திரும்பி வந்துவிடு என் துபாய் கணவா....
வாழ்வின் அர்த்தம் புரிந்து வாழலாம்!

ٌ சத்தமில்லாமல் சமையலறை நுழைந்து முத்தம் கொடுத்துவிட்டு ஓடுகிறாய்!
ٌ என் பசி மறந்து உனக்காக காத்திருக்கும்பொழுது காத்திருக்கவேண்டாமென கண்டித்து விட்டு.. ஒரு கையால் இரு இதழுக்கு ஊட்டுகிறாய்!

ٌ சாதிச்சான்றிதழுக்காக லஞ்சம் கொடுத்துவிட்டு கெஞ்சுபவனைப்போல... மல்லிகைப்பூ தந்துவிட்டு மன்றாடுகிறாய்!
ٌ பள்ளிக்கு செல்லமறுத்து தூங்குவதாய் நடிக்கும் சின்னப்பையனைபோல... மடியில் படுத்துக்கொண்டு எழ மறுக்கிறாய்!

ٌ அம்மா வருவதாக பாசாங்கு செய்யும்பொழுது...

பதறி எழுந்து நிலை உணர்ந்து சிரிக்கிறாய் !
ٌ கை இழுத்து வைத்து குளிக்க வைக்க முயலும்போது
குளிரடிப்பதாய் கூறி - ஒரு குழந்தையை போல அழுகிறாய் !


ٌ மறைந்திருந்து கட்டிப்பிடிப்பாய்... கையிலிருப்பதை தட்டிப்பறிப்பாய்
கெஞ்சுவதும்... மிஞ்சுவதும்...
அழுவதும்... அணைப்பதும்...
கண்டிப்பதும்... கண்ணடிப்பதும்...
இடைகிள்ளி... நகை சொல்லி...
அந்நேரம் சொல்வாயடா "அடி கள்ளி "
ٌ இவையெல்லாம் இரண்டே மாதம் தந்துவிட்டு...
எனை தீ தள்ளி வாழ்வள்ளி சென்றுவிட்டாய்... என் துபாய் கணவா!
ٌ கணவா... - எல்லாமே கனவா.......?

கணவனோடு இரண்டு மாதம்... கனவுகளோடு இருபத்தி இரண்டு மாதமா...?
ٌ 12 வருடமொருமுறை குறிஞ்சிப்பூ ... 5வருடமொருமுறை ஒலிம்பிக்....

4 வருடமொருமுறை உலககோப்பை கிரிக்கெட்... .....

2 வருடமொருமுறை கணவன் ...

நீளும் பட்டியலோடு நீயும் இணைந்துகொண்டாய்!
ٌ இது வரமா ..? சாபமா..?

அழகுக்காய் பிணத்தின் சாம்பலில்... முகம் பூசுவோர் உண்டோ ?
ٌ கண்களின் அழுகையை... கண்ணாடி தடுக்குமா கணவா?

நான் தாகத்தில் நிற்கிறேன் - நீ கிணறு வெட்டுகிறாய்
நான் மோகத்தில் நிற்கிறேன் - நீ விசாவை காட்டுகிறாய்

திரும்பி வந்துவிடு என் துபாய் கணவா... வாழ்வின் அர்த்தம் புரிந்து வாழலாம்
ٌ விட்டுகொடுத்து.... தொட்டு பிடித்து...
தேவை அறிந்து... சேவை புரிந்து...
உனக்காய் நான் விழித்து... எனக்காக நீ உழைத்து...
தாமதத்தில் வரும் தவிப்பு... தூங்குவதாய் உன் நடிப்பு...

வாரவிடுமுறையில் பிரியாணி.... காசில்லா நேரத்தில் பட்டினி...
ٌ இப்படி காமம் மட்டுமன்றி எல்லா உணர்ச்சிகளையும் நாம் பரிமாறிக்கொள்ளவேண்டும்

ٌ இரண்டு மாதம்மட்டும் ஆடம்பரம் உறவு உல்லாச பயணம்..
பாசாங்கு வாழ்க்கை புளித்துவிட்டது கணவா!

ٌ தவணைமுறையில் வாழ்வதற்கு வாழ்க்கை என்ன வட்டிக்கடையா?
எப்பொழுதாவது வருவதற்கு நீ என்ன பாலை மழையா ?
இல்லை ஓட்டு வாங்கிய அரசியல்வாதியா ?

ٌ விரைவுத்தபாலில் காசோலை வரும் காதல் வருமா ?
பணத்தை தரும்... பாரத வங்கி ! பாசம் தருமா?

ٌ நீ இழுத்து செல்கின்ற பெட்டியோடு ஒட்டியிருக்கிறது என் இதயம்
அனுமதிக்கப்பட்ட எடையோடு அதிகமாகிவிட்டதால் விமான நிலையத்திலேயே விட்டுவிட்டாயோ என் இதயத்தை?

பித்தளையை எனக்கு பரிசளித்துவிட்டு... நீ தங்கம் தேடி துபாய் சென்றாயே?
ٌ பாலையில் நீ வறண்டது என் வாழ்வு!

