள் என்று கூறாமல் கூறுகிறார்களோ?
முதன் முறையாக சென்னையில் இந்த நாடகம் நவம்பர் 2-ஆம் தேதி Sir Mutha Venkatasubba Rao Concert Hall -இல் நடைபெற்றது.
"வசனமே இல்லாத கொரியா நாடகம் சென்னையில் முதன் முறையாக நடத்தியதில் எங்களுக்கு மகிழ்ச்சி. காரணம் நாடகத்திற்கு புகழ் பெற்ற நகரம் சென்னை. இங்கு பல்வேறு வகையான நாடகங்களை இன்றும் நடத்தி வருகிறார்கள் என்று சொன்னால் அது மிகையில்லை. சந்தோஷம் ஒரு பக்கம் என்றால் பயம் மறுபக்கம், காரணம், நாடகம் பற்றி முழுமையாக தெரிந்த இந்த நகரில் எங்கள் நாடகம் நன்றாக நடக்க வேண்டுமே என்ற கவலை தான்'' என்கிறார் ஹெய்ஜின் யுன். இவருக்கு சென்னையில் உள்ள இட்லி, தோசை, சாம்பார் மிகவும் பிடித்திருக்கிறதாம்.

[You must be registered and logged in to see this image.]

[size][size]

[You must be registered and logged in to see this image.]

[/size][/size]

- சலன்

தினமணி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வசனமே இல்லாத கொரியா நாடகம்!

வசனமே இல்லாத கொரியா நாடகம்!