ஞான ஒளி பெற உலகறிந்த பத்து வழிகள்

by **rajeshrahul** Fri Jan 28, 2011 7:17 pm

1. உங்களைப் பற்றி மற்றவர்கள், அதிலும் முக்கியமாக உங்கள் குடும்பத்தார், நண்பர்கள், மற்றும் நீங்கள் இன்னும் அறியாத மக்கள் என்ன எண்ணுகிறார்கள் என்பதைப் பற்றிய கவலையை விட்டொழியுங்கள்.

2. உங்கள் பார்வையின் எல்லைக்குள் வரும் அனைத்தினிடத்திலும், அனைவரிடத்திலும் அன்பைச் செலுத்துங்கள். முடியும் போதெல்லாம் மனதை அமைதிப்படுத்தியபின், உள்ளத்தைத் திறந்து ஒவ்வொருவருக்கும் உங்கள் அன்பினைச் செலுத்துவதாய் கற்பனை செய்யுங்கள். அனைவருக்குமான அதி உன்னதமான அன்பு உங்களுக்குள்ளே இருப்பதை அறிய முற்படுங்கள்.

3. எப்பொழுதெல்லாம் சந்தேகம், பயம் அல்லது கவலை எழுகின்றதோ அதை உடனடியாக ஆச்சரியத்தாலும் ஆவலினாலும் மாற்றி அமையுங்கள்.

4. உங்களுடனும் பிறருடனும் எப்பொழுதும் தீர்க்கமான உண்மையுடன் இருங்கள்.

5. சலனமின்றி இருப்பதாலும், மனதை அமைதிப் படுத்துவதாலும் அண்டத்துடன் தொடர்பு கொள்ள தினமும் குறைந்த பட்சம் 20 நிமிடங்களாவது எடுத்துக் கொள்ளுங்கள். உங்கள் எளிமையான, இனிய தெய்வீக நிலையில் காணும் அமைதியின் மேல் கவனம் செலுத்துங்கள்.

6. முழுமையாக ஓய்வு நிலையில், சுய உணர்வுடன் உங்களுக்கு இந்த அனுபவம் ஏற்படுவதை இக்கணமே உணருங்கள்.

7. நீங்கள் செய்யப்போவதாக நீங்கள் சொல்லும் அனைத்தையும் பின்பற்றுங்கள். உங்கள் வாக்கை சட்டமாக மதியுங்கள்.

8. உங்கள் கனவுகளையும் விருப்பங்களையும் நிறைவேற்ற உண்மையாகத் துணை நிற்கும் ஒத்த மனம் கொண்ட மனிதர்கள் உங்களைச் சூழ்ந்திருக்கும் படி பார்த்துக் கொள்ளுங்கள்.

9. இந்த அந்தமில்லாத அண்டத்தில் எதுவும் சாத்தியம் என்பதை அறியுங்கள். நீங்கள் விரும்பும் எதையும் நினைக்கவும், சொல்லவும், அனுபவிக்கவும் சுதந்திரமாகச் செயல்படுங்கள்.

10. உங்களையும், உங்கள் வாழ்க்கையையும், அண்டத்தையும் உள்ளபடியே பரிபூரணமாக ஏற்றுக்கொள்ளுங்கள்.