சாதனை மனிதர்கள்...

by **அ.இராமநாதன்** Fri Mar 04, 2011 1:45 pm

---
பெயர்: ஆ.ஈசுவரன். வயது 59.
திருப்பூர், தமிழ் நாடு, India

இவரது வலைப்பு:-
http://jaivabaieswaran.blogspot.com
-
வலைப்பூவில் அவர் தெரிவித்துள்ளது:-
===================================
எட்டு வயதில் கிராமப்பள்ளிப்படிப்பை கைவிட்டு,
திருப்பூரில் குழந்தைத் தொழிலாளியாக இருந்தேன்.

சுதந்திரப்போராட்ட வீரர் திரு.எஸ்.ஏ.காதர் அவர்களின்
துணைவியார் திருமதி.சலீமாகாதர் அவர்களின் உதவியால்
மீண்டும் பள்ளியில் சேர்ந்து 1970-ல் 11-ம்வகுப்புவரை
படித்தேன்

(மூன்றுவருடம் முன்பு தொடர் நிலைக்கல்வியில் எம்.ஏ.வும்
முடித்துள்ளேன்)

1974-தர்மபுரியில் தொலை தொடர்புத்துறையில் சேர்ந்தேன்.
தற்போது பி.எஸ்.என்.எல் ,திருப்பூரில் பணிபுரிகிறேன்.
1987-ல் தமிழ் நாடு அறிவியல் இயக்கத்தின் தொடர்பு
காரணமாக கல்வி,அறிவியல் விழிப்புணர்வு செயல்பாடுகளில்
ஆர்வம் ஏற்பட்டது.

1989-ல் திருப்பூர் ஜெய்வாபாய் நகராட்சிப் பெண்கள் மேல்
நிலைப்பள்ளியில் எனது மகளை 6-ம்வகுப்பில் சேர்த்தேன்.
அப்பள்ளியின் சுற்றுச்சூழல் மாசுபாட்டையும்,பள்ளியில் இரவு
நேரங்களில் நடைபெறும் சமூக விரோதச்செயல்களை
தினமணியின் ஆராய்ச்சிமணிப்பகுதிக்கு எழுதியதோடு
நில்லாமல் பள்ளியைச் சீர்படுத்த பள்ளி நிர்வாகத்துடன்
சேர்ந்து பெற்றோர்-ஆசிரியர் கழகத்தை 1989 ஜூலையில்
புனரமைத்தோம்.

தொலைபேசி பணிமுடிந்தவுடன்,பள்ளியின் வளர்ச்சிக்கு
பாடுபட்டதன் காரணமாக, இன்று இப்பள்ளி இந்தியளவில் 7300
மாணவிகள் படிக்கும் மாபெரும் மா நகராட்சிப்பெண்கள்
பள்ளியாக உருவாகி,பல்வேறு சாதனைகளைப்படைத்து
பெண்கல்விக்கு முன்னோடிப்பள்ளியாக விளங்கிவருகிறது.