2019-ல் எதிர்பார்ப்பை ஏற்படுத்தியுள்ள தமிழ்ப் படங்கள்

by **அ.இராமநாதன்** Thu Jan 03, 2019 5:46 pm

விஜய் சேதுபதியின் ‘சூப்பர் டீலக்ஸ்’
‘ஆரண்ய காண்டம்’ படத்தை இயக்கிய தியாகராஜன் குமாரராஜா, சில வருட இடைவெளிக்குப் பின் இயக்கியுள்ள படம் இது. ஹீரோவாக நடித்திருக்கும் விஜய் சேதுபதி, ஷில்பா என்ற திருநங்கை தோற்றத்திலும் நடித்துள்ளார். சமந்தா ஹீரோயினாக நடித்துள்ள இந்தப் படத்தில், ஃபஹத் ஃபாசில், மிஷ்கின், ரம்யா கிருஷ்ணன், காயத்ரி, பகவதி பெருமாள் ஆகியோர் முக்கியக் கதாபாத்திரங்களில் நடித்துள்ளனர். எழுத்தாளர் மனுஷ்யபுத்திரன் சிறப்புத் தோற்றத்தில் நடித்துள்ளார்.
[You must be registered and logged in to see this image.]

யுவன் சங்கர் ராஜா இசையமைக்க, பி.சி.ஸ்ரீராம், பி.எஸ்.வினோத், நிரவ் ஷா ஆகிய மூவரும் ஒளிப்பதிவு செய்துள்ளனர். தியாகராஜன் குமாரசாமி, மிஷ்கின், நலன் குமரசாமி, நீலன் கே.சேகர் ஆகிய நான்கு பேரும் இணைந்து இந்தப் படத்துக்குத் திரைக்கதை எழுதியுள்ளனர். கடந்த வருடமே ரிலீஸாகும் என்று எதிர்பார்க்கப்பட்ட இந்தப் படம், இந்த வருட ரிலீஸ் பட்டியலில் இணைந்துள்ளது.
எச்.வினோத் - அஜித் படம்
தொடர்ந்து நான்கு முறை சிவா இயக்கத்தில் நடித்த அஜித், ஒருவழியாக சிவாவுக்கு டாட்டா சொல்லிவிட்டு, ‘சதுரங்க வேட்டை’ மற்றும் ‘தீரன் அதிகாரம் ஒன்று’ படங்களை இயக்கிய எச்.வினோத்துடன் இணைந்துள்ளார். அமிதாப் பச்சன், டாப்ஸி நடிப்பில் வெளியான ‘பிங்க்’ இந்திப் படத்தின் ரீமேக் இது.
[You must be registered and logged in to see this image.]

போனி கபூர் தயாரிக்கும் இந்தப் படத்தின் ஷூட்டிங், சில நாட்களுக்கு முன்பு தொடங்கியது. படத்தில் நடிக்கும் மற்ற நடிகர்களின் விவரங்கள் இன்னும் அதிகாரபூர்வமாக அறிவிக்கப்படவில்லை. கடந்த வருட இறுதியில் படப்பிடிப்பு தொடங்கியதால், ‘விஸ்வாசம்’ படத்தைத் தொடர்ந்து இந்தப் படமும் இந்த வருடமே வெளியாகும் என்று எதிர்பார்க்கப்படுகிறது.
விஜய்யின் ‘தளபதி 63’
‘தெறி’ மற்றும் ‘மெர்சல்’ படங்களைத் தொடர்ந்து மூன்றாவது முறையாக அட்லீ இயக்கத்தில் நடிக்கிறார் விஜய். ஏஜிஎஸ் என்டெர்டெயின்மென்ட்ஸ் தயாரிக்கும் இந்தப் படத்தில், ஹீரோயினாக நயன்தாரா நடிக்கிறார். விவேக், யோகி பாபு இருவரும் முக்கியக் கதாபாத்திரங்களில் நடிக்கின்றனர். விளையாட்டு சம்பந்தப்பட்ட இந்தப் படத்தில் ட்ரெய்னராக விஜய் நடிப்பதால், சிறப்புப் பயிற்சியாளர் மூலம் அவருடைய உடலமைப்பு மாற்றப்பட்டு வருகிறது.
[You must be registered and logged in to see this image.]

