காந்தி தாத்தா கதை - குதூகலம் தரும் குழந்தைப் பாடல்

by **அ.இராமநாதன்** Sun Jun 30, 2024 5:20 pm

[You must be registered and logged in to see this link.]

காந்தி தாத்தா கதை சொல்றேன் –
கந்தா, நீயும் கேள் ! கேள் ! கேள் !
தேசத் தந்தையின் கதை சொல்றேன் –
கிரிஜா, நீயும் கேள் ! கேள் ! கேள் !
-
நம் நாட்டின் குஜராத் மாநிலத்தில் –
கத்தியவார் எனும் சிற்றூராம் !
புத்திலி பாய்க்குப் பிறந்துவிட்டார் ! – நம்
தேசத்தைக் காக்க பிறந்துவிட்டார் !
-
வக்கீலுக்குப் படித்தாலும் –
வேறு தேசங்கள் போனாலும் –
விடுதலை வேட்கை வந்ததடா !
வந்தே மாதரம் பிறந்ததடா !
-
தென்னாப்பிரிக்காவில் முதன் முதலில் –
இனவெறியை அவர் எதிர்கொண்டார் !
இந்தியா திரும்பி வந்துவிட்டார் !
சுதந்திரம் வேண்டும் என்றிட்டார் !
-
உண்மை வழியில் நின்றிட்டார் !
சத்தியாகிரக வழி இறங்கி விட்டார் !
போராட்டங்களில் முன் நின்றார் !
பலமுறை சிறையினில் வாடி நின்றார் !
-
அந்நியப் பொருட்களை அழிக்கச் சொன்னார் !
ஆங்கிலேயருக்கும் அன்பு காட்டி நின்றார் !
வெள்ளையனே வெளியேறு என்றிட்டார் !
வழிகாட்டியாய் நமக்கு வாழ்ந்திருந்தார் !
-
அன்றைய தியாகிகள் தியாகத்தால் –
இன்றைய பாரதம் உருவாச்சு !
என்றும் இதனை நினைவில் கொள்வோம் !
காந்தி தாத்தாவை மனதில் வைப்போம் !
-
மோகன், ஆனந்த், மோனா, ராம் !
என்றும் நினைவில் வைக்கணும் நாம் !
காந்தியின் நினைவைப் போற்றிடுவோம் !
பெற்ற சுதந்திரத்தைப் பேணிடுவோம் !
-
-ஜி.பி.சதுர்புஜன்
நன்றி-குவிகம் -ஏப்ரல் 2022
(குதூகலம் தரும் குழந்தைப் பாடல்கள்)

காந்தி தாத்தா கதை - குதூகலம் தரும் குழந்தைப் பாடல் End_ba10

அன்புடன

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

காந்தி தாத்தா கதை - குதூகலம் தரும் குழந்தைப் பாடல்

காந்தி தாத்தா கதை - குதூகலம் தரும் குழந்தைப் பாடல்