வாழ்ந் தோய்ந்தோர் வாழ்க்கையில் ஆயிரம் இருக்கிற தநுபவம்

by **kowsy2010** Fri Jan 14, 2011 8:56 pm

அநுபவம்

வாழ்ந் தோய்ந்தோர் வாழ்க்கையில்
ஆயிரம் இருக்கிற தநுபவம்
வாழத் துடிப்போர் வாழ்க்கையில்
வந்து குவிய விருப்பது அநுபவம்
பச்சைக் குழந்தை பால் முகமும்
பட்டுத் தேறிய மனிதன் முகமும்
சுட்டிக் காட்டி நிற்பத நுபவம்.
கல்வி காலம் கடந்து வருபாதை
கணக்கில் சேர்த்த தநுபவம்
வாழும் காலம் முழுவதும்
வாழ்ந்து கொண்டிருப்ப தநுபவம்
வாழ்க்கை முடியும் வேளையில்
சேர்ந்தே அழிவது அநுபவம்

அநுபவப் பாடம் அறைந்திடும் முதியோர்
அறிவுரை கேட்க ஆர்வமுமில்லை
ஆய்ந்தோய்ந்து வீழ்ந்திடும் வேளையில்
அழுதிட நேர்ந்தால் பழியேது மில்லை
அநுபவ வாளால் அறிந்தோர் தறிக்கும்
களைகள் களையும் வேட்கையு மில்லை
பட்டுத் தெளியத் துடிக்கும் மனிதனை
விட்டுப் பிடிக்க நினைப்பது நலமே.

அன்புடன்
கௌசி