பிபி சீனிவாசுக்கு பாராட்டு விழா! காலம் கடந்தாவது ஒரு கவுரவம்..

by **அரசன்** Tue Feb 22, 2011 5:42 pm

[You must be registered and logged in to see this image.]

காற்று இன்னும் மாசு படாமல் இருக்கிறது என்றால் பிபி.சீனிவாஸ் போன்ற இசை மேதைகளின் குரல் அதில் கலந்திருப்பதால்தான்! மயக்கமா கலக்கமா..., நிலவே என்னிடம் மயங்காதே..., சின்னச் சின்ன கண்ணனுக்கு..., காலங்களில் அவள் வசந்தம்..., என்னருகே நீயிருந்தால்..., பால்வண்ணம் பருவம் கண்டேன்..., அவள் பறந்து போனாளே... இப்படி எத்தனையோ பாடல்கள்... அவை அத்தனையும் எனி டைம் ருசி! வாழும் போதே அவர்களை கௌரவிப்பதுதான் மகா புண்ணியம். அதை காலம் கடந்தாவது செய்து கொண்டிருக்கிறது ஒரு சில அமைப்புகள்.

தமிழ், தெலுங்கு, கன்னடம் உள்ளிட்ட எட்டு மொழிகளில் பல ஆயிரம் பாடல்களைப் பாடிய சாதனையாளரான இவருக்கு சொந்த மொழி தெலுங்கு என்றாலும், தமிழை அதன் அழகு கெடாமல் பாடிய மிகச் சில பாடகர்களில் ஒருவர்.

இவருக்கு பாராட்டு விழா நடத்த முடிவு செய்யப்பட்டு அதை சென்னையில் நடத்தவிருக்கிறார்கள். 'ஃபார் எவர் பிபிஎஸ்' எனும் பெயரில் இந்த விழாவை, வாடா இன்ப்ரா நிறுவனத்தின் ஈ பி திருமலை நடத்துகி்றார். பிபி சீனிவாசின் தீவிர ரசிகர் இவர்.

சாதகப் பறவைகள் இசைக்குழுவின் சங்கர் இந்த விழாவில் கச்சேரி நடத்துகிறார். இதில், பி பி சீனிவாசுடன் இணைந்து பல பாடல்களைப் பாடியுள்ள பி சுசீலா, எஸ் ஜானகி ஆகியோர் பங்கேற்கின்றனர்.

இளம் பாடகர்கள் ஹரீஷ் ராகவேந்திரா, திப்பு, பரசுராம், ஸ்வேதா மோகன் உள்பட பலர் பங்கேற்கிறார்கள். பிரபல பின்னணிப் பாடகர்கள் மனோ, உன்னி மேனன், எஸ் என் சுரேந்தர் இதில் பங்கேற்றுப் பாடுகிறார்.

முழுக்க முழுக்க இலவசமாக நடத்தப்படும் இந்த நிகழ்ச்சியின் மீடியா பார்ட்னராக உள்ளது விஜய் டிவி. மில்லினியம் ஈவன்ட் மேனேஜ்மென்ட் இதற்கான ஏற்பாடுகளைச் செய்துள்ளது.

அண்ணா அரங்கில் வரும் பிப்ரவரி 27-ம் தேதி இந்த நிகழ்ச்சி நடக்கிறது. பிபி சீனிவாசுக்கு பாராட்டுவிழா நடைபெறுவது இதுவே முதல்முறை.

நன்றி : [You must be registered and logged in to see this link.]