சர்வதேச கிரிக்கெட் கவுன்சில் ஒருநாள் போட்டிக்கான வீரர்களின் தர வரிசைப் பட்டியலை வெளியிட்டுள்ளது.

இங்கிலாந்துக்கு எதிரான ஒருநாள் தொடரில் மிகவும் சிறப்பாக விளையாடியதால் இந்திய அணி கேப்டன் டோனி 3-வது இடத்துக்கு முன்னேறி உள்ளார். இங்கிலாந்துக்கு எதிராக 4 ஆட்டத்தில் விளையாடி 212 ரன் எடுத்ததால் அவர் 5-வது இடத்தில் இருந்து முன்னேறி உள்ளார்.

டோனியும், இங்கிலாந்து வீரர் டிராட்டும் இணைந்து 778 புள்ளிகள் பெற்று 3-வது இடத்தில் உள்ளனர். இந்த தொடரில் சிறப்பாக விளையாடிய வீராட் கோலி 759 புள்ளிகள் பெற்று 5-வது இடத்தில் உள்ளார்.

மற்ற இந்திய வீரர்களில் காம்பீர் 13-வது இடத்திலும், ரெய்னா 26-வது இடத்திலும் உள்ளனர். தென்ஆப்பிரிக்க வீரர் ஹசிம் அம்லா 841 புள்ளிகளுடன் முதல் இடத்திலும், டிவில்லியர்ஸ் (தென்ஆப்பிரிக்கா) 796 புள்ளிகளுடன் 2-வது இடத்திலும் உள்ளனர்.

வாட்சன் (ஆஸ்திரேலியா), சங்ககரா (இலங்கை), மைக் ஹஸ்சி, மைக்கேல் கிளார்க் (ஆஸ்திரேலியா), காலிஸ் ஆகியோர் 6 முதல் 10-வது இடத்தில் உள்ளனர். பந்து வீச்சாளர்களில் `டாப்10' வரிசையில் ஒரு இந்திய வீரர் கூட இடம்பெறவில்லை. இங்கிலாந்து தொடரில் சிறப்பாக பந்துவீசிய அஸ்வின் 16 இடம் முன்னேறி 20-வது
இடத்தையும், ரவீந்திர ஜடேஜா 12 இடம் முன்னேறி 26-வது இடத்தையும் பிடித்துள்ளார்.

மார்னே மார்கல் (தென் ஆப்பிரிக்கா) 693 புள்ளிகள் பெற்று முதல் இடத்தை பிடித்துள்ளார். வெட்டோரி (நியூசிலாந்து) 691 புள்ளிகளுடன் 2-வது இடத்தையும், சுவான் (இங்கிலாந்து) 689 புள்ளிகளுடன் 3-வது இடத்தையும் பிடித்துள்ளார்.

சுவான் முதலிடத்தில் இருந்து 3-வது இடத்துக்கு பின்தங்கியுள்ளார். ஜான்சன், போலிஞ்சர் (ஆஸ்திரேலியா), அஜ்மல் (பாகிஸ்தான்), சோட் சோபே, ஸ்டெய்ன் (தென்ஆப்பிரிக்கா) சகிப்அல் ஹசன் (வங்காள தேசம்), மலிங்கா (இலங்கை) ஆகியோர் 4 முதல் 10-வது இடங்களை பிடித்துள்ள னர். இங்கிலாந்துக்கு எதிரான ஒருநாள் தொடரை 5-0 என்ற கணக்கில் கைப்பற்றியதால் இந்தியா 5-வது இடத்தில் இருந்து 3-வது இடத்துக்கு (118 புள்ளிகள்) முன்னேறி உள்ளது.

இங்கிலாந்து 4-வது இடத்தில் இருந்து 5-வது இடத்துக்கு பின்தங்கி யுள்ளது. ஆஸ்திரேலியா 129 புள்ளிகள் பெற்று தொடர்ந்து முதலிடத்தில் உள்ளது. இலங்கை 2-வது இடத்திலும், தென்ஆப்பிரிக்கா 4-வது இடத்திலும் உள்ளன. பாகிஸ்தான், நியூசிலாந்து, வெஸ்ட்இண்டீஸ், வங்காள தேசம், ஜிம்பாப்வே ஆகிய நாடுகள் முறையே 6 முதல் 10-வது இடங்களில் உள்ளன.