சாதனையாளர்கள் வாழ்வில்...

by **அ.இராமநாதன்** Thu Oct 04, 2012 7:54 am

-
மிகச்சிறந்த சாதனையாளர்கள் துரதிர்ஷ்டவசமாக சறுக்கி விழ
நேர்ந்தாலும், அவர்களுடைய தன்னம்பிக்கையும், கம்பீரமும்
சற்றும் குறைவதில்லை.

தோல்வியடைந்தவர்கள், "பரவாயில்லை, எனக்கு இது ஒரு நல்ல பாடம்...'
என்று ஆக்கப்பூர்வமாக எடுத்துக் கொள்பவர்களே வெற்றி பெறுகிறார்கள்
-
இளமையில் வறுமையில் உழன்றவர்கள், மற்றும் உடல் குறைபாடு
உள்ளவர்கள் கூட, விடா முயற்சினாலும் தன்னம்பிக்கையாலும்
உயர்ந்த நிலையை அடைந்துள்ளனர்
-

உதாரணமாக...
-----------------------------------------------
—

சாதனையாளர்கள் வாழ்வில்... Fig-1-abraham-lincoln-memorial1

சாதனையாளர்கள் வாழ்வில்... Fig-1-abraham-lincoln-memorial1

-
அமெரிக்கா ஜனாதிபதியாகி, அடிமைத்தனத்தை ஒழித்து, வரலாறு
படைத்த ஆபிரகாம் லிங்கன், ஜனாதிபதித் தேர்தலில் வெற்றி
பெறுவதற்கு முன், ஐந்து முறை பல்வேறு தேர்தல்களில் தோல்வியைத்
தழுவியவர் என்பதை நினைவில் கொள்ளுங்கள்.
-
-------------------------------------------------
-

சாதனையாளர்கள் வாழ்வில்... Edison-4

--
தங்கள் பிள்ளை சரியாகப் படிக்கவில்லையே என்று புலம்பும் பெற்றோருக்கு,
விஞ்ஞானி எடிசனின் நிஜவாழ்க்கைக் கதை தைரியமூட்டும்.

மின்சார விளக்கு உட்பட, ஆயிரத்திற்கும் மேற்பட்ட புதிய கண்டுபிடிப்புகளுக்குச்
சொந்தக்காரரான விஞ்ஞானி, தாமஸ் ஆல்வா எடிசனுக்கு, காது சரிவரக்
கேட்காது. மூன்று மாதமே பள்ளியில் படித்தவர். "அடிமக்கு' என்று,
ஆசிரியர்களால் முத்திரை குத்தப்பட்டு, பள்ளியிலிருந்து நிறுத்தப்பட்டார்.
-
ஆயிரம் முறை புதுப்புது வழிகளில் முயற்சி செய்தும், மின்சார விளக்கைக்
கண்டுபிடிக்க முடியாமல் போனதைப் பார்த்து, மற்றவர்கள் கிண்டல் செய்த
போது, "நான் ஆயிரம் வழிகளில் மின்சார விளக்கு எரியாது என்ற
உண்மையைக் கண்டுபிடித்தேன் அல்லவா?' என்று தமாசாகப் பதிலளித்தார்.
-
தன், 67 வயதில், இவரது ஆராய்ச்சி மையம், தீ விபத்தில் சாம்பலாகியது.
அப்போது, அவர், "பரவாயில்லை, கடவுள் புதிய கண்டுபிடிப்புக்கு வழி
வகுத்துக் கொடுத்துள்ளார்...' என்று கூறினார்.

விடா முயற்சிக்கும், மனவலிமைக்கும் எடிசனைத் தவிர, வேறு யாரை
உதாரணமாகச் சொல்லுவது?
-
---------------------------------------------------

by **அ.இராமநாதன்** Thu Oct 04, 2012 7:57 am

மேலும் சில உதாரணங்கள்:-
------------------------------

-
பீதோவன் காது கேளாதவர். இளம் வயதில், இசை ஞானம் இல்லாதவர்
என்று ஒதுக்கப்பட்டவர். ஆனால், பிற்காலத்தில் உலகிலேயே உன்னதமான
இசையை உருவாக்கியவர் என்று புகழப் பட்டார்.
-
--------------------------------------------------
-

மிகச் சிறந்த அமெரிக்க ஜனாதிபதிகளில் ஒருவராகக் கருதப்பட்ட ப்ராங்ளின்
ரூஸ்வெல்ட், சக்கர நாற்காலியில் அமர்ந்தபடி, இரண்டாம் உலகப் போரின்
போது, அமெரிக்காவை வழி நடத்தி வெற்றி கண்டார்.
-
----------------------------------------------------
-
நேருவுக்கு பின், இந்தியப் பிரதமரான லால்பகதூர் சாஸ்திரி, பள்ளிக்குச்
செல்வதற்கு தினமும் ஆற்றைக் கடந்து செல்ல வேண்டியிருக்கும்.

ஆற்றின் குறுக்கே, பாலம் இல்லாததால், புத்தகத்தையும், கழற்றிய உடையையும்,
தலைக்கு மேல் சுமந்தபடி நீச்சலடித்து, தினமும் அக்கரையை அடைந்திருக்கிறார்.
-
---------------------------------------------------

முன்னாள் ஜனாதிபதி அப்துல் கலாம், அதிகாலையில் வீடு வீடாகச் சென்று
பேப்பர் போட்டு, பள்ளிக்குச் சென்றிருக்கிறார்.
-

----------------------------------------------------

by **அ.இராமநாதன்** Thu Oct 04, 2012 8:00 am

இந்திய கம்ப்யூட்டர் துறையில் முத்திரை பதித்த
நாராயணமூர்த்தி, கையிலிருந்த வேலையை விட்டு விட்டு,
இந்தியாவை கம்ப்யூட்டர் துறையில் முன்னணிக்குக் கொண்டு வர
வேண்டுமென்ற நோக்கத்தில், கம்ப்யூட்டர் தொழில் துவங்க
நினைத்தார்.

