புலியிடமிருந்து கணவனை காப்பாற்றிய பூர்வீகக்குடியினப் பெண்

பேராக் மாநிலத்தில் அடர்ந்த காட்டுப்பகுதியில் வசிக்கும் பூர்வீகக் குடியினப் பெண்னொருவர், தனது கணவன்மேல் பாய்ந்த புலியை, பெரிய மரக்கரண்டியைக் கொண்டு, தலையிலேயே “நச்”சென அடித்து விரட்டியுள்ளார்.

கிரிக், பெலும் காட்டிலுள்ள சுங்கை தியாங்
பூர்வீகக்குடியிருப்பை சேர்ந்த தம்புன் ஜெடியூ (வயது 60) என்பவர் கடந்த
சனிக்கிழமை தனது குடிசைக்கு அருகில் அணில் வேட்டையில் ஈடுபட்டிருந்த போது,
திடீரென அவர் மீது புலி ஒன்று பாய்ந்து, அவரை தாக்கியுள்ளது.

இதை சற்றும் எதிர்பாராத தம்புன் அலறியபடி,
அருகில் இருந்த மரத்தில் ஏறி தப்பமுயன்றுள்ளார். அப்போதும் விடாத புலி,
அவரை இழுத்து கீழே தள்ளியுள்ளது. புலியின் வாயை இறுகப் பிடித்துக்
கொண்டபடி, தம்புன் அபயக்குரல் எழுப்பியுள்ளார். இதைக் கேட்ட அவரது மனைவி,
பெரிய மரக்கரண்டியை எடுத்து வந்து, புலியின் தலையிலேயே ஒரு “போடு”
போட்டுள்ளார். இதில் அதிர்ச்சி அடைந்த புலி, தலை சுற்றியபடி அருகில் இருந்த
புதருக்குள் பாய்ந்து தப்பியோடி விட்டது.

இதையடுத்து, தலையிலும், கால்களிலும்
காயங்களுடன் ஈப்போ ராஜா பெராமாய்சூரி பைனுன் மருத்துவமனையில் தம்புன்
அனுமதிக்கப்பட்டார். இந்த விபத்து தொடர்பில் தம்புன் கூறும்போது, “எனது
மனைவி மட்டும் உரிய நேரத்தில் வரவில்லை என்றால், நான் இறந்திருப்பேன்”
என்றார்.

இதுபற்றி கேள்விப்பட்ட வனத்துறை
அதிகாரிகள், சம்பந்தப்பட்ட இடத்தில் இருந்து, ஆள் நடமாட்டம் இல்லாத அடர்ந்த
காட்டுக்குள் புலியை விரட்டியுள்ளனர்.

புலியை முறத்தால் நையப்புடைத்த புறநானூறு
காலத்து வீரப் பெண்மணி பற்றி கேள்விப்பட்டுள்ள நாம், இப்போதுதான்
முதல்முறையாக இப்படி ஒரு நிகழ்ச்சி நடந்ததாக அறிகிறோம்

by **கவிக்காதலன்** Thu Feb 17, 2011 12:59 am

தைரியசாலி மனைவி!!!

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

புலியிடமிருந்து கணவனை காப்பாற்றிய பூர்வீகக்குடியினப் பெண்

புலியிடமிருந்து கணவனை காப்பாற்றிய பூர்வீகக்குடியினப் பெண்

Re: புலியிடமிருந்து கணவனை காப்பாற்றிய பூர்வீகக்குடியினப் பெண்