எச்சில் ராணிகள்...

by **வ.வனிதா** Tue Feb 22, 2011 7:15 pm

[You must be registered and logged in to see this image.]

இருட்டைப் பூசிப் பகட்டாய்
ஜொலிக்கும் விடுதிகளான
விலைமாதர்கள் விற்றுப்போன
உடலை நிதம் தூக்கித்திரியும்
பரிதாபம்!

மனையகன்று வெளிவரும்
தலைவன் ஒருத்தனுக்கு
மட்டும் பரத்தையாக
வாழ்ந்த எம் முன்னோர்கள்
இன்றிருந்தால் எங்களை
இப்பாவத்தில் விழவிடாமல்
தீயிலிட்டுப் பொசித்திருப்பர்....

நாங்கள் இரவில் நிர்வாணமாக
உழைத்தால்தான் கிழிசலற்று
பகலில் உடுத்த ஆடை
வாங்க வசதியாவோம் !

காமக் குரோதிகள் உமிழ்ந்த
எச்சில் மட்டுமே எங்களின்
இலையைக் கழுவத் தெளிக்கும்
முதல் தண்ணீராய் போனது...

தெருநாயைக் காணும்
கண்களை வைத்து எங்களைப்
பார்க்கும் குடும்ப விளக்குகளைப்
பார்த்தால்தான் மானவெட்கமனைத்தும்
காரித் துப்புகிறது எங்களை...

என்ன செய்வது?
காம ஜடங்களின் கைகளில்
சிக்காமல், குடும்பவிளக்குகளனைத்தும்
கற்போடு இருக்க வேண்டி ,
நாங்கள் திரியாகி கற்பில்
தீக்குளிக்கிறோம்!

எங்களை ஏசும் சமுதாயம்
ஒருமுறையேனும் எங்களை
உறிஞ்சும் அட்டைப்புழுக்களிடம்
பேசினால் நாங்களும்
ஆதிரைகளாகி இருப்போம் ...

நாட்டின் நியாயதர்மங்களனைத்தும்
நகையாடித் திரிகின்றன...
என்ன செய்வது?
நகைப்பிற்கிடமாக வாழ்க்கைப்பட்ட
எங்களின் வாழ்வு வழியற்றுப்
போனதே!

கல்விப் பணியில் பல்கலைக்கழகம்,
படித்த மாணவர்களுக்கே
பட்டமளிப்பு விழா!
பல்கலைக்கழகம் மட்டும் பார்த்த
கண்ணிற்கு அழும்பில்லாமல்
அப்படியே இருக்கும்!

ம்ம்ம்...
நாங்களும் பல்கலைக்கழகம்தான்,
சற்றே வித்தியாசம் ....
எங்களிடம் படுத்தவர்களை விடுத்து
கழகத்திற்குப் பட்டமளிப்பு விழாநடத்தி
"விபச்சாரி" என்ற பட்டமளிக்கும்
பொதுமக்கள்.....

காமப் புண்கள் அனைத்தும்
உமிழ்ந்து உறிஞ்சி எங்களை
எச்சில் ராணிகளாக்கிவிட்ட
சூழ்நிலையில் கண்ணாடிமுன்
நிற்கக்கூட கூச்சமாக உள்ளது....

வருங்காலங்களில் ,
குப்பாய்க் கள்ளர்கள் அனைவரும்
கோவலன்களாகிவிட்டால்
நாங்களும் கறைபடியா
கண்ணகிகளாக ஒளிர்விடுவோம்!

by **சிசு** Tue Feb 22, 2011 7:30 pm

ஓமகசியா... ஜல்ஜல்.. டங்க்டங்க்... ஆப்ஷ்.. கச்ரி... கில்மாங்கோ... ஜிப்ஸி..

என்ன முழிக்கிறீங்க... உங்கள பாராட்ட (எனக்கு தெரிந்த) தமிழில் வார்த்தைகளே இல்லை. அதனாலதான் இப்படி பாராட்டறேன்.

விலைமாதர்கள் குறித்த கவிதைகளை சிலர் எழுத நானும் வாசித்திருக்கிறேன். அவை எல்லாவற்றிலுமிருந்து நாகரீகமான மொழியிலும், நடையிலும் இந்த கவிதை தனித்தோங்கி நிற்கிறது.

ரசித்த வரிகள்:

//காமக் குரோதிகள் உமிழ்ந்த எச்சில் மட்டுமே எங்களின்
இலையைக் கழுவத் தெளிக்கும் முதல் தண்ணீராய் போனது...//

அவர்கள் இந்த நிலைக்கு வர என்ன காரணம் என்பதை இதைவிட வேறெப்படி சொல்ல முடியும்.... Amazing...

