95 வயதிலும் ஒயாத உழைப்பு

by **அ.இராமநாதன்** Mon Apr 22, 2019 10:00 am

-

வேலையிலிருந்து ஓய்வு பெற்றதும் சிலர் அந்தப்பக்கமே
தலையைத் திருப்பமாட்டார்கள். சிலர் தான் பெற்ற
வேலையின் சிறப்பைப் பற்றியே வாழ்நாள் முழுவதும்
அறிந்து கொள்ளத் துடிப்பார்கள்.

இந்த வகையில் ஸ்ரீனிவாச வெங்கட்ராமனுக்குத் தற்போதைய
வயது 95. பணியிலிருந்து ஓய்வு பெற்றுவிட்டாலும், தான்
பணிபுரிந்த ரயில்வேயின் அருமை பெருமைகளை விடாமல்
பறைசாற்றிக் கொண்டிருப்பவர்.

1942-இல் ஹுப்ளியில், மெட்டிரியல் மேனேஜராகப் பணியைத்
துவங்கிய வெங்கட்ராமன் 1985-இல் ஒய்வு பெற்றார். பணியின்
கடைசி ஆண்டுகள் தொடர்ந்து வாரணாசியிலேயே பணி
புரிந்து முடித்தவர்.

ஒய்வு பெற்ற பிறகும் 20 வருடங்கள் வாரணாசியிலேயே
தங்கியிருந்தார்.

2008-ஆம் ஆண்டு சென்னை வந்து நிரந்தரமாய்த் தங்கினார்.

இதனிடையே இந்திய ரயில்வே சார்பாக வெளியிடப்படும்
இதழில் அவ்வப்போது கட்டுரைகள் எழுதி வந்தார்.

2013-இல் முதல் தடவையாக Indian Railways The Beginning
என்ற நூலை எழுதினார். இதற்கு அமோக ஆதரவு கிடைத்தது.

2014-இல் இரண்டாவது முயற்சியாக
Indian Railways at a glance என்ற நூலை எழுதி வெளியிட்டார்.

தொடர்ந்து The Madras Railway 2014,
The Goan Railway 2015, P.M.Modi
The Indian Railways 2016, The Pondicherry Railways 2017
என நான்கு புத்தகங்களை எழுதி வெளியிட்டார்.

ஒவ்வொன்றும் படங்களுடனும் தகவல்களுடனும் சரித்திரம்
சொல்கின்றன.

அன்றாடம் 20 பக்கம் டைப் செய்கிறார். இவர் ஆயிரத்துக்கும்
அதிகமான ரயில் நிலையங்களுக்கு விஜயம் செய்த அனுபவம்
உண்டு. இந்தியாவின் மிகச்சிறந்த ரயில் பாதை எது எனக்
கேட்டால், கோவா-லோண்டா (கர்நாடகா) ரயில் பாதையைக்
குறிப்பிடுகிறார்.

இந்த வழித்தடத்தில் மட்டும் இவர் 1600-க்கும் அதிகமான
தடவை பயணித்துள்ளார்.
-
---------------------------------------------
-அனிதா ராமசந்திரன், பெங்களூரூ
தினமணி-கொண்டாட்டம்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

95 வயதிலும் ஒயாத உழைப்பு

95 வயதிலும் ஒயாத உழைப்பு