முல்லாவின் நகைச்சுவைகள்.

by **தோழி பிரஷா** Fri Mar 11, 2011 8:25 am

First topic message reminder :

முல்லா தீவிரமான குடிகாரர்.ஒரு புத்தாண்டு தினத்தன்று,''இந்த ஆண்டு நான் குடிக்க மாட்டேன்,''என்று சபதம் செய்தார்.அடுத்த நாள் அவர்மது விற்கும் கடை வழியே செல்ல வேண்டியிருந்தது.அவர் கடையைத் திரும்பப் பார்க்காது இருபது மீட்டர் தூரம் சென்று விட்டார்.அவருக்கு மிக்க மகிழ்ச்சி.''முல்லா,மதுக் கடைக்கு அருகில் சென்றும் ,நீ மது அருந்தாமல் மிகத் துணிச்சலாக முன்னேறி விட்டாயே!பரவாயில்லை.அந்த மகிழ்ச்சியில் நட.போய் மது அருந்தலாம்.''என்று தனக்குத்தானே கூறிக் கொண்டு முல்லா அன்று இரட்டிப்பாய் மது அருந்தினார்.

படித்ததில் பிடித்தது

by **தோழி பிரஷா** Fri Mar 11, 2011 8:51 am

முல்லா வீட்டுக்கு வந்த நண்பர் ஒருவர் வாத்து ஒன்றை பரிசாகக் கொடுத்தார்.அதை சமைத்து சாப்பிட்டார்கள்.அதன் பின் வரிசையாக முல்லா வீட்டுக்கு விருந்தினர் வர ஆரம்பித்தனர்.சிலர் வாத்துக் கொடுத்தவரின் நண்பர் என்றனர்.இன்னும் சிலர் வாத்துக் கொடுத்தவரின் நண்பருக்கு நண்பர் என்று சொல்லிக் கொண்டனர்.எல்லோருமே அந்த வாத்தை தங்களுக்கும் சமைத்துப் போட வேண்டும் என்று கூறினர்.முல்லா இவர்களை எல்லாம் ஓரளவு சமாளித்தார் ஆனால் ஒரு நிலையில் பொறுமை இழக்கும் சூழ்நிலை ஏற்பட்டது.ஒரு நாள் ஒரு புது ஆள் வந்தார்.''உங்களுக்கு வாத்து கொடுத்தவரின் நண்பருக்கு நண்பருக்கு நண்பன் நான்.''என்று சொல்லி விட்டு சாப்பாட்டுக்கு தயாராக உட்கார்ந்து விட்டார்.ஆவி பறக்க ஒரு பாத்திரத்தில் தண்ணீரைக் கொண்டு வந்து அந்தப் புது ஆளின் முகத்திற்கு முன் முல்லா நீட்டினார்.''என்ன இது?''என்று அவர் கோபத்துடன் கேட்டார்.'அதுவா?உங்கள் நண்பர் கொடுத்த வாத்தின் ரசத்தோட ரசத்தோட ரசம்,'என்றார் முல்லா.

by **தோழி பிரஷா** Fri Mar 11, 2011 8:51 am

முல்லாவுக்கு அறிமுகமான ஒருவர்,ஒரு நல்ல செய்தியை அவரிடம் சொல்லி,நண்பராகிவிடலாம் என்று எண்ணி,அவர் வீட்டுக்கு சென்று அவரிடம் சொன்னார்,''என் பக்கத்து வீட்டுக்காரர்கள் இன்று கேக் செய்கிறார்கள்.''
உடனடியாக முல்லா,'அதனால் எனக்கு என்ன வந்தது?'என்று கேட்டார்.
வந்தவர்,''அவர்கள் அதில் கொஞ்சம் உங்களுக்குக் கொடுக்கப் போவதாகக் கேள்விப்பட்டேன்.''என்றார்.'அதனால் உனக்கு என்ன வந்தது?'என்று முல்லா கேட்க வந்தவர் அசடு வழிய நின்றார்.

by **தோழி பிரஷா** Fri Mar 11, 2011 8:52 am

முல்லா ஒரு நாள் அவர் மனைவியுடன் சண்டை போட்டார்.அவர் வாய்க்கு வந்தபடி பேசவே,பொறுக்க மாட்டாத அவர் மனைவி பக்கத்து வீட்டுக்கு சென்று விட்டார்.பின்னாலேயே முல்லாவும் அங்கு சென்றார்.பக்கத்து வீட்டுக்காரர்கள் அவர்களை சமாதானப்படுத்தி,இனிப்பு ,காரம்,டீ கொடுத்து அனுப்பினர்.
வீட்டிற்கு வந்த முல்லா மறுபடியும் அதிகமாக சண்டை போட ஆரம்பித்தார்.
மனைவி வெளியே செல்ல கதவைத் திறந்தார்.அப்போது முல்லா சொன்னார்,
''இப்போது பேக்கரிக்காரர்கள் வீட்டிற்குப் போ.அவர்கள் நல்ல கேக்குகள் செய்கிறார்கள்.''

