நண்பர்கள் மன்னிக்கவும். என்னை பற்றி எதுவும் சொல்லாமலேயே பதிவுகள் போட ஆரம்பித்துவிட்டேன். இதோ என்னை பற்றி..பெரிசா சொல்லிக்கொள்ள எதுவும் இல்லை தான். என்னையும் மனிதனாக மதித்து ஏற்று கொள்வீர்கள் என நம்புகிறேன்.
பெயர் : ம.சுரேஷ்
வயது : 35, 20 சனவரி 1975
தோற்றம் : திராவிட நிறம் (மாநிறம் - 30 வயது மதிப்பிடலாம்)
பிறந்தது : கொங்கு மண்டலமாம் கோவையில்
இருப்பது : பிழைப்பிற்காக சென்னையில்
தாய்மொழி : தமிழ் தான் என்று மார்தட்டி சொல்வேன்
கல்வித்தகுதி : ஏட்டில் உள்ளது வணிக மேலாண்மைக்கான இளங்கலை பட்டம் ஏட்டில் இல்லாதது காலம் கற்று கொடுத்த அனுபவங்கள், எப்போதும் நல்ல புத்தகங்கள்
தொழில் : வயிற்று பிழைப்புக்கு தனியார் நிறுவன உத்தியோகம். மோசமில்லை கவுரவமான வேலை தான்.
சாதணை : ஒன்றும் இல்லை. ஒரு பெண் குழந்தை உண்டு ஆனால் அது சாதனையா என்று தெரியவில்லை. தமிழ் நாட்டில் வாழ்வதே சாதணை தானே.. இத்தனை இலவசங்களையும் தாண்டி தமிழனாக
விரும்புவது: 1 . இயற்கையை நேசிக்க விரும்புகிறேன். இயற்கையை நிர்வானபடுத்தி ஆடை வாங்குவோரை கன்னத்தில் அறியாமல் எடுத்து சொல்ல விரும்புகிறேன்
2. பொய்யற்ற ஆன்மிகம் தேடி பொதிகை முதல் பனி போர்த்த இமயம் வரை சென்று வர ஆசை.
3. வள்ளுவன் என்ன சாதி, பாரதி என்ன சாதி, ராஜராஜன் நம்மவனா என்றொல்லாம் யோசிக்காமல் இளையோர் தமிழன் சரித்திரம் தெரிந்து கொள்ள வேண்டும் என்று விருப்பம்.
4. உண்மையான அரசியல் தலைவர்களை தெரிந்து கொள்ள / சொல்ல விருப்பம் முடிந்தவரை.
5. சாகும் வரை புத்தகம் படிக்காத நாளொன்றை எப்போதும் சந்திக்காத ஆசையுண்டு

நான் ஒரு சராசரி இந்திய இளைஞன். எத்தனையோ கனவுகளோடும் ஆசைகளோடும் கல்வி முடித்து வேலை தேடி அலைந்து, பணத்தின் பின் ஓடி ஓடி இளமையை தொலைத்து, திருமணம் செய்து பிள்ளை பெற்று, தினம் தினம் செய்தி தாளில் கொலை கொள்ளை கற்பழிப்பு அந்த ஊழல், இந்த ஊழல் அவன் பெரியவனா இவன் பெரியவனா என்ற சாதீய பூசல்களுடனும், அடுத்த முதல்வர் என்ற நாற்காலி கனவுகளுடனே அரசியலுக்கு வரும் சில்வண்டுகளின் அரசியல் பிதற்றல்களூடே நாம் ஏதாவது செய்து விட மாட்டோமா என்ற கனவுடனே தூங்க போய், இன்றைய பல அரசியல் தலைவர்களை கருவறுத்து மக்களின் முகத்தில் மகிழ்ச்சியை பார்த்து விட்டு, தூக்கம் களைந்து எழும் தமிழன்.

