ஒரு குழவியின் குரல்...

by **வ.வனிதா** Tue Mar 01, 2011 2:08 pm

[You must be registered and logged in to see this image.]

புவனமெங்கும் பெய்தமழையில்
நாளெல்லாம் நனைந்த
சிறுபுல்லின் மேல் வீற்றிருக்கும்
வெள்பனியைப் போன்றவளவள்...!

மயிலிறகால் வருடினாலும்
கன்னத்தில் இறகின் அச்சு
வார்ந்துவிடும் குழந்தைப் போல
மென்மையான அன்பைக்
கொண்டவளவள்...!

நட்பும் , காதலும் அவளின்
தாய்மைக்கு ஈடுகொடுக்க
இயலாமல் தலைதெறிக்க ஓடும் !

ஏனென்று காரணம் விளங்கவில்லை ,
எனக்கும் உனக்குமான
அன்புக்கால அட்டவணை
என் ஆறுவயதிலேயே
அழிந்துபோனது.....

அணைக்கக் கூட அரவணைப்பற்ற
அன்பர்களெல்லாம் எனக்கு
அயலார்களாகவே தோன்றிய
தருணமது....!

உன் அன்பை எனக்கு
இறந்துதான் உணர்த்தவேண்டும்
என்று நினைத்தாயா ?
காலதேவனின் கைகளில் சிக்கி
என்னை கவலைக்கடலில்
ஆழ்த்திச் சென்றாயே ?

நீ இருந்து நான் பெற்ற
இன்பங்களை விட,
நீ இறந்து நான் பெற்ற
துன்பங்கள் தான்
நெடுந்தூரமாய்ப் பயணிக்கின்றன...

என்னிரவின் தூக்கங்கள்
அனைத்தும் துக்கத்தின்
விளிம்பிலேயே நின்றுகொண்டு
வரமறுத்தன.....

உன் மூச்சுக்காற்றை
சுவாசித்துத் தூங்கும் எனக்கு
தென்றல் காற்று மூச்சுத்
திணறியது...!

தூக்கத்தில் உன் சேலைநுனியைத்
தேடித்திரியும் என் கைகள்
இன்று இருட்டில் தேடித்
துழாவித் துவண்டு போயின....!

நிதம் காலை காக்கைக்குச்
சோறு வைக்கச் சொல்லி எனை
வற்புறுத்துகின்றனர் .....

என்னால் மட்டும் உனை
எந்த உயிர்களோடும்
ஒப்புமைப்படுத்த முடியவில்லை....!

தினம் இரவில்
வானத்தைப் பார்த்தே
கண் அயர்கிறேன் ...

நீ நிலவாக வருவாயா?
மேகமாக விரிவாயா ?
விண்மீனாய் திரிவாயா ?
என்ற ஏக்கத்தில்.....

அம்மா .....
என் நினைவுதெரிந்து
உன்னிடம் கேட்கும் முதல்
ஆசை இது...

இப்பிறப்பில் எனக்கு
மகளாகவாவது பிறந்துவிடு....!

வார்த்தைகள் மனதை வருடுகிறது... அருமையான கவி வரிகள் வாழ்த்துக்கள் வ். வனிதா...

by **சிசு** Tue Mar 01, 2011 3:04 pm

அம்மாவின் அன்பையும், அவருக்கான ஏக்கத்தையும் அருமையாக பிரதிபலிக்கிறது கவிதை.
தூக்கத்தில் சேலைநுனியைத் தேடித்திரியும் கைகளில் என் பால்யகாலத்தை நினைவு கூர்கிறேன்.
ஒப்புமை மட்டுமல்ல... இட்டு நிரப்பபடமுடியாத இடமும் அம்மாவினுடையது.

//கன்னத்தில் இறகின் அச்சு
வார்ந்துவிடும் குழந்தைப் போல //

//நாளெல்லாம் நனைந்த
சிறுபுல்லின் மேல் வீற்றிருக்கும் வெள்பனி//

அம்மாவின் இயல்பை இதைவிட அருமையாய் வேறெப்படியும் சொல்லமுடியாது.
//அன்புக்கால அட்டவணை// வார்த்தைப் பிரயோகத்தையும் ரசித்தேன்.

கடைசி வரிகள் அம்மாவுக்கான ஏக்கத்தின் உச்சம்...
ஏக்கமுள்ள அத்தனை பேருக்கும் இது நிறைவேறட்டுமே....

by **வ.வனிதா** Tue Mar 01, 2011 3:32 pm

ஏக்கம் இருக்காதா பின்ன ? எங்க அம்மா பா !

by **வ.வனிதா** Tue Mar 01, 2011 3:33 pm

பாராட்டிய நெஞ்சங்கள் யாவற்றிர்க்கும் என் மனமார்ந்த நன்றிகள் !

வ.வனிதா wrote:ஏக்கம் இருக்காதா பின்ன ? எங்க அம்மா பா !

[You must be registered and logged in to see this image.]

by **கவிக்காதலன்** Tue Mar 01, 2011 3:37 pm

படிக்கும்போது மனசு என்னமோ கனத்துபோய்விட்டது...!
அருகில் அம்மா இல்லாத மகளின் உணர்வுகள் ஒவ்வொரு வரிகளிலும் தெரிகிறது...!

//அம்மா .....
என் நினைவுதெரிந்து
உன்னிடம் கேட்கும் முதல்
ஆசை இது...

இப்பிறப்பில் எனக்கு
மகளாகவாவது பிறந்துவிடு....!//

ஆசை நிறைவேறட்டும்...

by **செய்தாலி** Tue Mar 01, 2011 5:15 pm

*நிதம் காலை காக்கைக்குச்
சோறு வைக்கச் சொல்லி எனை
வற்புறுத்துகின்றனர் .....