by **தோழி பிரஷா** Fri Mar 11, 2011 8:53 am

முல்லா இறந்து விட்டார்.அவரது இரண்டு சீடர்கள் தற்கொலை செய்து கொண்டனர்.மூவரும் மறு உலகின் அழகிய வாயிலைத் தட்டினர்.''இது தான் நான் உங்களுக்கு வாக்களித்தது.நாம் சொர்க்கத்திற்கு வந்து விட்டோம்.''என்றார் முல்லா.
வழிகாட்டி .அவர்களை அழகிய அரண்மனைக்கு அழைத்துச் சென்றார்.''இனி முடிவே இல்லாமல் இங்கே இருக்கப் போகிறீர்கள்.உங்களுக்கு என்ன வேண்டும் என்று சொல்லுங்கள்.உடனே நிறைவேற்றுகிறேன்.''என்றான் வழிகாட்டி.
கேட்டதெல்லாம் உடனே கிடைத்தது.ஆசைப் பட்டதெல்லாம் நிறைவேறியது.
ஆனால் ஏழு நாட்களில் அவர்களுக்கு சலிப்பு ஏற்பட்டு விட்டது.கேட்பதற்கும் கிடைப்பதற்கும் இடைவெளி இல்லையென்றால் சலிப்புதான் ஏற்படும்.
வழிகாட்டியிடம் முல்லா,''நாங்கள் எங்கள் பூமியைப் பார்க்க விரும்புகிறோம்.கொஞ்சம் ஜன்னலைத் திறக்க முடியுமா?''என்று கேட்டார்.
'எதற்கு?'என்று கேட்டான் அவன்.
''எங்கள் ஆவலை மேலும் கிளறி விட.''என்றார் முல்லா.
அவன் கதவைத் திறந்தான்.கீழே பூமியில் மக்கள் போராடிக் கொண்டிருப்பது தெரிந்தது.இந்த முரண்பாட்டில் அவர்களது ஆர்வம் மேலும் கிளர்ந்தது.
அடுத்த ஏழு நாட்களில் அவர்களுக்கு மீண்டும் சலிப்பு ஏற்பட்டது.பூமியைப் பார்ப்பதில் இனி பயன் இல்லை.அதனால் முல்லா,''கொஞ்சம் நரக வாசலைத் திறந்து காண்பியப்பா,அதைப் பார்த்தால் எங்கள் ஆசைகள் புத்துணர்வு பெரும்.''என்றார்.
அதற்கு அவன் சிரித்தபடி சொன்னான்,''நீங்கள் எங்கே இருப்பதாக நினைத்துக் கொண்டிருக்கிறீர்கள்?இது தான் நரகம்.''
ஆம்,அவர்கள் இதுவரை இருந்தது நரகம்!
உங்களது எல்லா ஆசைகளும் நிறைவேறிவிடுவது தான் நரகம்!

