பாடித் திரிந்து பகிர்ந்து கொள்ளும் நட்பு! - ச‌க்‌தி சேது

`தொப்புள்கொடி உறவு''

``தர்மம் தலைகாக்கும்-கூடயிருந்தே குழிபறித்தாலும் கொடுத்தது காத்து நிற்கும்''.

என்னங்க, இரண்டுக்கும் சம்பந்தமே இல்லை என்று நீங்கள் புலம்புவது கேட்கிறது. சம்பந்தம் இருக்குங்க. தொடர்ந்து படியுங்கள்.

நாம் உலகின் எந்த நாட்டில் இருந்தாலும், எங்கு பிறந்தாலும், எந்த நாட்டில் பணிபுரிந்தாலும் சரி.

எங்கோ
பிறக்கிறோம். எங்கெங்கெல்லாமோ படிக்கிறோம். பலர் பள்ளிப் படிப்பில்
இருந்து கல்லூரிக்கு வேறு ஊர், வேறு நாடு என்று செல்வார்கள். சிலர்
தந்தையின் அலுவல் பணி நிமித்தமாக பள்ளிப் படிப்பையே பல ஊர்களில் எல்லாமோ
படித்து முடிப்பார்கள்.

சிலர் கல்லூரிப் படிப்பை முடித்து விட்டு, மேல் படிப்பிற்காக மேலை நாடுகளுக்குச் செல்வோரும் உண்டு.

எங்கு
செல்கிறோம் என்பதல்ல முக்கியம். எங்கே, எப்படி, யாருடன் எப்படிப்
பழகினோம். பழகிக் கொண்டிருக்கிறோம். நாம் வாழும் சூழலில் உண்மையான அன்பை,
நட்பை மற்றவர்களுடன் பகிர்ந்து கொண்டோமா? என்பதைப் பொறுத்தே நம் வாழ்க்கை
முறை அமையும்.

ஆங்கிலத்தில் ஒரு பழமொழி உண்டு:

``உன் நண்பர்களை என்னிடம் காண்பி. நீ எப்படிப்பட்டவன் என்பதை நான் கூறுகிறேன்'' என்பது தான் அது.

அதாவது
நண்பர்களின் குணாதிசயங்கள், நடை,உடை பாவனைகள், அவர்களின் பழக்க-வழக்கங்களை
வைத்தே ஒருவரின் குண்நலன்களை அறிய முடியும் என்பதே அதன் அர்த்தம்.

முதல்
காதல்', `முதல் முத்தம்' என்பது போன்று முதன் முதலில் நாம் நட்பு
பாராட்டியவர்களை என்றென்றும் மறந்து விட முடியாது. வேண்டுமானால் நாம்
பிரிந்து வேறு ஊரில் அல்லது நாட்டில் வாழலாம். சம்பந்தப்பட்ட நண்பர்களுடன்
நாம் பழகிய பருவத்தை எப்போதும் எண்ணி லயித்துக் கொண்டே இருக்கிறோம். அது
இறுதி மூச்சு உள்ளவரை நம்முள் இருக்கும் உணர்வு எனலாம்.

காதல், முத்தம் போன்றவற்றிலாவது அதற்கென ஒரு எல்லையுண்டு. ஆனால் எல்லையில்லாமல் விரிந்து கொண்டே செல்வது நட்பு.

பள்ளிக்கூடத்தில்
படித்த நண்பர்களில் பலர் தற்போது தொடர்பில் இல்லாமல் போகலாம். ஆனால்,
அறிந்தும் அறியாத வயதில் நம்மையும் அறியாமல் தொடக்கப் பள்ளிகளில் நாம்
கொண்ட அன்பு, இப்போது எங்காவது நாம் பழைய நண்பர்களை சந்திக்க நேரிட்டாலும்
பசுமரத்தாணி போன்று இளமைக் கால நினைவுகளை பறைசாற்றும்.

பிரைமரி ஸ்கூல் மாறி ஹை ஸ்கூல் சென்றதும் நட்பின் முதிர்ச்சியும் மாறிக் கொண்டேயிருக்கும்.

எல்.கே.ஜி.யில்
அம்மாவின் துணையோடு நட்பு கொண்ட பையன், 5ஆம் வகுப்புகளில் தானாகவே நட்பு
பாராட்டுகிறான். ஆனால் இப்போது வீட்டில் வந்து பெற்றோருடன் அந்த நட்பை
பகிர்ந்து கொள்வார்கள்.

10ஆம்
வகுப்புகளில் விடலைப் பருவமானதால், பாடத்திற்கு அப்பாற்பட்டு வேறு சில
விஷயங்களை நண்பர்களுடன், பெண் நண்பர்களிடம் கூட பகிர்ந்து கொள்கிறோம். எனவே
இதில் யாரும் விதிவிலக்கு அல்ல எனலாம்.

பெற்றோரிடம்
கேட்டு தெரிந்து கொள்ள முடியாத சில, பருவக் கோளாறுகளைக் கூட (அறியத்
துடிக்கும் வயசு) நண்பர்களிடம் கேட்டறிந்து, பகிர்ந்து கொண்டு பாடித்
திரிகிறோம்.

அதனால்தான் தோளுக்கு மேல் வளர்ந்த பிள்ளைகளை தோழர்கள், தோழிகளாகப் பாவியுங்கள் என்று கூறுகிறோம்.

அதெல்லாம்
சரி, நாம் நட்பாகப் பாவித்து, வெளிப்படையாக அனைத்து விஷயங்களையும்
பகிர்ந்து கொண்ட ஒருவர், நமக்கு எதிராக நம்பிக்கை துரோகம் செய்தால், அது
போன்றவர்களை என்னென்பது?

தவிர,
தாய், தந்தை, அண்ணன், தம்பி, மகன், மகள், மருமகள், பேத்தி, பேரன், மாமா,
அத்தை என்ற எல்லா உறவுகளுக்கு பின்னும் ஒரு தொடர்பு இருக்கும். ஆனால்
நண்பர்களுக்குள் என்னங்க தொடர்பு உள்ளது?

வந்தோம்,
வாழ்ந்தோம், நட்பு பாராட்டினோம். முடிந்ததைச் செய்தோம். அதுவே
நண்பர்களுக்கு இடையேயான உறவு. எந்தவித எதிர்பார்ப்பும் இல்லாத உறவுங்க அது.

இப்போது கூறுங்கள்.

தொப்புள் கொடி உறவு; கூட இருந்தே குழிபறித்தல் என்பதை எதற்காக நாம் குறிப்பிட்டோம் என்று.

by **rajeshrahul** Fri Feb 18, 2011 4:28 pm

:héhé: :héhé: :héhé:

நன்றி ராஜேஷ்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பாடித் திரிந்து பகிர்ந்து கொள்ளும் நட்பு! - ச‌க்‌தி சேது

பாடித் திரிந்து பகிர்ந்து கொள்ளும் நட்பு! - ச‌க்‌தி சேது

Re: பாடித் திரிந்து பகிர்ந்து கொள்ளும் நட்பு! - ச‌க்‌தி சேது

Re: பாடித் திரிந்து பகிர்ந்து கொள்ளும் நட்பு! - ச‌க்‌தி சேது

Re: பாடித் திரிந்து பகிர்ந்து கொள்ளும் நட்பு! - ச‌க்‌தி சேது

Re: பாடித் திரிந்து பகிர்ந்து கொள்ளும் நட்பு! - ச‌க்‌தி சேது