தைப்பொங்கலும் கவிப்பொங்கலும்

by **kowsy2010** Thu Jan 13, 2011 4:31 pm

பொங்கல் பானையிலே அரிசியிட்டு, நெய்யிட்டு
சக்கரையும் பயறும் அளந்தேயிட்டு
பொங்கிய பொங்கலும் சுவையே
மூளைப் பாத்திரத்தில் அறிவிட்டு, அணியிட்டு,
அலங்காரமிட்டு கற்பனை அளந்தேயிட்டு
பொங்கிவந்த கவிவரிகளும் சுவையே
பொங்கிய பொங்கலைப் படைத்த பாத்திரம் போல் - கவிப்
பொங்கலைப் படைத்த இணையமும் சிறப்பே
பொங்கலுண்டு சுவை இன்பம் பெற்று – மனப்
பந்தலிலே இன்பச் சுவையுண்டாற் போல் - கவிப்
பொங்கலுண்ட களிப்பினிலே கருத்தின்பம் பெற்று
அணிச்சுவையின்பம் கொள்வோம்.

ஓட்டைப் பானையிலே போட்ட பொங்கல் ஒட்டாது கொட்டும்- மன
ஓட்டப்பாத்திரத்தில் போட்ட அறிவும் ஒட்டாது கொட்டும்
அறிவை மனப் பாத்திரத்தில் தேக்கி வைத்து
அதன் பயனை அள்ள அள்ளக் குறையாது எடுத்தளிப்போம்
பானைப் பொங்கல் அளவானது கொள்ளளவே கொட்டும்
அறிவுப் பாத்திரப் பொங்கல் மேலானது.
கொட்டக் கொட்டக் குறையாதது.

by **கவிக்காதலன்** Thu Jan 13, 2011 4:33 pm

அருமை...!
பொங்கல் நல்வாழ்த்துக்கள்...!

//ஓட்டைப் பானையிலே போட்ட பொங்கல் ஒட்டாது கொட்டும்- மன
ஓட்டப்பாத்திரத்தில் போட்ட அறிவும் ஒட்டாது கொட்டும்
அறிவை மனப் பாத்திரத்தில் தேக்கி வைத்து
அதன் பயனை அள்ள அள்ளக் குறையாது எடுத்தளிப்போம்
பானைப் பொங்கல் அளவானது கொள்ளளவே கொட்டும்
அறிவுப் பாத்திரப் பொங்கல் மேலானது.
கொட்டக் கொட்டக் குறையாதது.//

அனைத்து வரிகளுமே அருமை மிகவும் ரசித்து எழுதியிருக்கீங்க...நானும் பொங்கல் சுவையில் மகிழுகிறேன்