உலகம் வெப்பமடைதல்
சிங்கை டாக்டர் மா.தியாகராசன்
[You must be registered and logged in to see this link.]


வெப்புறும் உலகம்!
வெந்தழியும் மாந்தரினம்!

சுட்டெரிக்கும் சூரியனை
விட்டுப் பிரிந்த பூமி
நெருப்புப் பந்தெனவே
எரிந்து விழுந்ததுவே!

விழுந்த மழையின் நீராலே
அணைந்து பூமி குளிர்ந்ததாம்!

மேல்பரப்பே அணைந்தது;
உள்பகுதி எரியுது!-இன்னமும்
நெருப்புக் குழம்பெனவே
கொதித்து எரியுதே
நெடுவுலகின் நடுவினிலே

அணைந்து குளிர்ந்த மேற்பரப்பும்
மீண்டும் வெப்பம் ஆகுதே!
யாண்டும் கேடு சூழுதே!



குவலயத்தின் வெப்பமும்
கூடுவதன் ஏதுவாய்
வேளாண்மைப் பயிர்களும்
வேண்டிய குடிநீரும்
பாழாகிப் போகிறதே!
பாதிப்பும் நேர்கிறதே!

உயிரினங்கள் வாழ்ந்திடவே
உரிய இடம் பூமிதானே

இயற்கை வாழ்வை
ஏற்றிருந்தான் மனிதன் அன்று!
காற்றும் பூமியும்
கசடறவே இருந்தனவே நன்று!


மாறிவரும் வாழ்க்கை
மாண்பற்ற முறையினானே
வானகமும் மாசுற்றது;
வையகமும் நோயுற்றது;
குவலயத்தின் வெப்பமும்
கூடிக்கூடிப் பெருகுதே!

இதற்கான காரணம்தான்
என்னென்னவோ?

நெருக்கமான கட்டிடங்கள்
பெருக்கமாகும் மக்கள் தொகை
அழிந்து வரும் காடுகள்
நிறைந்து பெருகும் கரிமம்!


மக்கள்தொகைப் பெருக்கத்தால்
மாந்தரினம் வெளிவிடும்
மாசுறு கரிமம் கூடுது! கூடுது!
உயிர்மத்தின் அளவோ குறையுது! குறையுது!

நமது அழுக்கை நன்கு உண்டு
நல்ல ஊனை நல்கும் மீனைப் போலவே

உயிரிகளும் ஊர்திகளும்
உமிழ்ந்திடும் கரிமத்தை
உறிஞ்சித் தாமும் உண்டுமே
உயிரினங்கள் வாழ்திடவே
உயிர்மமதை வெளியிடுமே
தாவரங்கள் கூட்டமே!

காடுகளை அழிப்பதனால்
கரிம வெளியீடு கூடுதே
உயிர்ம வெளியீடு குறையுதே
நிரம்பும் கரிமத்தால்
நிலமும் வெப்புறுதே!

வெப்பநிலை மிகுதியால்
பனியால் ஆன பாறைகள்
உருகி வெள்ளம் பெருகுதே!

கடலின் மட்டம் உயருதே!
அனல்மின் அணுமின் கூடங்கள்
தொழிலக வீட்டகக் கழிவுகள்
வெப்பத்தை மிகவே
மாசுறவே செய்யுதே!


மாசுற்ற வெப்பமும்
மண்ணகத்தே நழைந்துமே
நீர்நிலத்தின் வெம்மையை
நிறையவே கூட்டுதே!

நீரின் வெம்மை கூடுவதால்
நீரில் கரைந்து நிறைந்திருக்கும்
உயிர்ம அளவும் குறையுதே!
உயிர்கள் வாழ்வும் கெடுகிறதே!

செல்வந்தன் நோய்பறித்து
வறியோனுக் கீவதுபோல்
கதிரவன் தணலைக்
கான்கீரிட் கட்டிடங்கள்
கடுக உறிஞ்சியே
பூமிக்குள் புகுத்துதே!

வெப்பமதை இருநிலமும்
வெகுவாக ஏற்குதே!
சூடாகிக் கொதிக்குதே!

வெப்பம் கூடாது வியனுலகைக் காத்திடத்
தரத்தில் சிறந்த மரத்தின் கன்றுகள்
தரணி எங்கணும் நட்டிடுவோம்!

கான்கிரிட் மனைகளைக்
கட்டுகின்ற பொழுதினில்
சுற்றிலுமே காலியிடம்
இட்டுவிட்டுக் கட்டுவோம்!

பசுமை உறையும் செடிகொடிகள்
நட்டு நன்கு வளர்ப்போம்
வீட்டைத் தாக்கும் வெபபத்தைச்

சுற்றி நிற்கும் தாவரங்கள்
முற்றும் உறிஞ்சி உண்டிடுமே!
முழுதாய்ப் பூமியைக் காத்திடுமே!


குறிப்பு
கரிமம் - கார்பன் (Carbon)

உயிர்மம் - ஆக்ஸிஜன் (Oxygen)

@@@@@@@@@@@@@@@@@@@@@@@@@@@@@@@@@@@@@@@

மாறிவரும் வாழ்க்கை
மாண்பற்ற முறையினானே
வானகமும் மாசுற்றது;
வையகமும் நோயுற்றது;
குவலயத்தின் வெப்பமும்
கூடிக்கூடிப் பெருகுதே!

/// உண்மைதான் உலகம் அழியப்போகுதாமே 2012.

arony wrote:மாறிவரும் வாழ்க்கை
மாண்பற்ற முறையினானே
வானகமும் மாசுற்றது;
வையகமும் நோயுற்றது;
குவலயத்தின் வெப்பமும்
கூடிக்கூடிப் பெருகுதே!

/// உண்மைதான் உலகம் அழியப்போகுதாமே 2012.

ரொம்பதான் பயப்படுறீங்க................ " longdesc="90" /> " longdesc="90" />

உங்கள் கவிவரிகள் அனைத்தும் என்னை ரொம்ப கவர்ந்து விட்டது அன்புபாராட்டுக்கள்

இயற்கையாது சீற்றத்துக்கு மனிதன் வாழ்வின் உயர்வு காரணம். அதைப் புரிந்து மனிதன் உயர்வடைந்தால் பூமியின் ஆயுள் காலம் அதிகமாகும் என்பதை அழகாகச் சொல்லியிருக்கிறீங்கள்.

சமூக சிந்தனையுடன் கூட கவி வரிகள் பாராட்டுக்கள்