by **தோழி பிரஷா** Fri Mar 11, 2011 8:54 am

முல்லா உளவியல் மருத்துவரிடம் சென்றார்.''எனக்கு ஒரே குழப்பம்.ஏதாவது செய்யுங்கள்.சகிக்க முடியவில்லை.இரவு முழுவதும் ஒரே கனவு வந்து என்னை வாட்டி வதைக்கிறது.நான் ஒரு மூடிய கதவருகே நிற்கிறேன்.தள்ளுகிறேன்,தள்ளுகிறேன்,தள்ளிக்கொண்டே இருக்கிறேன்.கதவைத் திறக்க முடிய வில்லை.பிறகு விழித்துக் கொள்கிறேன்.வேர்த்து விறுவிறுத்து விடுகிறது.''என்றார்.
உளவியல் மருத்துவர் எல்லாவற்றையும் குறித்துக் கொண்டார்.அரை மணி நேரம் விசாரித்து விட்டு,'முல்லா,அந்தக் கதவின் மீது என்ன எழுதி இருந்தது?'என்று கேட்டார்.
''இழு,என எழுதியிருந்தது,''என்று சாதாரணமாகச் சொன்னார் முல்லா.
*************
ஒரு நாள் இரவு முல்லா வெகு நேரம் கழித்து வீட்டுக்கு வந்தார்.கதவைத் தட்டினார்.அவர் மனைவிக்கு ஒரே எரிச்சல்.மனைவியின் கோபத்தைக் கண்ட முல்லா,''பொறு,பொறு.ஒரு நிமிடம்.விளக்கிச்சொல்லி விடுகிறேன்.அப்புறம் ஆரம்பித்துக்கொள்.நான் நோய் வாய்ப்பட்ட ஒரு நண்பனுடன் இருக்க வேண்டியதாயிற்று.''என்றார்.
'நல்ல கதை.சரி,அவர் பேர் என்ன?'என்றாள் மனைவி.
முல்லா தடுமாறிப் போனார்.யோசித்து யோசித்துப் பார்க்கிறார்.ஒன்றும் சொல்ல முடியவில்லை.கடைசியில் உற்சாகத்தோடு,''தன பேரைச் சொல்ல முடியாத அளவுக்கு அவனுக்கு வேதனை,''என்றார்.

நகைச்சுவை தொகுப்புக்கு நன்றி அனைத்துமே நல்லா இருக்கு.. ரொம்பவே சிரிச்சேன் பகிர்வுக்கு நன்றி

by **கவிக்காதலன்** Sat Mar 12, 2011 1:17 am

தோழி பிரஷா wrote:முல்லா வேலையிலிருந்து வீடு திரும்பியதும்சட்டையைக் கழற்றினார்.அந்த சட்டையை வாங்கிய அவரது மனைவி அதில் ஒருநீளமான கருப்பு முடி இருந்ததைப் பார்த்ததும் அவள்மிகுந்த கோபத்துடன்,''நீ ஒரு இளம் பெண்ணுடன் தொடர்பு கொண்டுள்ளாய் என்று நினைக்கிறேன்,''என்று கூறி சண்டை பிடிக்க ஆரம்பித்தாள்.''வழியில் ஒரு கூட்டத்தில் புகுந்து வந்தபோது யாருடைய முடியாவது ஒட்டியிருக்கும்,''என்று முல்லா கூறிய சமாதானம் எடுபடவில்லை.அழுது ஆர்ப்பாட்டம் செய்தாள்.
மறுநாள் முல்லா வேலை முடிந்து வந்தவுடன்,விரைந்து வந்து அவரது மனைவி அவருடைய சட்டையை ஆராய்ச்சி செய்யத் துவங்கினாள்.அப்போது சட்டையில் ஒரு வெள்ளை முடி இருப்பதைக் கண்டாள்.அவ்வளவுதான்..பிடி பிடிஎனப் பிடித்துக் கொண்டாள் ''நேற்று ஒரு இளம் பெண்:இன்று ஒரு வயதான பெண்.நீ சரியான காமாந்தகனாக இருக்க வேண்டும்.என் வாழ்க்கையே பாழாகி விட்டது.''என்று கூவ ஆரம்பித்தாள்.
அடுத்த நாள் முல்லா வேலையிலிருந்து வரும்போது,பிரச்சினை எதுவும் வரக்கூடாது என்று எண்ணி சட்டையை கழட்டி ,நன்றாக உதறிவிட்டு மறுபடியும் உடுத்திக் கொண்டார்.வீட்டுக்கு வந்தவுடன் அவரது மனைவி வழக்கம் போல அவரது சட்டையை பரபரவென சோதனை போட்டாள்.ஒன்றும் கிடைக்கவில்லை.முல்லா நிம்மதிப் பெருமூச்சு விட்டார்.ஆனால் திடீரென உரத்த குரலில் அவர் மனைவி அழ ஆரம்பித்தாள்.
அவருக்கு ஒன்றும் புரியாமல் என்னவென்று கேட்டார்.அவள்,''செய்வதைசெய்துவிட்டு ஒன்றும் புரியாத மாதிரி நடிக்கிறீர்களா?கேவலம்,ஒரு மொட்டைத் தலைக்காரியுடன் இன்று சுற்றிவிட்டு வந்திருக்கிறீர்கள்.நான் என் தாயின் வீட்டுக்குப் போகிறேன்,''என்றாள்.பாவம்,முல்லாவால் என்ன சொல்ல முடியும?

இதுக்கு ஒண்ணும் பண்ண முடியாது!!!

by **arony** Sat Mar 12, 2011 1:19 am

ஒரு தலைப்பிலேயே தொகுப்பாகப் போட்டது மிக அருமை.

