"தலைமையின் முடிவு' : இளங்கோவன் தடுமாற்றம்

by **கவிக்காதலன்** Mon Jan 24, 2011 1:32 am

""சுதந்திரமாக கருத்து கூற எனக்கு தடை விதிக்கப்படவில்லை. கூட்டணி ஆட்சி அமைக்க கட்சி தலைமையிடம் வலியுறுத்தினேன்,'' என முன்னாள் மத்திய அமைச்சர் இளங்கோவன் தெரிவித்தார்.

சிவகங்கை மாவட்டம் சிறுகூடல்பட்டியில், கவிஞர் கண்ணதாசன் இல்லத்தை, பார்வையிட்ட அவர் கூறியது:பதவிக்காக கொள்கை புறக்கணிக்கப்படுகிறது. 20 ஆண்டுக்கு முன் அரசியலில் இருந்த நேர்மை, நாணயம், நாகரிகம் தற்போது இல்லை. தமிழக காங்கிரசில் புது ரத்தம் பாய்ச்ச வேண்டும். இளைஞர்கள் ராகுல் தலைமையை பின்பற்ற வேண்டும்.சட்டசபை தேர்தல் குறித்து, எங்கள் கருத்தை மேலிடத்திடம் கூறி விட்டோம். சோனியாவின் முடிவை ஏற்போம். சுதந்திரமாக கருத்து சொல்ல எனக்கு யாரும் தடை விதிக்கவில்லை. கட்சிக்கு எது நல்லது என்பதை தான், கூறி வருகிறேன். தமிழகத்தில் கூட்டணி அரசு மூலம் காமராஜர் ஆட்சி ஏற்படுத்த வேண்டும் என்ற தொண்டர்களின் கருத்தில், எவ்வித மாற்றமும் இல்லை. தலைமை எடுக்கும் முடிவுக்கு கட்டுப்படுவோம், என்றார்.

பின் பிள்ளையார்பட்டியில் நடந்த கட்சி நிகழ்ச்சியில் அவர் பேசியதாவது: அரசியலில் இடர்பாடுகளை தகர்த்தெறிய இங்கு வந்துள்ளேன். நேர்மையான தொண்டர்கள் இருந்தால் தான் ஆரோக்கியமான அரசியல் இருக்கும்; அவர்கள் ஒதுங்கக்கூடாது. எனக்கு சரி என பட்டதை கூறுவேன். உணர்ச்சி வேகத்தில் பேசலாம். ஆனால் மற்றவர்களின் உணர்வுகளுக்கும் மரியாதை தர வேண்டும், என்றார்.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

"தலைமையின் முடிவு' : இளங்கோவன் தடுமாற்றம்

"தலைமையின் முடிவு' : இளங்கோவன் தடுமாற்றம்