நேர்மை புதைந்த ஆண்மை

by **அ.இராமநாதன்** Tue Mar 01, 2011 4:06 am

-----------
* நான் முள்ளாய்
குத்தினாலும்
முகம் சுளிப்பதில்லை நீ…

* என் அழகுக்கு
தகுதியற்றவன் நீயென
மூக்கை உடைக்கிறேன்…
உண்மையென ஆமோதித்து
என் உச்சி முகர்கிறாய்!

* எனக்கொரு கஷ்டமெனில்
உனக்கு வந்ததாய்
உதடு துடிக்கிறாய்…
உனக்கொரு பிரச்னையெனில்
நடிக்கத்தான் முடிகிறது என்னால்!

* நான் ஆசைப்பட்டது நிலவென்றாலும்
அதை வாங்க
அவசரமாய் யோசிக்கிறாய்…
உன் மீது இடியே விழுந்தாலும்
பதறாமல் நிதானிக்கிறேன் நான்!

* உன் பிறந்த நாளே
என் பிறந்த நாளென்கிறாய்…
காதுக்குள் கவிதை சொல்லியே
கலங்கடிக்கிறாய்!

* உன்னைக் கைப்பிடித்த பிறகே
முற்றுபெற்றேனென்கிறாய்…
என்னைத் தொட்ட அன்று தான்
முழுமையடைந்ததாய் முனகுகிறாய்!

* காதல் நாரெடுத்து
காதில் பூவைத்து
என் தேகம் தீண்டி
விட்டுச் சென்ற அவனெங்கே?

* எல்லாம் தெரிந்திருந்தும்
உள்ளங்கை வெண்ணையாய்
என்னைத் தாங்கும் நீயெங்கே?

* இனியும்
உள்ளக் குறுகுறுப்போடு
மனசாட்சிக்கு துரோகமிழைத்து
என்னால் வாழ முடியாது…

* ஆதலால் தான் சொல்கிறேன்
என் அன்புக் கணவா…

* கொந்தளி…
கோபப்படு…
என்னைக் கொடுமைப்படுத்து…
உன்னை விட்டு விலகி
வெகுதூரம் செல்ல வேண்டும்!

=================================
— முத்து நாச்சியா, முத்துப்பேட்டை.
நன்றி: வாரமலர் (தினமலர்)
[You must be registered and logged in to see this link.]

by **கவிக்காதலன்** Tue Mar 01, 2011 4:09 am

அருமை அருமை.... வாவ்.... சமீபத்தில் படித்தவைகளில் மிகச்சிறந்த கவிதை...

முத்து நாச்சியா அவர்களுக்கு பாரட்டுக்கள்...!

பகிர்ந்த நம்ம தோழருக்கு நன்றிகள்...!!!

by **தோழி பிரஷா** Tue Mar 01, 2011 4:18 am

அருமையான கவிதை....

by **நிலாமதி** Tue Mar 01, 2011 5:38 am

பகிர்வுக்கு நன்றி ................

கவிக்காதலன் wrote:அருமை அருமை.... வாவ்.... சமீபத்தில் படித்தவைகளில் மிகச்சிறந்த கவிதை...

முத்து நாச்சியா அவர்களுக்கு பாரட்டுக்கள்...!

பகிர்ந்த நம்ம தோழருக்கு நன்றிகள்...!!!

by **அரசன்** Wed Mar 02, 2011 7:51 pm

சரியான கவிதையை பகிர்ந்து கொண்ட நண்பருக்கு வாழ்த்துக்கள்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நேர்மை புதைந்த ஆண்மை

நேர்மை புதைந்த ஆண்மை

Re: நேர்மை புதைந்த ஆண்மை

Re: நேர்மை புதைந்த ஆண்மை

Re: நேர்மை புதைந்த ஆண்மை

Re: நேர்மை புதைந்த ஆண்மை

Re: நேர்மை புதைந்த ஆண்மை

Re: நேர்மை புதைந்த ஆண்மை