களவானிப் பசங்க நாங்க..!

by nirosh28 Wed Sep 22, 2010 9:13 pm

நாங்க நாலுபேர் நண்பர்கள்

எங்களுக்கு இல்லாத எதிரியே இல்ல

ஆனாலும் சும்மா கலக்குவமில்ல...!

+++++++++++

படிப்பது சாதாரணதரம்

குடிப்பது உயர்தரம்

நாங்க எப்பவும் தனிரகம்...!

+++++++++++

காலைமுதல் மாலைவரை

சுடிதார்முதல் சேலைவரை

மதிப்பெண் போட்டே பெண்களை மதிச்சோம்..!

எங்க மதிப்பெண் குறைஞ்சு

தவியா தவிச்சம்...!

+++++++++++

கிரிக்கெட் கிரிக்கெட் என்று

கிறுக்குப் பிடிச்சு குறுக்குச்சந்தில் உள்ள

கண்ணாடி உடைப்பது பொழுதுபோக்கு...!

+++++++++++

நாங்க ஜெயிக்காத கப்புமில்ல

உடைக்காத கப்புமில்ல

அடிக்காத மப்புமில்ல ...!

+++++++++++

ஒரு மையவீட்டையும் விட்டதில்ல

பொது மைதானத்தையும் விட்டதில்ல...!

+++++++++++

ஊருல கோயில் திருவிழா

எங்களுக்கு ஒரே பெருவிழ

நாட்டுக்கோழிமுதல் ஆட்டுக்கிடா வரை

ஆட்டையபோட்டே அறுசுவையுண்டோம்..!

+++++++++++

நண்பனின் காதலி

நண்பனை ஏற்கமறுத்தால்

நாங்க போடுவோம்

அவங்க வீட்டின் முன் கறுத்தால்..! (பந்த்)

+++++++++++

பள்ளிக்கு ஒழுங்கா போனதில்ல

படிக்கிறமாதிரி நடிச்சதில்ல

படிச்சவங்களையும் மதிச்சதில்ல

படிகாதவங்களையும் மிதிச்சதில்ல

வீட்டில நாங்க நல்லபுள்ள

வெளியில வந்தா சும்மா கலக்குவமில்ல...!

+++++++++++

பருவவயசு பாடாய் படுத்தியதில்

இழப்பது எதிர்காலம் எனதெரியாமல்

இன்னலின்றி வாழ்ந்திருந்தோம்

இன்பமொன்றே கண்டிருந்தோம்...!

+++++++++++

ஆண்டுகள் பலகடந்தாலும்

அன்பு நண்பர்கள் பிரிந்தாலும்

என் பருவவயசு நினைவுக்காற்று

நித்தம் எனை வந்து

முத்தமிட்டுச் செல்கின்றன...!

+++++++++++

நினைவுகள் தொடரும் நிரோஷ்.