அய்யா உன் பதி வந்தேன் . . .

by **kavithaigal** Tue Jan 18, 2011 5:48 pm

அய்யா உன் பதி வந்தேன்
ஆனந்தம் நான் கொண்டேன்
இயல்பாய் நீர் எம்மை
ஈகை கொண்ட உள்ளத்தோடு
உள்ளம் நெகிழச் செய்தீர்
ஊக்கமாய் உலகில் வாழ வைத்தீர்
எல்லை இல்லா ஆனந்தம் மக்கள் மனதில்
ஏக்கம் கொண்ட நெஞ்சங்கள் சந்தோசமாய் இன்று
ஐயத்தோடு வருவோர் ஐயம் நீங்கி - அய்யா நீங்கள்
ஒற்றுமைக்கு உரம் - உம் புகழ்
ஓதுவோர்க்கு பலம் - நீங்கள் புரிந்த பாராயணம் படித்த பின்
ஔவை எழுத்தின் திறன் கண்டேன்

உம்மை வணங்கும் எம் கை நம்பிக்கையோடு . . .
உம்மை சரணடைந்தால் நீங்கும் பிணி அனைத்தும் . . . .

by **bparthasarathi** Thu Jan 20, 2011 1:31 pm

அய்யா வைகுண்டரின் அன்புபதி சென்று
ஆனந்தம் கண்டதை அன்பு நண்பரே உங்கள்
இயல்பான வரிகளில் கண்டேன்- நாடி வந்தோர்க்கு
ஈந்திடுவார் இன்ப வாழ்வுதனை மட்டன்றி
உலகம் உய்யும் அவரின் கருத்துக்களால்
ஊரே அவர் புகழ் பாடிட...
என்றும் நலம் தருவார்
ஏற்றமுடை வாழ்வும் தந்து
ஐயம் துளியும் வேண்டாம் பார் போற்றும்
ஒருவராய் பண்பாளராய்
ஓங்கி வளரச் செய்வார் உம்மை
ஔவையினும் மேலாய்.

வாழ்த்துக்கள்!

'தமிழ் நேசன்'
பா.பார்த்தசாரதி,
[You must be registered and logged in to see this link.]