தகவல் அறியும் உரிமைச்சட்ட வழக்கில்ரிசர்வ் வங்கிக்கு சுப்ரீம் கோர்ட்டு அதிரடி உத்தரவு‘வங்கிகள் பற்றிய தகவல்களை கேட்டால் வெளியிட வேண்டும்’

by **அ.இராமநாதன்** Sun Apr 28, 2019 8:55 pm

புதுடெல்லி,

விதிகளை மீறியதற்காக வங்கிகளுக்கு பாரத ரிசர்வ் வங்கி விதித்த அபராதங்கள் பற்றிய தகவல்களை தகவல் அறியும் உரிமைச்சட்ட ஆர்வலர் எஸ்.சி. அகர்வால் கேட்டார். ஆனால் ரிசர்வ் வங்கி வழங்கவில்லை.

இது தொடர்பான வழக்கை ஏற்கனவே விசாரித்த சுப்ரீம் கோர்ட்டும், மத்திய தகவல் ஆணையமும், வெளிப்படையான தகவல் அறியும் உரிமைச்சட்டத்தின் கீழ் கேட்கிற தகவல்களை வழங்க ரிசர்வ் வங்கி மறுக்கக்கூடாது என உத்தரவிட்டன. ஆனால் இந்த உத்தரவை மீறி ரிசர்வ் வங்கி தகவல்கள் வெளியிடாமல் இருந்ததால், கோர்ட்டு அவமதிப்பு வழக்கு தொடுக்கப்பட்டது.

இந்த வழக்கின் விசாரணை நீதிபதி எல். நாகேஸ்வரராவ் தலைமையிலான அமர்வு முன் விசாரணைக்கு வந்தது. அப்போது நீதிபதிகள், “தகவல் அறியும் உரிமைச்சட்டத்தின்கீழ், வங்கிகள் தொடர்பான தகவல்களை வெளியிடுவதில் தனது கொள்கையை ரிசர்வ் வங்கி மறு ஆய்வு செய்யவேண்டும். இது சட்டப்படியான கடமை” என சுட்டிக்காட்டினர்.

கோர்ட்டு அவமதிப்பு வழக்கின்கீழ் ரிசர்வ் வங்கி மீது நடவடிக்கை
எடுக்கவில்லை.

இருந்தபோதும், தகவல் அறியும் உரிமைச்சட்டத்தின்கீழ் விலக்கு
பெற்றுள்ள தகவல்கள் தவிர்த்து வங்கிகள் ஆய்வு தொடர்பான
பிற தகவல்களை கேட்கிறபோது ரிசர்வ் வங்கி வெளியிட
வேண்டும்.

அப்படி தகவல்கள் வெளியிட இனியும் மறுத்தால் அதை
கடுமையாக எடுத்துக்கொள்ளப்படும் எனவும் நீதிபதிகள்
எச்சரித்து உத்தரவிட்டனர்.
-
தினத்தந்தி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்