நவாஸ் ஷெரிப்புக்கு மூளை கிடையாது : முஷரப் தாக்கு

by **சூரியன்** Tue Oct 05, 2010 11:54 am

1999-ல் நவாஸ் ஷெரிப்பின் ஆட்சியை தூக்கி எறிந்து ராணுவ ஆட்சியை ஏற்படுத்திய பாகிஸ்தான் முன்னாள் அதிபர் பர்வேஸ் முஷரப் இரு தடவை பிரதமராக இருந்த நவாஸ் ஷெரிப் அப்பதவிக்கு லாயக்கில்லை என்றும் மூளையில்லாதவர் என்றும் கடுமையாக குறை கூறியுள்ளார்.
லண்டனில் அனைத்து பாகிஸ்தான் முஸ்லீம் லீக்கை தோற்றுவித்த முஷரப் அதன் தொடக்க விழாவில் இரு தடவை நவாஸ் பதவி இழந்ததற்கு காரணமே பிரதமருக்கு இருக்க வேண்டிய அறிவு இல்லாததே என்று கூறியதோடு தன்னுடைய பதவி காலத்தில் நடந்த தவறுகளுக்கு தன் ஆதரவாளர்களிடம் மன்னிப்பும் கேட்டார்.

ஒரு வருடத்திற்கு மேல் தான் நவாஸுடன் நெருக்கமாக பணியாற்றியுள்ளதாகவும் அதன் அடிப்படையிலேயே அவருக்கு சுத்தமாக மூளை கிடையாது என்று முஷரப் அவ்விழாவில் கூறியதாக் நியூஸ் இண்டர்நேஷனல் எனும் பத்திரிகை குறிப்பிட்டுள்ளது. மேலும் தான் பதவிக்கு வந்தால் ஜனநாயக முறைப்படி மக்களுக்கு பதில் சொல்லும் கட்சியாக இருக்கும் என்றும் வாரிசு அரசியல் தன் கட்சியில் இருக்காது என்றும் முஷரப் தெரிவித்தார்.

முஷரப் பேசிய அரங்கிற்கு வெளியே ஹிஸ்புத் தஹ்ரீர் எனும் இஸ்லாமிய அமைப்பினர் முஷரப்புக்கு எதிராக கோஷங்கள் எழுப்பினர். பாகிஸ்தானுக்கு மக்கள் நலனில் அக்கறை கொண்ட அதிபர் வேண்டும் என்ற பதாகைகளை வைத்திருந்ததோடு சிலர் முஷரப்பின் படத்தை ஷூவால் அடித்து தங்கள் எதிர்ப்பை வெளிப்படுத்தினர்.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நவாஸ் ஷெரிப்புக்கு மூளை கிடையாது : முஷரப் தாக்கு

நவாஸ் ஷெரிப்புக்கு மூளை கிடையாது : முஷரப் தாக்கு