டில்லி பஸ்களில் பெண்கள் இலவசமாக பயணிக்கலாம்

by **அ.இராமநாதன்** Sun Aug 18, 2019 8:25 am

[You must be registered and logged in to see this image.]

-புதுடில்லி:
''டில்லியில் அரசு பஸ்களில், அக்., 29ம் தேதி முதல்,
பெண்கள் இலவசமாக பயணம் செய்யலாம்' என,
அம்மாநில முதல்வர், அரவிந்த் கெஜ்ரிவால்
அறிவித்துள்ளார்.

டில்லியில், முதல்வர் அரவிந்த் கெஜ்ரிவால் தலைமையிலான,
ஆம் ஆத்மி ஆட்சி நடக்கிறது. டில்லி அரசு சார்பில் நடந்த
சுதந்திர தின விழாவில், தேசிய கொடியை ஏற்றி, நேற்று
அவர் பேசியதாவது:

சுதந்திர தினத்துடன், ரக் ஷா பந்தன் விழாவையும் நாம்
கொண்டாடி வருகிறோம். டில்லி போக்குவரத்து கழகம்
சார்பில் இயக்கப்படும் பஸ்களில், அக்., 29ம் தேதி முதல்,
பெண்கள் அனைவரும் இலவசமாக பயணம் செய்யலாம்
என, இந்த நன்னாளில் அறிவிக்கிறேன்.

இது, என் சகோதரிகளுக்கு, நான் அளிக்கும் ரக் ஷா பந்தன்
பரிசு.

மக்களுக்கு அனைத்தும் இலவசமாக கிடைக்க வேண்டும்
என்பதுதான் என் விருப்பம். இதற்காக, நான், பணத்தை
திருடவில்லை; ஊழல் செய்யவும் இல்லை. மக்கள் செலுத்தும்
வரிப் பணம், முன்பு, கொள்ளையடிக்கப்பட்டது.

இப்போது, இதை, மக்களுக்கே செலவழிக்கிறேன். சிலர் இதை,
பாலின பாகுபாடு என, விமர்சிக்கலாம். ஆனால், நாட்டில்
பாலின சமத்துவம் இல்லை என்பது தான் உண்மை. டில்லியில்,
வேலைக்கு செல்லும் பெண்களின் எண்ணிக்கை, 10 சதவீதம்;
மீதி, 90 சதவீதம் ஆண்களாக தான் உள்ளனர்.

இப்போது, அரசு பஸ் மற்றும் மெட்ரோ ரயில்களில், பயணம்
செய்பவர்களில், 30 சதவீதம் பெண்களாகவும், 70 சதவீதம்
ஆண்களாகவும் உள்ளனர். இலவச பயணம் மூலம், பெண்களின்
கனவை நனவாக்க முடியும். இவ்வாறு, கெஜ்ரிவால் கூறினார்.
-
------------------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

டில்லி பஸ்களில் பெண்கள் இலவசமாக பயணிக்கலாம்

டில்லி பஸ்களில் பெண்கள் இலவசமாக பயணிக்கலாம்