நான் ஒரு . . . .

by Michael Remance Mon Feb 07, 2011 10:57 pm

இரைகின்ற மின்விசிறி,
விரிந்து மறையும் சத்திர சிகிச்சைப் புத்தகத்தின் முதல் பக்கம்,
மூடியிருக்கும் அறைக்கதவு,
அழுதுகொண்டிருக்கும் வானொலிப் பெட்டி,
கட்டிலிலே நான் ! !
இரத்தம் குடிக்க என்னைச் சுற்றித் திரியும் நுளம்பு,
பக்கத்தில் வேர்வை ஒட்டிய மேல்சட்டை ,
பாதி மறைந்து கிடக்கும் பாடப் புத்தகம்,
அருகில் புத்தகப் பை,
வலது புறம் - சுருண்டு கிடக்கும் இரவுப் போர்வை + ஜீன்ஸ்,
அதற்க்குக் கீழ் அகராதி + படித்துவிட்டுப் போட்ட தினப் பத்திரிக்கை,
இடப்புறம் இடுப்புப் பட்டி,
மேலே டேதஷ்கோப் + சாஜர் ,
அரைவாசி திறந்து கிடக்கும் குளியலறை,
அதற்குள் எரிந்துகொண்டிருக்கும் மின் விளக்கு + ஊறப்போட்ட உடுப்பு,
மேசையில் - முடிந்த சோடா போத்தல்,
வீதியில் இருந்து - காதை பிராண்டும் வாகன இரைச்சல்,
இப்போது இரவு 10 : 47 மணி.
இன்று இரண்டு நேரம் சாப்பிடக் கிடைத்த திருப்தி.
தொலை பேசி அழைப்பு வந்தால்
எழுந்து நோயாளியை பார்க்கப் போகவேண்டும் - என்ற
கனத்த நினைவுடன்
உறங்கப் போகிறேன் . . . . . . . .
வைத்தியசாலை விடுதியில் வசிக்கும் நான் - ஒரு
வைத்தியன் !!

இலங்கையில் இருந்து Michael Remance