ஏ.ஆர்.ரஹ்மான் இசையமைக்கும் இந்தப் படத்துக்கு ஜி.கே.விஷ்ணு ஒளிப்பதிவு செய்ய, ரூபன் எடிட் செய்கிறார். கலை இயக்குநர் முத்துராஜ், இந்தப் படத்துக்கான செட் வேலைகளைத் தொடங்கிவிட்டார். இந்த மாத இறுதியில் படப்பிடிப்பு தொடங்கும் எனத் தெரிகிறது. ‘மெர்சல்’, ‘சர்கார்’ படங்களைப் போலவே இந்தப் படமும் தீபாவளிக்கு ரிலீஸாகும் என அறிவிக்கப்பட்டுள்ளது.
தனுஷின் ‘எனை நோக்கி பாயும் தோட்டா’ மற்றும் ‘அசுரன்’
கெளதம் மேனன் இயக்கத்தில், தனுஷ் நடிப்பில் மார்ச் 2016-ம் ஆண்டு தொடங்கப்பட்ட படம் ‘எனை நோக்கி பாயும் தோட்டா’. தனுஷுக்கும், கெளதம் மேனனுக்கும் இடையில் மனஸ்தாபம் ஏற்பட, பாதியிலேயே படம் நின்றது. பின்னர் சசிகுமார் முக்கியக் கதாபாத்திரத்தில் நடிக்க, ஒருவழியாக கடந்த வருடம் செப்டம்பர் 4-ம் தேதி நிறைவடைந்தது. தர்புகா சிவா இசையில் ‘மறுவார்த்தை பேசாதே’, ‘விசிறி’ பாடல்கள் ஹிட்டான நிலையில், படத்துக்காகக் காத்திருக்கின்றனர் தனுஷ் ரசிகர்கள்.
[You must be registered and logged in to see this image.]

‘வடசென்னை’ படத்தைத் தொடர்ந்து தனுஷ் - வெற்றிமாறன் கூட்டணியில் உருவாகும் படம் ‘அசுரன்’. வி. கிரியேஷன்ஸ் சார்பில் கலைப்புலி எஸ்.தாணு இந்தப் படத்தைத் தயாரிக்கிறார். மனஸ்தாபங்களால் சில வருடங்கள் பேசாமல் இருந்த தனுஷும் ஜீ.வி.பிரகாஷும் தற்போது பேசிக் கொள்வதால், ஜீ.வி.பிரகாஷையே இந்தப் படத்துக்கு இசையமைக்க வைக்க முயற்சி நடக்கிறது. வெற்றிமாறனுக்கும் ஜீ.வி. தான் ஆஸ்தான இசையமைப்பாளர் என்பதால், விரைவில் இந்தக் கூட்டணி இணையும் எனத் தெரிகிறது. தனுஷ் நடித்து, இயக்கி வந்த படம் பைனான்ஸ் பிரச்சினை காரணமாக நிற்பதால், இந்தப் படத்தின் ஷூட்டிங் விரைவில் தொடங்க இருக்கிறது.
[You must be registered and logged in to see this image.]

விக்ரமின் ‘துருவ நட்சத்திரம்’ மற்றும் ‘கடாரம் கொண்டான்’
கெளதம் மேனன் இயக்கத்தில், விக்ரம் நடிப்பில் உருவாகி வரும் படம் ‘துருவ நட்சத்திரம்’. 2017-ம் ஆண்டு ஜனவரி மாதம் நியூயார்க்கில் தொடங்கிய இந்தப் படத்தின் படப்பிடிப்பு, இரண்டு வருடங்களாகியும் இன்னும் முடியாமல் இழுத்துக்கொண்டே போகிறது. ரீத்து வர்மா மற்றும் ஐஸ்வர்யா ராஜேஷ் என இரண்டு ஹீரோயின்கள் நடிக்கும் இந்தப் படத்தில், பார்த்திபன், ராதிகா சரத்குமார், சிம்ரன், வம்சி கிருஷ்ணா, விநாயகன், டிடி ஆகியோர் நடித்துள்ளனர். ஹாரிஸ் ஜெயராஜ் இசையமைக்கும் இந்தப் படத்தின் இறுதிக்கட்ட படப்பிடிப்பு மட்டும் இன்னும் மீதமுள்ளது.
[You must be registered and logged in to see this image.]

‘தூங்காவனம்’ படத்தை இயக்கிய ராஜேஷ் எம். செல்வா இயக்கத்தில் விக்ரம் நடித்துவரும் படம் ‘கடாரம் கொண்டான்’. கமல்ஹாசனின் ராஜ்கமல் ஃபிலிம் இண்டர்நேஷனல் மற்றும் ட்ரைடென்ட் ஆர்ட்ஸ் ஆர்.ரவீந்திரன் ஆகியோர் இணைந்து தயாரிக்கும் இந்தப் படத்தில், அக்‌ஷரா ஹாசன் முக்கியக் கதாபாத்திரத்தில் நடிக்கிறார். ஜிப்ரான் இசையமைக்க, ஸ்ரீனிவாஸ் ரெட்டி ஒளிப்பதிவு செய்கிறார். கடந்த செப்டம்பர் மாதம் இதன் படப்பிடிப்பு தொடங்கியது. இரண்டாம்கட்டப் படப்பிடிப்பு மலேசியாவில் நடைபெற்றது.
[You must be registered and logged in to see this image.]

