பேல்பூரி (26/01/2020)- தினமணி கதிர்

by **அ.இராமநாதன்** Fri Jan 31, 2020 9:10 pm

கண்டது

• (சென்னை திருவொற்றியூர் அஞ்சல் நிலையத்துக்கு அருகில் இருக்கும் ஒரு துணிக்கடையின் பெயர்)
சொல்லமாட்டே
பி.கே.ஈஸ்வரன், சென்னை-19.

• (மயிலாடுதுறையில் ஓர் இருசக்கர வாகனத்தில்)
என்னைக் கெட்டவன் என்று சொல்வதற்கு
இந்த ஊரில் ஒரு நல்லவன் இருக்கிறானா?
நன்னிலம் இளங்கோவன், மயிலாடுதுறை.

• (சென்னை தண்டையார்பேட்டை வ.உ.சி.நகர் மதிய உணவு தள்ளுவண்டி கடையின் பெயர்)
அக்கா கடை
எஸ்.வசந்தி, சென்னை-81

• (தென்காசி காசி விஸ்வநாதர் கோயில் தெப்பக்குளம் அருகே உள்ள ஓர் உணவகத்தின் பெயர்)
ஈகை பவன்
கு.அருணாசலம், தென்காசி.

by **அ.இராமநாதன்** Fri Jan 31, 2020 9:10 pm

கேட்டது
• (திருத்துறைப்பூண்டி பேருந்து நிலையம் அருகில் இருவர்)
"நிறுத்துங்க... ஓட ஓட விரட்டுறீங்களே?''
"பொய் சொல்லாதீங்க... நீங்க எங்கே ஓடுறீங்க? நான் எங்கே விரட்டுறேன்?''
மு.பெரியசாமி, விட்டுக்கட்டி.

• (திருநெல்வேலி கேடிசி நகரில் தெருவில் நடந்து சென்றவரும், வீட்டுக்காரரும்)
"சார்... உங்க வீட்டு நாய் குரைக்குது?''
"நாய் குரைக்கும். சிங்கம் கர்ஜிக்கும். ஆடு, மாடு கத்தும், காகம் கரையும், குயில் கூவும். மயில் அகவும். சின்ன வயசுல உங்களுக்கு ஸ்கூல்ல இதெல்லாம் கத்துக் கொடுக்கலையா?''
க.சரவணகுமார், நெல்லை.

யோசிக்கிறாங்கப்பா!
மனைவி சண்டை போடத் தொடங்கியவுடன்...
வாசல் கதவையும், ஜன்னல்களையும் மூடுபவன் புத்திசாலி.
டிவி சத்தத்தைக் கூட்டுபவன் அதி புத்திசாலி.
கையைக் காலைப் பிடித்து சமாதானமாகி
மனைவியை ஹோட்டலுக்கு அழைத்துச் செல்பவன் சாமர்த்தியசாலி.
சட்டையை மாட்டிக் கொண்டு வெளியே கிளம்பிவிட்டால்...
அவன் ஞானி.
அண்ணா அன்பழகன், அந்தணப்பேட்டை.

எஸ்எம்எஸ்
வாழ்க்கையிலும்
வாட்ஸ் அப்பிலும்
மக்கள் எதிர்பார்ப்பது
ஸ்டேடஸ்தான்.
எஸ்.சடையப்பன், காளனம்பட்டி.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பேல்பூரி (26/01/2020)- தினமணி கதிர்

பேல்பூரி (26/01/2020)- தினமணி கதிர்

Re: பேல்பூரி (26/01/2020)- தினமணி கதிர்