எது இளமையாக இருக்க வேண்டும்..? மனசா; முடியா; தேகமா; டி-ஷர்ட்டா?

by **அ.இராமநாதன்** Tue Dec 22, 2020 1:00 pm

இளமையாக இருக்க ஆசைப்படுவ தில் தவறில்லையே!
மார்க்கண்டேயன் மாதிரி 'என்றும் 16' வரம் கிடைத்தால்,
வேண்டாம் என்போமா? ஆனால், எது இளமையாக
இருக்க வேண்டும்..? மனசா; முடியா; தேகமா; டி-ஷர்ட்டா?

தாகூருக்கும் அரவிந்தருக்கும் முடி நரைத்துத்தான் இருந்தது.
ஆனால் அதையும் மீறி அவர்கள் கம்பீரமாகத்தானே
இருந்தார்கள்?!

மனம், தேகம் - இந்த இரண்டையும் எப்போதும் தெம்பாக
வைத்திருக்க வேண்டும். அதற்கு முயற்சி செய்யும் போது...
தானாகவே இளமையாகி விடுவோம்!

மனசையும் தேகத்தையும் இளமையாக வைத்துக் கொள்ள
முடியாதவர்கள்தான், தலை முடியையும் மீசையையும் சாயம்
தீட்டிக் கொள்கின்றனர்.

'எது இளமை?' - இதற்கான பதிலை அறிந்து செயல்படுபவர்கள்,
வருடங்கள் அதிகரிக்க அதிகரிக்க இன்னும் வளர்ச்சியுறுவார்கள்;
புரியாத வர்களுக்கு... வயது மட்டுமே கூடிக் கொண்டு போகும்!

நெப்போலியன் ஒருமுறை எதிரி நாட்டின் மீது படை
எடுத்தான். எதிரி நாட்டின் தளபதியை அவனது வீரர்கள்
கைது செய்து நெப்போலியன் எதிரே நிறுத்தி,

'மன்னா! இவன் சாதாரணமானவன் இல்லை; யுத்த வியூகங்களை
அமைப்பதில் கெட்டிக்காரன். இவனை காவல் காக்க வேண்டும்.
இல்லையெனில் தப்பிவிடுவான்!' என்றனர்.

புருவம் உயர்த்திய நெப்போலியன் அவனிடம்,
''அப்படியா? ஆமாம்... உனக்கு என்ன வயது?'' என்று கேட்க... அவனோ
யோசித்து விட்டு,''ஐம்பது அறுபது இருக்கலாம்''என்றான்.

சிரித்த நெப்போலியன், ''உன்னைப் பற்றி இவ்ளோ பெருமையா
பேசறாங்க. ஆனா உன் வயசே உனக்குத் தெரியலியா? குத்துமதிப்பா
சொல்றியே...!'' என்றான்.

இதற்கு அந்த தளபதி என்ன சொன்னான் தெரியுமா?

''என் படையில் எத்தனை குதிரைகள் இருக்கின்றன? எவ்வளவு
வாகனங்கள் உள்ளன? ஆயுதங்களின் எண் ணிக்கை... இவற்றைக்
கேட்டால், துல்லியமாகச் சொல்வேன். ஏனென்றால், பகைவர்கள்
இவற்றைக் கவர்ந்து விடுவார்கள் என்று அடிக்கடி கணக்கிடுவேன்.

ஆனால் என் வயதை எந்தப் பகைவனாலும் கவர்ந்து செல்ல முடியாது.
ஆகவே, வயது குறித்து சிந்திப்பதும் இல்லை; பயப்படுவதும் இல்லை!''
-
--------------------------------
-சக்தி மித்ரா (கல கலப்பக்கம்-விகடன்)

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

எது இளமையாக இருக்க வேண்டும்..? மனசா; முடியா; தேகமா; டி-ஷர்ட்டா?

எது இளமையாக இருக்க வேண்டும்..? மனசா; முடியா; தேகமா; டி-ஷர்ட்டா?