அப்பா!!!!!!!!!!!!!!!!!!!!!!!!

by **rajeshrahul** Fri Jan 21, 2011 3:50 pm

அப்பா...

எப்படி எப்படி
எல்லாமோ
தன் பாசம்
உணர்த்துவாள் அம்மா
ஒரேயொரு
கைஅழுத்தத்தில்
எல்லாமே
உணர்த்துவார்
அப்பா...

முன்னால்
சொன்னதில்லை
பிறர் சொல்லித்தான்
கேட்டிருக்கிறேன்
என்னைப்
பற்றி பெருமையாக
அப்பா
பேசிக்கொண்டிருந்ததை...

அம்மா
எத்தனையோ முறை
திட்டினாலும்
உறைத்ததில்லை
உடனே
உறைத்திருக்கிறது
என்றேனும்
அப்பா
முகம் வாடும் போது

உன் அப்பா
எவ்வளவு உற்சாகமாக
இருக்கிறார் தெரியுமா
என என் நண்பர்கள்
என்னிடமே சொல்லும்
போதுதான் எனக்குத்
தெரிந்தது
எத்தனை பேருக்குக்
கிடைக்காத தந்தை
எனக்கு மட்டும் என...

கேட்ட உடனே
கொடுப்பதற்கு
முடியாததால் தான்
அப்பாவை அனுப்பி
இருக்கிறாரோ
கடவுள்..?

சிறுவயதில்
என் கைப்பிடித்து
நடைபயில
சொல்லிக்கொடுத்த
அப்பா
என் கரம் பிடித்து
நடந்த போது
என்ன நினைத்திருப்பார்..?

லேசாக என் கால்
தடுமாறினாலும்
பதறும் அப்பா
இன்று நான்
தடுமாறிய போது
பதறாமல் இருக்கிறார்
மீளா துயிலில்...

அம்மா செல்லமா
அப்பா செல்லமா
என கேட்டபோதெல்லாம்
பெருமையாகச் சொல்லி
இருக்கிறேன்
அம்மா செல்லமான
அப்பா செல்லம் என
இன்று
அப்பா சென்ற பின்னர்
நான் யார் செல்லம்..?

எத்தனையோ பேர்
நான் இருக்கிறேன்
எனச் சொன்னாலும்
அப்பாவை போல்
யார் இருக்க முடியும்..?

சொல்லிக்
கொடுத்ததில்லை
திட்டியதும் இல்லை
இல்லை என்றும்
சொன்னதுமில்லை
வேண்டாம் எனக்
கூறியதும் இல்லை
இருந்தும் ஏதோ
ஒன்றினால்
கட்டுப்படுத்தியது
அப்பாவின் அன்பு

நானும் காட்டியதில்லை
அவரும் காட்டியதில்லை
எங்கள் பாசத்தை...
இருந்தும் காட்டிக்
கொடுத்த கண்ணீரைத்
துடைக்க இன்று
அப்பாவும் இல்லை..

அம்மாவிடம்
பாசத்தையும்
அப்பாவிடம்
நேசத்தையும்
இன்றே உணர்த்துங்கள்
சில நாளைகள்
இல்லாமலும் போகலாம்...

by ammu Fri Jan 21, 2011 4:48 pm

உணர்வுபூர்வமான வரிகள்
உண்மையான நிகழ்வுகள்
அற்புதம் நண்பா

உங்கள் வாழ்க்கையின் சுவைகளை உணர்வு பூர்வமான வரிகளால் கொட்டியிருக்கீங்க பாராட்டுக்கள் ராஜேஷ்

by **rajeshrahul** Fri Jan 21, 2011 4:57 pm

தமிழ்த்தோட்டம் (யூஜின்) wrote:உங்கள் வாழ்க்கையின் சுவைகளை உணர்வு பூர்வமான வரிகளால் கொட்டியிருக்கீங்க பாராட்டுக்கள் ராஜேஷ்

இது நான் ரசித்த வரிகள். மிக்கா நன்றி நண்பா

by **கலைநிலா** Fri Jan 21, 2011 6:02 pm

மேற்கொள்ள தேடினேன் வரிகளை இளவலே.
முடியவில்லை .
உண்மையின் எண்ணம் எல்லாமே.
எப்படி சொல்ல்வது ,பாராட்ட வரிகள் இல்லை இளவலே.
எல்லாம் உண்மை ,உண்மை .என்பதை தவிர .
நன்றி உங்களுக்கும் .இதை எழுதிய கவிக்கும் .
வாழ்த்துக்கள் .

by **rajeshrahul** Fri Jan 21, 2011 6:03 pm

kalainilaa wrote:மேற்கொள்ள தேடினேன் வரிகளை இளவலே.
முடியவில்லை .
உண்மையின் எண்ணம் எல்லாமே.
எப்படி சொல்ல்வது ,பாராட்ட வரிகள் இல்லை இளவலே.
எல்லாம் உண்மை ,உண்மை .என்பதை தவிர .
நன்றி உங்களுக்கும் .இதை எழுதிய கவிக்கும் .
வாழ்த்துக்கள் .

மிக்கா நன்றி.

by **கவிக்காதலன்** Sat Jan 22, 2011 12:19 am

அருமை...! பகிர்வுக்கு நன்றி...!

by **நிலாமதி** Sat Jan 22, 2011 12:32 am

உண்மை தான் இருக்கும்போது உணர்வதில்லை.இல்லாத போது .........மனம் கலங்குகிறது .

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அப்பா!!!!!!!!!!!!!!!!!!!!!!!!

அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!

Re: அப்பா!!!!!!!!!!!!!!!!!!!!!!!!