க்யூபெக்கில் 13 வயது சிறுமியை அடித்துக் கொன்ற தந்தை கைது

by **சூரியன்** Tue Oct 12, 2010 12:01 pm

க்யூபெக்கில் உள்ள அடுக்கு மாடிக் குடியிருப்பு ஒன்றில் 13 வயது சிறுமி 71 வயதாகும் அவர் தந்தையுடன் வசித்து வந்துள்ளார். கடந்த சனிக்கிழமையன்று சிறுமியின் தந்தை அவரை அடித்துள்ளார். அடித்தவுடன் மூக்கில் இரத்தம் வடிந்து கோமா நிலைக்குச் சென்று விட்டாள் சிறுமி.
மகள் செயலிழந்து விட்டதால் பதறிய சிறுமியின் தந்தை காவல்துறையை அழைத்து நடந்த விபரங்களை கூறியுள்ளார். உடனடியாக அப்பகுதிக்கு விரைந்த காவலர்கள் சிறுமியை மருத்துவமனையில் அனுமதித்து விட்டு தந்தையை கைது செய்தனர்.

மருத்துவமனையில் அனுமதிக்கப்பட்ட சிறுமி நான்கு மணி நேரங்களிலேயே இறந்து விட்டதாகவும் காவல்துறையினர் தெரிவித்தனர்..இந்த வழக்கு தொடர்பாக நாளை சிறுமியின் தந்தை நீதிமன்றத்தில் ஆஜர்படுத்தப்படுவார் எனவும் சம்பவம் நடந்த நாள் முதற்கொண்டே காவலில் இருந்து வரும் 71 வயதாகும் அவருக்கு நாளை நீதிமன்றத்தில் கடுமையான தண்டனை விதிக்கப்படலாம் என Longueuil பகுதி தலைமை காவலர் டேவிட் தெரிவித்துள்ளார்.