கார்த்தியின் ‘தேவ்’
ரஜத் ரவிசங்கர் இயக்கத்தில், கார்த்தி நடிப்பில் உருவாகி வரும் படம் ‘தேவ்’. ‘தீரன் அதிகாரம் ஒன்று’ படத்தைத் தொடர்ந்து, இந்தப் படத்திலும் கார்த்தி ஜோடியாக நடிக்கிறார் ரகுல் ப்ரீத்சிங். ஆக்ஷன் அட்வென்ச்சர் படமான இதன் படப்பிடிப்பு சென்னை, ஹைதராபாத், மும்பை, குலுமணாலி, பஞ்சகனி, குல்மார்க், இமாச்சலப் பிரதேசம், உக்ரைன் ஆகிய இடங்களில் நடந்து முடிந்தது. ஹாரிஸ் ஜெயராஜ் இசையமைத்துள்ள இந்தப் படத்தில் உள்ள ‘ஒரு நூறு முறை’ பாடலின் லிரிக்கல் வீடியோ சமீபத்தில் வெளியானது. இதற்கு நல்ல வரவேற்பு கிடைக்க, தமிழ்ப் புத்தாண்டு படத்தை வெளியிடும் முயற்சியில் இறங்கியுள்ள படக்குழு.
[You must be registered and logged in to see this image.]

ராஜுமுருகனின் ‘ஜிப்ஸி’
‘குக்கூ’ மற்றும் ‘ஜோக்கர்’ படங்களைத் தொடர்ந்து ராஜுமுருகன் இயக்கியுள்ள படம் ‘ஜிப்ஸி’. ஜீவா ஹீரோவாக நடிக்க, இமாச்சலப் பிரதேச அழகி நடாஷா சிங் ஹீரோயினாக நடித்துள்ளார். மேலும், நடனமாடப் பழக்கப்பட்டக் குதிரை ஒன்றும் நடித்துள்ளது. சந்தோஷ் நாராயணன் இசையில், யுகபாரதி பாடல்கள் எழுதியுள்ளார். காரைக்கால் மற்றும் இமாச்சலப் பிரதேசத்தில் நடைபெற்ற இதன் படப்பிடிப்பு, கடந்த வருடம் நவம்பர் 4-ம் தேதியுடன் முடிவடைந்தது. இந்நிலையில், இந்தப் படத்தின் விளம்பரப் பாடலுக்காக நல்லகண்ணு, பியூஷ் மனுஷ், திருமுருகன் காந்தி உள்ளிட்ட சமூக ஆர்வலர்களை வைத்துப் படமாக்கியுள்ளனர்.
[You must be registered and logged in to see this image.]

ஜெயம் ரவி - காஜல் அகர்வால் படம்
அறிமுக இயக்குநரான பிரதீப் ரங்கநாதன் இயக்கத்தில் ஜெயம் ரவி நடித்து வருகிறார். இன்னும் பெயரிடப்படாத இந்தப் படத்தில், காஜல் அகர்வால் ஹீரோயினாக நடிக்கிறார். இருவருமே நீண்ட வருடங்களாக சினிமாவில் இருந்தாலும், இணைந்து நடிப்பது இதுதான் முதல்முறை. இன்னும் பெயரிடப்படாத இந்தப் படத்தின் படப்பிடிப்பு, பூஜையுடன் கடந்த வருடம் செப்டம்பர் 20-ம் தேதி தொடங்கியது.
இயக்குநர் கே.எஸ்.ரவிகுமார், யோகிபாபு, சம்யுக்தா ஹெக்டே ஆகியோர் முக்கியக் கதாபாத்திரங்களில் நடிக்கின்றனர். ரிச்சர்ட் எம்.நாதன் ஒளிப்பதிவு செய்யும் இந்தப் படத்தை, வேல்ஸ் ஃபிலிம் இண்டர்நேஷனல் சார்பில் ஐசரி கணேஷ் தயாரிக்கிறார். இந்தப் படத்தில், பள்ளி மாணவனாக நடிக்கும் ஜெயம் ரவி அதற்காக 20 கிலோ உடல் எடையைக் குறைத்துள்ளார்.
[You must be registered and logged in to see this image.]

சி.காவேரி மாணிக்கம்
நன்றி- இந்து தமிழ் திசை

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

2019-ல் எதிர்பார்ப்பை ஏற்படுத்தியுள்ள தமிழ்ப் படங்கள்

2019-ல் எதிர்பார்ப்பை ஏற்படுத்தியுள்ள தமிழ்ப் படங்கள்