மாவுச்சத்து உணவுகளை இப்படி சாப்பிட்டால் சுகர் லெவல் அதிகரிக்காது..

by **அ.இராமநாதன்** Tue Oct 17, 2023 9:41 pm

--
உடலில் ரத்த சர்க்கரை அளவுகள் அதிகரிக்க மாவுச்சத்து
உணவுகள் தான் காரணம் என்று நாம் கேள்விப்பட்டிருப்போம்.

நார்ச்சத்து மற்றும் புரதச்சத்து மிகுந்த உணவுகளை அதிகம்
எடுத்துக் கொள்வதோடு, மாவுச்சத்து உணவுகளை குறைத்துக்
கொள்ள வேண்டும் என்று பல மருத்துவக் குறிப்புகள்
அறிவுறுத்துகின்றன.

அந்த வகையில், சர்க்கரை நோயாளிகளின் உணவுப் பட்டியலில்
ஸ்டார்ச் அல்லது மாவுச்சத்து நிறைந்த உருளைக்கிழங்கு மற்றும்
அரிசி சோறு போன்றவற்றுக்கு மிகுந்த கட்டுப்பாடு உண்டு.

அதே சமயம், ஸ்டார்ச் உணவுகளில் ரெசிஸ்டெண்ட் ஸ்டார்ச் எ
ன்ற வகையும் உண்டு. இது நம் சிறுகுடல் பகுதியில் செரிமானம்
அடையும்.

பெருங்குடல் பகுதியாக பயணிக்கும்போது, இந்த ரெசிஸ்டெண்ட்
ஸ்டார்ச்சில் நொதித்தல் நடவடிக்கை இடம்பெற்று, அது
ப்ரீபயாடிக்காக மாறும். அந்த வகையில், நம் குடலுக்கு நன்மை
பயக்கும் பாக்டீரியா கிடைக்கும் மற்றும் இன்சுலின் உற்பத்தி
சீராக இருக்கும்.

ரெசிஸ்டெண்ட் ஸ்டார்ச் வகை என்னென்ன..?

முழு தானியங்கள் அல்லது பகுதியளவிலான தானியங்களில்
இருப்பது டைப் 1 ரெசிஸ்டெண்ட் ஸ்டார்ச் வகை ஆகும். கருப்பு
கவுனி அரிசி போன்ற பாரம்பரிய அரிசி வகைகள், ஓட்ஸ், பீன்ஸ்,
பருப்புகள் போன்றவை இந்த பட்டியலில் வரும்.

உருளைக்கிழங்கு, வாழைக்காய் போன்றவற்றில் இருப்பது டைப் 2
ரெசிஸ்டெண்ட் வகை ஸ்டார்ச் ஆகும். வேக வைத்து, சாப்பிடுவதற்கு
முன்பாக ஆறவைத்து விட்டால், அதில் ரெச்ஸ்டெண்ட் ஸ்டார்ச்
அதிகரிக்கும்.

ஸ்டார்ச் சத்துக்கள் நிறைந்த பிரெட், பாஸ்தா போன்றவற்றை
சமைத்து, அவற்றை முழுமையாக ஆற வைத்தால்
டைப் 3 ரெசிஸ்டெண்ட் ஸ்டார்ச் தன்மை உருவாகும். இதில் மாவுச்
சத்து தன்மை மாறுபடும்.

அதேபோல, உணவுகளில் இயற்கையாக அல்லாத
டைப் 4 ரெசிஸ்டெண்ட் ஸ்டார்ச் வகையும் உண்டு. இதனை பன்,
பிரெட் போன்றவற்றின் தயாரிப்பின்போது பயன்படுத்துகின்றனர்.

எந்தெந்த உணவுகளை சாப்பிடலாம்..?

கொண்டக்கடலை, சுண்டல், ராஜ்மா மற்றும் இதர பருப்பு
வகைகளை சாப்பிடலாம். இவற்றில் கிளைசமிக் இண்டெக்ஸ் அளவு
குறைவாகும்.

பழுத்த வாழைப்பழங்களை காட்டிலும் பச்சையாக உள்ள
வாழைக்காயை சாப்பிடலாம். அதில் ரெசிஸ்டெண்ட் ஸ்டார்ச்
அதிகம்.

கருப்பு கவுனி அரிசி, தினை, சாமை போன்ற முழு தானிய உணவுகளை
சாப்பிடலாம்.

சியா விதைகள், ஆழி விதைகள் போன்றவற்றை எடுத்துக் கொள்ளலாம்.
இவற்றில் ஒமேகா 3 ஃபேட்டி ஆசிட் உண்டு. அது உடலில் உள்ள கெட்ட
கொழுப்புகளை கரைக்கும்.

ஸ்டார்ச் உணவை சாப்பிடுவது எப்படி?

எல்லாம் சரிதான், சர்க்கரை நோயாளிகளும் ஸ்டார்ச் சத்து நிறைந்த
உணவுகளை சாப்பிட வேண்டும் என்ற ஆசை வந்துவிட்டால் என்ன
செய்வது. உணவை சமைத்து, முழுமையாக ஆற வைத்த பிறகு
சாப்பிட்டால் அதன் விளைவுகளை நாம் கட்டுப்படுத்த முடியும்.
-
நன்றி-நியூஸ் 18
& Dailyhunt

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மாவுச்சத்து உணவுகளை இப்படி சாப்பிட்டால் சுகர் லெவல் அதிகரிக்காது..

மாவுச்சத்து உணவுகளை இப்படி சாப்பிட்டால் சுகர் லெவல் அதிகரிக்காது..