வாழ்க்கை பட்டமரமாய் போன... பரிதாபம் புரியாமல் ஈச்சமரம் பக்கம் நின்று எடுத்த புகைப்படம் அனுப்புகிறாய்!


உன் துபாய் தேடுதலில்... தொலைந்து போனது - என் வாழ்க்கையல்லவா..?
ٌ விழித்துவிடு கணவா! விழித்து விடு - அந்த கடவுச்சீட்டு வேண்டாம்... கிழித்துவிடு!

விசாரித்து விட்டு போகாதே கணவா விசா ரத்து செய்துவிட்டு வா! (இல்லையேல் விவாக ரத்து செய்துவிட்டுப்போ )

நன்றி : ஜெய் ( இதை எங்கள் குழுமத்திற்கு அனுப்பியவர் )

சூப்பர் சூப்பர்..... சூப்பர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்

நன்றி தல.இத எனக்கு என் பிரெண்ட் அனுப்பினார்..அருமையான பிரதிபலிப்பு

என் நெல்லைச் சீமையின் மண்வாசனை கொண்ட அன்புத்தோழன் பகிர்ந்த இவ்வரிகள்
வெறும் வரிகள் அல்ல திருமணம் முடிந்த கையுமாய் திரவியம் தேடி
கரைகடக்கும் இன்றைய இளைஞர்களின் வாழ்க்கை

கடைசி வரிகள் மிகவும் மனதை சலனப்படுத்துகிறது

பகிர்வுக்கு நன்றி என் சீமைத் தோழனே

ஹஹாஹ நன்றி தோழரே..நீங்களும் நம்ம ஊரா? நல்லது...பொங்கலுக்கு ஊருக்கு போறேன் நீங்களும் வந்தா சந்திக்கலாம்..நன்றி நன்றி நன்றி

சரவணன் wrote:ஹஹாஹ நன்றி தோழரே..நீங்களும் நம்ம ஊரா? நல்லது...பொங்கலுக்கு ஊருக்கு போறேன் நீங்களும் வந்தா சந்திக்கலாம்..நன்றி நன்றி நன்றி

நான் கடையநல்லூர் காரன் இபோதுதான் ஊருக்கு போய்வந்தேன்
நீங்கள் நல்ல முறையில் போய்வாருங்கள் நண்பா

என் பொங்கல் வாழ்த்துக்கள்

சரவணன் wrote:ஹஹாஹ நன்றி தோழரே..நீங்களும் நம்ம ஊரா? நல்லது...பொங்கலுக்கு ஊருக்கு போறேன் நீங்களும் வந்தா சந்திக்கலாம்..நன்றி நன்றி நன்றி

நீங்க இப்போ எங்கே இருக்கீங்க..?

நான் இப்பொழுது திருப்பூரில் பணி செய்கிறேன்..எனக்கு அம்பாசமுத்திரம்..வரும் வியாழன் அன்று இங்கிருந்து புறபடுகிறேன்..ஓகே நண்பா

சரவணன் wrote:நான் இப்பொழுது திருப்பூரில் பணி செய்கிறேன்..எனக்கு அம்பாசமுத்திரம்..வரும் வியாழன் அன்று இங்கிருந்து புறபடுகிறேன்..ஓகே நண்பா

ஓகேஸ்.............

சரவணன் wrote:நான் இப்பொழுது திருப்பூரில் பணி செய்கிறேன்..எனக்கு அம்பாசமுத்திரம்..வரும் வியாழன் அன்று இங்கிருந்து புறபடுகிறேன்..ஓகே நண்பா

நல்லது போய்வாருங்கள் நான் தற்பொழுது துபாய் நகரில் பணிபுரிகிறேன்
சொந்த ஊரில் வேலை செய்யவும் வேண்டும் ஒரு பாக்கியம்
அது உங்களுக்கு இருக்கு

நன்றி நண்பா

ம்ம் ஓகே தோழா

உண்மையில் அற்புதம் ! வாழ்த்த வரிகள் இல்லை ! ஒரு பெண்ணின் நிலையை படம்பிடித்துக்காட்டும் அருமையான கவிதைக்கதை !

இளம் பெண்ணின் சோகம் .அழகாய் , வார்த்தைகளாய். பகிர்வுக்கு நன்றி . வாழ்க்கை சுழலும் சக்கரம்" அவர்" மீண்டும்வருவார் என தேற்றுவோம்.

இந்தகவிதை வரிகளை நான் பலதடவை படிக்கும்போது நான் என் மனைவியாக இருந்துபடிப்போன் அந்நேரம் நான் அடையும் துயரத்தை வார்த்தைகளால் வர்னிக்க முடியாது.என் உள்ளத்தை உறையவைத்துவிட்டது.இப்படி ஒரு நிலை யாருக்கும் இந்த உலகில் கொடுத்துவிடதே இறைவா.பதிந்தவருக்கு என் அன்பான நன்றிகளை தெரிவித்துக்கொள்கின்றேன்

நானும் சில மாதங்களுக்கு முன் படித்தேன், எத்தனை தடவை படித்தாலும் மனம் வலிக்கிறது.