வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

மாணவர்களை சிறைக்கைதிகள் போல் நடாத்தும் அதிபர்!

தமிழ்த்தோட்டம் :: செய்திச் சோலை :: செய்திச் சங்கமம்

Page 1 of 1

மாணவர்களை சிறைக்கைதிகள் போல் நடாத்தும் அதிபர்!

by தமிழ்த்தோட்டம் (யூஜின்) Tue Mar 01, 2011 6:31 pm

தென்லண்டனில் உள்ள குரோய்டனில் ஓவல் ஆரம்பப் பள்ளியில் ஒழுக்கக் கட்டுப்பாடு என்ற பெயரில் தமது பிள்ளைகள் கடுமையாக நடத்தப்படுவதாக பெற்றோர்கள் முறையிட்டுள்ளனர்.

சிறு சிறு தவறுகளுக்காக பிள்ளைகள் வீட்டுக்குத் திருப்பி அனுப்பப்படுகின்றனர். சிறையில் உள்ளவர்கள் நடப்பதுபோல் கைகளைப் பின்னால் கட்டியவாறு நடக்குமாறு மாணவர்கள் வற்புறுத்தப்படுகின்றனர் என்றெல்லாம் பெற்றோர் தெரிவித்துள்ளனர்.

மோசமான நிலையில் சென்று கொண்டிருக்கும் இந்தப் பாடசாலையைத் திருத்துவதற்காக பிரய்க் டன்ஸ்டல் என்பவரை தலைமை ஆசிரியராக நிர்வாகம் நியமித்துள்ளது.

இவரின் வருடாந்தச் சம்பளம் 137881 பவுண்களாகும். இவர் பாடசாலையை பொறுப்பேற்ற தினத்தன்றே ஐந்து மாணவர்கள் இடை நிறுத்தப்பட்டனர்.

அடுத்து மேலும் இரு மாணவர்கள் இடைநிறுத்தப்பட்டனர். இவ்வாறு அதிரடி நடவடிக்கைகளை அவர் எடுத்துள்ளார். தாங்களும் அச்சத்துடன் வேலை செய்ய வேண்டிய நிலை ஏற்பட்டுள்ளதாக பாடசாலை ஊழியர்களும் தெரிவித்துள்ளனர்.

இந்தப் பாடசாலை நிர்வாகம் ஜிப்ஸி ஹில் பவுண்டேஷன் என்ற அமைப்பிடம் வழங்கப்பட்டது. அவர்களே இந்த அதிபரை நியமித்திருந்தனர்.

இப்போது இந்த ஒப்பந்தம் ரத்துச் செய்யப்பட்டுள்ளது. இதனால் விரைவில் புதிய தலைமை ஆசிரியர் ஒருவர் நியமிக்கப்படலாம் என்று நம்பப்படுகின்றது.

தமிழ்த்தோட்டம் (யூஜின்): Admin; Posts : 56835
Points : 69591
Join date : 15/10/2009
Age : 41
Location : கன்னியாகுமரி