வாய்மை

by **Dr Maa Thyagarajan** Thu Feb 10, 2011 6:03 pm

வாய்மை
சிங்கை டாக்டர் மா.தியாகராசன்
[You must be registered and logged in to see this link.]

நற்குணங்களின் பண்பாடே
வாய்மை!
அது
நரி குணமாந்தர்
அறியாத மந்திரம்!

மஹாத்மாக்களின்
உயிர்நாடி!
ஓழுக்கத்தின் உயர்வு பட்ட
வெளிப்பாடு!
வக்கில்களின் வாதத்தால்
உயிரிழந்த குழந்தை!

உலகை வெற்றி கொள்ளும்
உருவமற்ற ஆயுதம்!
அப்பாவிகளின் பிரசாதம்!
மஹான்களின் மெளனம்!
உலகில் ஓரிண்டு பேரால்
உச்சரிக்கப்பட்ட மந்திரம்!
கலியுகத்தின் எதிரி
கயவர்களைக்
கொல்லும் ஈட்டி அது!

உண்மைக் கவிஞர்களின்
உயர்ந்த கற்பனை!
வேடர்களை விரட்டும்
மெல்லிய புறா!
அரசியல் வாதிகளால்
அறுபட்டுப் போன நாக்கு!
கலப்படமற்ற பொன்!
ஆழ்ந்து அறிந்தவனைச் சூழ்ந்த
அற்புத வாழ்வு!

எளிமையின் இருப்பிடம்!
வியாபாரிகளின் விரோதி!
அறநெறி தவறா
நெறிமுறை மாந்தரின்
வேள்வி!
எந்த நிலையிலும்
நிமி ந்து நிற்கும் வீரன்!
இழி குணத்தாற்கு
எட்டாத பாரி ஜாத மலர்!

உண்மைகளின் தொடர் நாவலே
வாய்மை!
வாய்மையின் சக்தி
பொய்களைப் பொசுக்கும் தீ!
நல்ல மனிதனின்
பத்திரம் பட்டா இல்லாத
தூய செல்வம்!

வாய்மை உள்ள நாவே
சரஸ்வதியின் இருப்பிடம்!

சிங்கை டாக்டர் மா.தியாகராசன்
[You must be registered and logged in to see this link.]

by **வ.வனிதா** Thu Feb 10, 2011 6:04 pm

"உண்மைகளின் தொடர் நாவலே
வாய்மை!
வாய்மையின் சக்தி
பொய்களைப் பொசுக்கும் தீ!
நல்ல மனிதனின்
பத்திரம் பட்டா இல்லாத
தூய செல்வம்!

வரிகளில் சிறந்ததை தேர்ந்தெடுக்க முடியவில்லை அனைத்தும் அருமை !