*என்னால் மட்டும் உனை
எந்த உயிர்களோடும்
ஒப்புமைப்படுத்த முடியவில்லை....

*அம்மா .....
என் நினைவுதெரிந்து
உன்னிடம் கேட்கும் முதல்
ஆசை இது...

*இப்பிறப்பில் எனக்கு
மகளாகவாவது பிறந்துவிடு....!

உண்மையில் இந்த வரிகளை படிக்கையில் எனக்கு மெய்சிலிர்த்தது
மிக அருமையான படைப்பு தோழி

by **வ.வனிதா** Tue Mar 01, 2011 5:50 pm

இது படைப்பல்ல தோழரே ! என் மன வலிகள் ! என் வாழ்வில் உண்மையாக நடந்தவை நடப்பவை !

by **செய்தாலி** Tue Mar 01, 2011 6:05 pm

வ.வனிதா wrote:இது படைப்பல்ல தோழரே ! என் மன வலிகள் ! என் வாழ்வில் உண்மையாக நடந்தவை நடப்பவை !

வரிகளுக்கு உண்மையில் உயிர் இருப்பதை மறந்துவிட்டேன் மன்னிக்கவும் தோழி
உங்களின் துக்கமும் ஏக்கமும் என்னால் உணரமுடிகிறது

ஏக்கத்திற்கு விரைவில் விடிவு பிறக்கும் தோழி [You must be registered and logged in to see this image.]

by **நிலாமதி** Tue Mar 01, 2011 7:13 pm

தாய்மை விலை மதிபில்லாத்து ...........பாராட்டுக்கள்.

by **RAJABTHEEN** Tue Mar 01, 2011 10:34 pm

யதாத்தமான கவிவரிகள் மிகவும் சிறப்பாக உள்ளது பாராட்டுகிறேன் உங்களை

by **அ.இராமநாதன்** Tue Mar 01, 2011 10:47 pm

யதார்த்தமான் ஒரு நல்ல கவிதை...நன்றி
--------------------------------------------------

ஏ.பி.ஜே.அப்துல் கலாமின் 'என் அன்னை' என்ற
கவிதையில் கடைசி வரிகள் இவை:-
(பகிர்தலுக்காக)
[You must be registered and logged in to see this image.]
=======================================
அம்மா..
உன் ஆதரவுக் கரங்கள்
என் வேதனையை மென்மையாக அகற்றின
உன் அன்பும், ஆதரவும், நம்பிக்கையும்
எனக்கு வலிமை தந்தன

அதைக்கொண்டே நான் இந்த உலகை
அச்சமின்றி எதிர் கொண்டேன்.
என் அன்னையே நாம் மீண்டும் சந்திப்போம்
அந்த மாபெரும் நியாத் தீரப்பு நாளில்

அ.இராமநாதன் wrote:ஏ.பி.ஜே.அப்துல் கலாமின் 'என் அன்னை' என்ற
கவிதையில் கடைசி வரிகள் இவை:-
(பகிர்தலுக்காக)
[You must be registered and logged in to see this image.]
=======================================
அம்மா..
உன் ஆதரவுக் கரங்கள்
என் வேதனையை மென்மையாக அகற்றின
உன் அன்பும், ஆதரவும், நம்பிக்கையும்
எனக்கு வலிமை தந்தன

அதைக்கொண்டே நான் இந்த உலகை
அச்சமின்றி எதிர் கொண்டேன்.
என் அன்னையே நாம் மீண்டும் சந்திப்போம்
அந்த மாபெரும் நியாத் தீரப்பு நாளில்

[You must be registered and logged in to see this image.]

by **சங்கவி** Tue Mar 01, 2011 10:49 pm

அ.இராமநாதன் wrote:ஏ.பி.ஜே.அப்துல் கலாமின் 'என் அன்னை' என்ற
கவிதையில் கடைசி வரிகள் இவை:-
(பகிர்தலுக்காக)
[You must be registered and logged in to see this image.]
=======================================
அம்மா..
உன் ஆதரவுக் கரங்கள்
என் வேதனையை மென்மையாக அகற்றின
உன் அன்பும், ஆதரவும், நம்பிக்கையும்
எனக்கு வலிமை தந்தன

அதைக்கொண்டே நான் இந்த உலகை
அச்சமின்றி எதிர் கொண்டேன்.
என் அன்னையே நாம் மீண்டும் சந்திப்போம்
அந்த மாபெரும் நியாத் தீரப்பு நாளில்

நெஞ்சில்பதிந்த வரிகள் மிகவும் அழாகாக உள்ளது

by **வ.வனிதா** Wed Mar 02, 2011 11:48 am

அருமையான வரிகள் !

by **பட்டாம்பூச்சி** Thu Mar 03, 2011 3:42 pm

ஒரு குழந்தையின் குரல் அருமை பாராட்டுக்கள்

by **kavithaigal** Thu Mar 03, 2011 4:19 pm

வார்த்தை எனும் அமுதைக் கொடுத்து
கவிதை எனும் மழையாய்
இங்கே
உங்கள் கவி வரிகள்
அனைத்தும் அருமை
தொடரட்டும்

அன்புடன் கந்தவேல் கவிதைக்காக . . .

by **வ.வனிதா** Thu Mar 03, 2011 5:37 pm

நன்றி தோழரே! மிக்க நன்றி !

by **அரசன்** Thu Mar 03, 2011 6:21 pm

வரிகள் வெண்பஞ்சு போன்று மென்மையாக உள்ளது

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஒரு குழவியின் குரல்...

ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...

Re: ஒரு குழவியின் குரல்...