ஒற்றைத்தலைவலியின் சிகிச்சை முறைகள்

by **சங்கவி** Wed Oct 13, 2010 3:01 pm

மருந்துச்சிகிச்சை

1.எளிய வலிநிவாரணிகள் – இவையே பொதுவாக பயன்படுத்தப்படுகின்றன.
பரசிடமோல் அல்லது அஸ்பிரின் மாத்திரைகள் சிறந்த வலிநிவாரணிகளாகும். தலைவலி ஆரம்பித்த உடனேயே மிகச்சீக்கிரமாக இம் மாத்திரைகளை எடுத்துக்கொள்ள வேண்டும். சீக்கிரமாக எடுத்துக்கொள்வதன் மூலம் தலைவலி தீவிரமடைவதை தவிர்த்துக்கொள்வதுடன் முற்றாக நிறுத்தவும் செய்கின்றன. பலரும் தலைவலி மிகத்தீவிரமடைந்து சகிக்கமுடியாத நிலை ஏற்படும் வரை வலிநிவாரணிகளை எடுத்துக்கொள்வதில்லை. இது அவை தொழிற்படுவதற்கு காலங்கடந்த நிலையாகப் பெரும்பாலும் இருக்கும். இந்நிலையில் இருட்டான அமைதியான அறையொன்றில் உறங்குவதே தீர்வாக இருக்கும்.

வலிநிவாரணி மருந்துகள் தேவையான முழு அளவுகளில் எடுத்துக்கொள்ளப்பட வேண்டும். சாதாரணமாக 1000mg பரசிடமோல் (இரு 500mg மாத்திரைகள்) அல்லது 900mg அஸ்பிரின் (மூன்று 300mg மாத்திரைகள்) தேவைக்கேற்ப 4 மணிநேர இடைவெளியில் மீண்டும் மீண்டும் எடுத்டுக்கொள்ள வேண்டும். அஸ்பிரின் ஆனது தற்போது வலிநிவாரணியாக ஏனைய வலிகளுக்கு உபயோகிக்கப்படாத போதும் ஒற்றைத்தலைவலிக்கு சிறந்த நிவாரணி ஆகும்.

கொடெயின் அல்லது அதனைக்கொண்டுள்ள உ-ம். கோகொடனோல் போன்றவற்றைத் தவிர்க்க வேண்டும். காரணம் இவை வாந்தி/ வாந்தி போன்ற உணர்வை தீவிரப்படுத்துவதுடன் ’மிதமிஞ்சிய மாத்திரைகள் காரணமான தலைவலி”யையும் ஏற்படுத்தக்கூடியன.

2.அழற்சிக்கெதிரான வலிநிவாரணிகள்

இவை பரசிடமோல் மாத்திரைகளைவிட சிறப்பான பலனைத் தருவன. உ-ம். இபுயூபுரோபன், டைகிளோபினாக், அஸ்பிரின் போன்றவை

by **சங்கவி** Wed Oct 13, 2010 3:01 pm

.வாந்திக்குரிய மருந்துகள்

வாந்தி மற்றும் வாந்தி வருவது போன்ற தன்மை காரணமாக வலிநிவாரண மாத்திரைகள் அகத்துறிஞ்சப்படுவது குறைவதுடன் வாந்தியுடன் வெளியேறவும் கூடும். வாந்திக்குரிய மாத்திரைகள் பயன்படுத்துவதன் மூலமும் திரவ நிலையில் வலிநிவாரணிகளை உள்ளெடுப்பதன் மூலமும் இதனை தவிர்க்கலாம்.

கூட்டான மருந்துகள் சில வலிநிவாரணிகளையும் வாந்திக்கெதிரான மருந்துகளையும் கூட்டாக கொடிருக்கும்.

4.ட்ரிப்டபன் மருந்துகள்

இவை மூளையில் 5HT எனும் இரசாயன பதார்த்தத்தின் அளவை மாற்றுவன. இவையே ஒற்றைத்தலைவலியை உண்டாக்குவதில் பங்கேற்கும் இரசாயனப்பதார்த்தங்களாக கருதப்படுகின்றன. இவை வலிநிவாரணிகள் அல்ல. ஆயின் இவை ஒற்றைத்தலைவலியை குறைக்கின்றன/ நிறுத்துகின்றன. உ-ம். ட்ரிப்டன். அத்துடன் பக்கவிளைவுகளும் பாரதூரமற்றவை.

ஒற்றைத்தலைவலி ஏற்பட்டவுடன் மிகச்சீக்கிரமாக ட்ரிப்டன் மாத்திரைகளை உள்ளெடுக்கக்கூடாது. முதலாவது மாத்திரையை தலைவலி ஏற்பட முன்னர் அன்றி தலைவலி ஆரம்பித்த சற்றுப்பின்னரே உள்ளெடுக்க வேண்டும். இவை மிகச்சீக்கிரம் உள்ளெடுக்கும் போது செயற்பாடு மிகக்குறைவாகும்.

by **சங்கவி** Wed Oct 13, 2010 3:01 pm

ஒற்றைத்தலைவலியைத் தடுக்கும் முறைகள்

* அடிக்கடி அல்லது மிகத்தீவிரமான ஒற்றைத்தலைவலி ஏற்படுபவர்கள் தடுப்புமாத்திரைகளை பயன்படுத்த முடியும்.
* இவை எல்லா வேளைகளிலும் தலைவலியை தடுக்கமாட்டாத போதும் ஏற்படும் தடவைகள் மற்றும் தீவிரத்தைக்குறைக்கின்றன.
* இவ்வகை மாத்திரைகளை தினமும் உள்ளெடுக்க வேண்டும்.
* இவை வலிநிவாரணிகளன்று, இவை வலி ஏற்படும் போது பயன்படுத்தும் மாத்திரைகளிலிருந்து வேறுபட்டவை.

அருமையான பகிர்வு அக்கா ரொம்ப பயனுள்ள தகவலை கொடுத்தீங்க நன்றி

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஒற்றைத்தலைவலியின் சிகிச்சை முறைகள்

ஒற்றைத்தலைவலியின் சிகிச்சை முறைகள்

Re: ஒற்றைத்தலைவலியின் சிகிச்சை முறைகள்

Re: ஒற்றைத்தலைவலியின் சிகிச்சை முறைகள்

Re: ஒற்றைத்தலைவலியின் சிகிச்சை முறைகள்

Re: ஒற்றைத்தலைவலியின் சிகிச்சை முறைகள்