இவரது ஆரம்பகால முயற்சி, தோல்வியைத் தழுவியது.
இறுதியில், தொழில் துவங்க கையில் பணமில்லாமல் திண்டாடிய
போது, மனைவி தன் நகையை விற்றுக் கொடுத்த, 10,000 ரூபாயை
வைத்து, மற்ற நண்பர்களுடன் துவங்கிய நிறுவனம் தான், இன்று
இந்தியாவில் முன்னணியில் இருக்கும் கம்ப்யூட்டர் நிறுவனங்களில்
ஒன்றான இன்போசிஸ்.

by **அ.இராமநாதன்** Thu Oct 04, 2012 8:03 am

டாமுயற்சியால், வரலாற்றில் இடம் பெற்ற சிலரைப் பற்றித்
ரிந்து கொள்வோம்:

சிறுபிள்ளையாக இருக்கையில், பக்கவாதத்தால் பாதிக்கப்பட்ட
வில்மாருடாப் என்ற பெண்மணி, 1960 ஒலிம்பிக்கில், ஓட்டப்
போட்டியில் மூன்று தங்கப் பதக்கங்களை வென்றார்.

ஐந்து வயதில் இளம்பிள்ளை வாதத்தால் பாதிக்கப்பட்ட ஷெல்லிமான்,
1956 ஒலிம்பிக்கில் நீச்சல் போட்டியில், தங்கப் பதக்கம் பெற்றார்.

ஒரு ஊருக்குச் செல்வதற்கு, பல வழிகள் இருப்பது போல, நம்முடைய
இலக்கை அடைவதற்கும், பல்வேறு வழிகள் உள்ளன. ஒரு வழி அடைபட்டால்,
மாற்று வழி பற்றி யோசிக்க வேண்டும். மிகப் பிரபலமான விஞ்ஞானி,
ஆல்பர்ட் ஐன்ஸ்டீனிடம், முட்டாள் தனத்துக்கு விளக்கம் கேட்ட போது,
"ஒரே வேலையை, திரும்பத் திரும்ப ஒரே மாதிரி செய்துவிட்டு,
வித்தியாசமான பலனை எதிர்பார்ப்பதற்கு பெயர் தான் முட்டாள்தனம்...'
என்றாராம்.

அலெக்சாண்டர் கிரகாம் பெல், காது கேளாத தன் மனைவிக்கு,
காது கேட்பதற்காக கருவி கண்டுபிடிக்கும் முயற்சியில் ஈடுபட்டபோது தான்,
தொலைபேசியைத் தற்செயலாக கண்டுபிடித்தார். உங்களுக்குப் புதிய
வாய்ப்பு, பிரச்னை உருவத்தில் வரலாம் என்பதை நினைவில் கொள்ளுங்கள்.
-
-------------------------------------------------

by **அ.இராமநாதன்** Thu Oct 04, 2012 8:04 am

மிகச் சிறந்த சாதனையாளர்கள் கூட, ஆரம்ப காலத்தில் தடுக்கி
விழுந்திருக்கின்றனர்.

"போர்டு' என்ற கார் கம்பெனியை நிறுவி, புதிய கார்களை
உலகத்திற்கு அறிமுகப்படுத்திய கோடீஸ்வரரான ஹென்றி போர்டு,
முதல் காரை உருவாக்கும் போது, ரிவர்ஸ் கியரைப் பொருத்த
மறந்து விட்டார்.

தோல்வியடைந்து விடுவோமோ, அவமானப்பட்டு விடுவோமோ
என்று பயந்தே, பலர் முயற்சி செய்வதேயில்லை.

இன்று, உலகிலேயே மிகப்பெரிய பணக்காரர்கள் பட்டியலில்
முதலிடம் வகிக்கும் பில் கேட்சும், ஆப்பிள் நிறுவனத்தின் மூலம்,
கம்ப்யூட்டர் மற்றும் செல்போன் துறையில் புரட்சிகரமான மாற்றத்தை
ஏற்படுத்திய, ஸ்டீவ் ஜாப்ஸ் ஆகிய இருவரும், கல்லூரிப் படிப்பைப்
பாதியிலேயே விட்டவர்கள். பில்கேட்ஸ்,

தன் நண்பரோடு, வீட்டில் கார் நிறுத்துமிடத்தில் ஆரம்பித்த
நிறுவனம் தான், உலகப் புகழ்பெற்ற மைக்ரோசாப்ட்.

பகிர்வுக்கு நன்றி ஐயா

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சாதனையாளர்கள் வாழ்வில்...

சாதனையாளர்கள் வாழ்வில்...

Re: சாதனையாளர்கள் வாழ்வில்...

Re: சாதனையாளர்கள் வாழ்வில்...

Re: சாதனையாளர்கள் வாழ்வில்...

Re: சாதனையாளர்கள் வாழ்வில்...

Re: சாதனையாளர்கள் வாழ்வில்...

Re: சாதனையாளர்கள் வாழ்வில்...