முல்லா முல்லாதான்... யூஜின் யூஜின் தான்... கவிக்கா கவிக்காதான்... ஆழவிடுங்கப்பா நானில்

by **கவிக்காதலன்** Sat Mar 12, 2011 1:27 am

தோழி பிரஷா wrote:ஒரு நாள் முல்லா ஒரு பணக்காரரிடம் சென்று தனக்கு ஒரு பெரிய தொகை கடனாகக் கேட்டார்.அவ்வளவு பணம் எதற்கு என்று அவர் கேட்டார்.உடனே முல்லா,''நன் யானை வாங்கப் போகிறேன்,''என்றார்.பணக்காரர் சொன்னார் ,''உன்னிடமோ பணம் இல்லை என்கிறாய்.யானை வாங்கினால் உன்னால் அதை வைத்து பராமரிக்க முடியாது.''முல்லா சொன்னார்,''நான் உங்களிடம் கேட்டது பணம் தான்.அறிவுரை கேட்கவில்லை.'

by **arony** Sat Mar 12, 2011 1:28 am

கடவுளே.. எல்லோரும் கண்ணை மூடுங்கோ கவிக்கா படம் போட்டிட்டார்... பிரஷா ஓடுங்க ஓடுங்க... ஆழவிடுங்கப்பா நானில்

by **கவிக்காதலன்** Sat Mar 12, 2011 1:34 am

arony wrote:கடவுளே.. எல்லோரும் கண்ணை மூடுங்கோ கவிக்கா படம் போட்டிட்டார்... பிரஷா ஓடுங்க ஓடுங்க...

நான் படம் போட்டா நீங்க ஏன் ஓடுறீங்க...???

by **arony** Sat Mar 12, 2011 1:37 am

அது வேற இது வேஏஏஏஏஏஏஎற....

பிரஷா.. ஓடுங்க ஓடுங்க... ஆழவிடுங்கப்பா நானில்

by **சங்கவி** Sat Mar 12, 2011 1:38 am

நகைச்சுவையாக இருந்தாலும் படிப்பினைகள் பல உள்ளது பாராட்டுக்கள்

by **தோழி பிரஷா** Sat Mar 12, 2011 1:41 am

arony wrote:கடவுளே.. எல்லோரும் கண்ணை மூடுங்கோ கவிக்கா படம் போட்டிட்டார்... பிரஷா ஓடுங்க ஓடுங்க...

ஆரணி என் குட்டிப்பொண்ணு கவிக்கா படத்த பார்த்து ரொம்ப சிரிச்சா.

by **கவிக்காதலன்** Sat Mar 12, 2011 1:42 am

arony wrote:அது வேற இது வேஏஏஏஏஏஏஎற....

பிரஷா.. ஓடுங்க ஓடுங்க...

என்கிட்ட வாலாட்டுற வேலை வச்சுக்காதீங்க...[You must be registered and logged in to see this image.]

சிரி

by **arony** Sat Mar 12, 2011 1:46 am

தோழி பிரஷா wrote:
arony wrote:கடவுளே.. எல்லோரும் கண்ணை மூடுங்கோ கவிக்கா படம் போட்டிட்டார்... பிரஷா ஓடுங்க ஓடுங்க...
ஆரணி என் குட்டிப்பொண்ணு கவிக்கா படத்த பார்த்து ரொம்ப சிரிச்சா.

குட்டிக்கே புரியுது....ஆனா.. ஆழவிடுங்கப்பா நானில்

கவிக்கா எலியெல்லாம் எதுக்கு வாலாட்டுது?... எதிர்ப்பு

by **கவிக்காதலன்** Sat Mar 12, 2011 1:49 am

arony wrote:
தோழி பிரஷா wrote:
arony wrote:கடவுளே.. எல்லோரும் கண்ணை மூடுங்கோ கவிக்கா படம் போட்டிட்டார்... பிரஷா ஓடுங்க ஓடுங்க...
ஆரணி என் குட்டிப்பொண்ணு கவிக்கா படத்த பார்த்து ரொம்ப சிரிச்சா.

குட்டிக்கே புரியுது....ஆனா..

கவிக்கா எலியெல்லாம் எதுக்கு வாலாட்டுது?...

பாட்டு கேட்க்கும்போது இப்படி தான் கேட்க்கணும்... நான் பேபிக்கு சொன்னேன்...!!!

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

முல்லாவின் நகைச்சுவைகள்.

முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.

Re: முல்லாவின் நகைச்சுவைகள்.