எழுத்துக் கிறுக்கல்கள்

by **செய்தாலி** Thu Oct 14, 2010 5:10 pm

நூலகத்துடனான உறவு
தளிரிட்ட பள்ளிப் பருவம்
விடுமுறை நாட்களில்
அதிக நேர தரிசனம்
சில புத்தகங்கள் இணைபிரியா
நண்பர்களாக பற்றிப் பிடித்தார்கள்
மதியை சூழ்ந்திருந்த இருளை
சில எழுத்து வரிகள்
தன் ஒளிகளால் விரட்டியடித்தது
எதோ எதோ படித்தேன்
எண்ணத்தில் உதித்தவைகளை
எழுதிக் கிறுக்கினேன்
இராத்திரிமுளுக்க
என்னதான் படிப்பானோ
விடிஞ்சு பார்த்த
தாள் குப்பையா கிடக்குது
அம்மாவின் தினப் புராணம்
எதையோ கிறுக்கி
கசக்கி எறிந்த தாளை
பால்ய நண்பன் படித்துவிட்டு
என்னடா கவிதை எல்லாம்
எழுதத் துடங்கிட்டியா
ஆமா நாளைக்கு அதுதான்
பசிக்கு சோறு போடப்போகுது
அப்பாவின் நகைப்பு
நல்ல புத்தகங்களை வாசிக்கையில்
அறிவுடன் மன மகிழ்ச்சியும்
சுயம் உணர்ந்த வாழ்கையின்
புதிய கோட்பாடுகளும்
உண்மையை எழுதி
ஊருக்குச் சொல்கையில்
ஆத்மா திருப்தியும்
காலங்கள் கடந்தும்
புத்தக நட்புறவு தொடர்ந்ததால்
வற்றாத தெளிந்த நீரூற்றுபோல்
இன்றும் துடர்கிறது
என் எழுத்துக் கிறுக்கல்கள்