//எங்களை ஏசும் சமுதாயம் ஒருமுறையேனும் எங்களை
உறிஞ்சும் அட்டைப்புழுக்களிடம் பேசினால் நாங்களும்
ஆதிரைகளாகி இருப்போம் ...//

//வருங்காலங்களில் ,
குப்பாய்க் கள்ளர்கள் அனைவரும் கோவலன்களாகிவிட்டால்
நாங்களும் கறைபடியா கண்ணகிகளாக ஒளிர்விடுவோம்!//

வனிதா Rocks...

வாழ்த்த வார்த்தைகளே இல்ல அருமையா வார்த்தைகளால் கவி மழை பொழிந்திருக்கீங்க

//எங்களை ஏசும் சமுதாயம் ஒருமுறையேனும் எங்களை
உறிஞ்சும் அட்டைப்புழுக்களிடம் பேசினால் நாங்களும்
ஆதிரைகளாகி இருப்போம் ...//

[You must be registered and logged in to see this image.] மனம் திறந்து ரொம்ப அருமையா எழுதியிருக்கீங்க வாழ்த்த வார்த்தைகளே வரல... [You must be registered and logged in to see this image.]

by **செய்தாலி** Tue Feb 22, 2011 7:41 pm

தாசி பெண்மைகளின் வாழ்கையை சொல்லும்
உயிருள்ள வரிகள் அற்புதம் நல்ல சமூக சிந்தனை பாராட்டுக்கள்

//மனையகன்று வெளிவரும்
தலைவன் ஒருத்தனுக்கு
மட்டும் பரத்தையாக
வாழ்ந்த எம் முன்னோர்கள்
இன்றிருந்தால் எங்களை
இப்பாவத்தில் விழவிடாமல்
தீயிலிட்டுப் பொசித்திருப்பர்...//

கடந்த நூற்றாண்டுகளில் தாசிகள் அத்தியாவசமான தேவைப் இருந்தார்கள் இருக்கப்பட்டார்கள் அதை மறத்தல் கூடாது (அதன் நினைவுச் சின்னங்க்லாகதான் இன்னும் வடநாடுகளில் வாழும் தாசித் தொழிலாளர்கள் )

இற்று இருப்பவர்கள் தாசி அல்ல
சிலர் வறுமைக்காக வேறு சிலரோ பணத்திற்காக சில மதிக்ட்டவர்களோ உடல் சுகத்திற்காக
வறுமைக்கு உடலை இரவல் கொடுப்பாள் கலந்ங்கமற்றவள்
மேல் சொல்லபட்டவர்தான் மற்ற இரண்டு வர்க்கம்த்தான் கேடுகெட்ட தாசிகள்

கவிதை நல்லா இருக்கு வாழ்த்துக்கள் தோழி

by **கவிக்காதலன்** Wed Feb 23, 2011 6:58 am

”அவர்களின்” உணர்வுகள் வரிகளாய்....

நல்லா இருக்கு...............

by **வ.வனிதா** Wed Feb 23, 2011 1:01 pm

மிக்க நன்றி சிசு , யூஜின், செய்தாலி, மற்றும் அனிஷ் அனைவருக்கும் மிக்க நன்றி ! உங்கள் அனைவருக்கும் மிகவும் கடமைப்பட்டுள்ளேன் ! மிக்க நன்றி !

by **அரசன்** Wed Feb 23, 2011 1:17 pm

சிறப்பான வரிகள் ...
எந்த இடதிலும் பிசிறு தெரியவில்லை ..
அவரிகளின் வலிகளையும் ரணங்களையும்
கூறிய விதம் சிறப்பு ...

சில ஜென்மங்கள் பல ஜென்மங்கள் எடுதாலும் திருந்தா ...

by **வ.வனிதா** Wed Feb 23, 2011 1:18 pm

ஆம் ! அரசன் ! சில ஜென்மங்கள் சொல்லித்திருந்துவதில்லை !

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

எச்சில் ராணிகள்...

எச்சில் ராணிகள்...

Re: எச்சில் ராணிகள்...

Re: எச்சில் ராணிகள்...

Re: எச்சில் ராணிகள்...

Re: எச்சில் ராணிகள்...

Re: எச்சில் ராணிகள்...

Re: எச்சில் ராணிகள்...

Re: எச்சில் ராணிகள்...

Re: எச்சில் ராணிகள்...