அரக்க மனிதர்கள்

by **செய்தாலி** Mon Oct 04, 2010 8:21 pm

வஞ்சமும் நஞ்சும் கலந்து
சீழ் துருநாற்றமுடைய
தரம் கெட்ட மனம்
பிணம் தின்னும்
கழுகுப் பார்வை
நிறத்தை மாற்றிக்கொள்ளும்
பச்சோந்தியின் குணமும்
அடுத்தவன் வீழ்ச்சியில்
பிறர் கண்ணீரிலும்
ஆனந்த தாண்டவமாடுவது
முன்னே இரவல் புன்னகளையும்
பின்னில் அசூர ஆதங்கமும்
தன்னிலை மறந்த
நான் என்கிற மமதை
மாற்றானைப் பற்றிய
அவதூறு பேச்சு
தாகித்த நாயின்
கடலை விழுங்கும் ஆசை
விஷம் கக்கும் பாம்பைப்போல்
குத்தும் வார்த்தைகள்
சிறிது தாழ்ந்தால்
கால்கொண்டு தலையை
மிதித்துத் தள்ளுவது
தன் நன்மை எண்ணியவனையும்
துளியும் கருணையற்று
சூழ்ச்சியால் வீழ்த்தி
அவன் குருதியையும் கண்ணீரையும்
இன்ப பானமாய் அருந்தும்
மனித உடலுடுத்திய
அசூர மிருகம்
அன்றும் இன்றும்
நன்மை மனிதர்க்கிடையில்
உறவு பந்தங்களிலும்
நட்பு கூட்டங்களிலும்
நமைச்சுற்றிய சமூகத்திலும்
முகமூடியிட்டு உலவுகிறது
விஷக் கொல்லிகள்
விழித்துக் கொள்ளுங்கள்