ஒரு பத்திரிக்கை ஆரம்பித்து, அதை வியாபார ரீதியாக நடத்த முடியாமல் என் கனவுகளையும், என் அத்தனை சேமிப்பையும் விரயமாக்கியவன். ஒரு எழுத்தாளன் என்று சொல்லிக்கொள்ள முடியவில்லை என்றாலும் நான் ஒரு சுயம்பு தான். எனக்கு யாரும் வழிகாட்டவில்லை, நான் யாரிடமும் கேட்கவும் இல்லை. வெளியில் வந்து பரிசு பெறாத, பலரது கவனம் பெறாத இன்னும் எனது படைப்புகளை அடைகாக்கிறேன் கருவினுள்ளே.

அண்ணாவையும், பெரியாரையும் பார்த்து அரசியலுக்கு எத்தனையோ இளைஞர்கள் வந்தார்கள். அப்படி வந்தவர்களை பார்த்து தான் இன்றைய இளைஞன் மிரண்டு கிடக்கிறான். அரசியல் ஒரு சாக்கடை என்று மூக்கை பொத்தி விலகி விட நேர்கிறது. அதையும் மீறி துடிப்பான சில இளைஞர்கள் களத்தில் இறங்கினாலும், நாளும் ஒரு மிரட்டல், ஆசை வார்த்தைகள் என்று அவனையும் அவனோடுகூட அவனது அரசியல் கனவை கூட விலைக்கு வாங்கிவிடுகிறார்கள். நான் ஒரு அரசியல் வாதியாக ஆசைப்படவில்லை, அரசியல் என்ன என்பதை தெரிந்து சொல்ல விரும்புகிறேன். ஈட்டலும், காத்தலும், காத்து வகுத்தலும் என்பது எப்படி இருக்கவேண்டும் என்பதை புரிந்து, தெளிந்து ஆலோசிக்க விரும்புகிறேன். அரசியல் விமர்கனாக என்னை வார்த்தெடுக்க, வளர மிகவும் விருப்பம்.

எனது எண்ண சிதறல்களை ப்ளாக்-ல் பதிவு செய்திருக்கிறேன். [You must be registered and logged in to see this link.] உங்களுக்கு நேரமிருந்தால் வாசித்து பாருங்கள்.

அடடா வருக வருக உங்களின் ஆரம்பமே ஒரு பெரிய கதைக்களத்தோடு பயணிக்கின்றது ! வாழ்த்துக்கள் வரவேர்க்கின்றோம் !

நன்றி வனிதா அவர்களே

வருக வருக சுரேஷ். சுவையான சுயபுராணம்... ஆழமான தேடல் கொண்ட ஆசாமி நீங்கள் என்று புரிகிறது. அரசியல் குறித்த தெளிவான பார்வையை நாங்களும் தெரிந்து கொள்வோம் என நம்புகிறேன்....

நல்வரவு...

நன்றி நண்பரே..எனக்கு தெரிந்ததை சொல்கிறேன்

ம.சுரேஷ் உங்களை வருக வருக என வாழ்த்தி வரவேற்கிறோம்..

[You must be registered and logged in to see this image.]

உங்கள் வருகை நமது தோட்டத்துக்கு பொக்கீஷமே..

உங்கள் எண்ண சிதறல்களை நமது தோட்டத்திலும் கொட்டுங்கள்..

நன்றி நண்பரே..

வாங்க... வாங்க... உங்களை வரவேற்பதில் மிக்க மகிழ்ச்சி...!!!

வரவேற்றமைக்கு நன்றி

அருமைச்சகோதரனின் அருமையான அறிமுகத்துக்கு மிக்கநன்றி மிக்க மகிழ்ச்சி தாங்கள் எங்களுடன் சேர்ந்து கொண்டமைக்கு.தாங்களின் என்ன சிதரல்களை எங்களுக்கும் சிதறவிடுங்கள் ஆவலோடு நனையகாத்திருக்கிறோம் அண்ணா.

நிச்சயம் தம்பி...உங்களின் ஆதரவிற்கு பணிவான நன்றி

[You must be registered and logged in to see this image.]

வருக வருக நண்பரே ,.....

வருக.... வருக... கருத்துக்களை பகிர்ந்து கொள்க....