பூமியின் மண்அமைப்பு பற்றி ஆய்வுகள் மேற்கொண்ட அறிவியல் அறிஞர் அட்டன் ஜேம்ஸ் (Hutton James). மருத்துவரான இவர் மண் அமைப்பு மீது ஆர்வம் கொண்டு அது தொடர்பான ஆய்வுகளை மேற்கொண்டு ஒருமைப்படுத்துதவிய கோட்பாட்டை (uniformitarianism)
உருவாக்கினார். இதன் மூலம் இக்கால மண்ணூல் ஆய்வுக்கு அடிகோலியவர் என்ற
பெருமையைப் பெற்றவராகிறார். இவரது ஆய்வு முடிவின்படி பண்டைக்காலத்தில்
பூமியை உருவாக்க உறுதுணையான மண்ணியல்புகளும் இக்காலத்தில் செயல்படும்
கூறுகளும் ஒன்றானவையே என்பதாகும்.
அட்டன் கி.பி. 1726 - ஆம் ஆண்டு எடின்பரோவில் பிறந்தார். வழக்குரைஞராக வாழ்வைத் தொடங்கி வெற்றிபெற இயலாத நிலையில் எடின்பரோ, பாரிஸ், இலெய்டன் பல்கலைக்கழகங்களில் மருத்துவம் பயின்றார். 1749 - இல்
இலெய்டன் பல்கலைக்கழகத்தில் முதுநிலை (எம்.டி.) பட்டம் பெற்றாலும் இவர்
மருத்துவராக பணிசெய்யவில்லை. பெர்விக்லிருந்த தம் பண்ணையில் வேளாண்மை செய்ய
முற்பட்டார்.
வேளாண்மையில் இவர் மேற்கொண்ட ஆய்வுமுறைகள் நல்ல பலனளித்ததால் பதவியிலிருந்து விலகி நில உட்கூற்றியல் ஆய்வுகளை மேற்கொண்டார். 1797 - ல் எடின்பரோவில் காலமானார்.
பூமியின் அமைப்புக்கு வெப்பத்தின் பங்கு சீரியதாகும் என்பது இவரது கருத்து. எரிமலை பாறையும்,
கருங்கல் பாறையும் உருகிய திறள்களிலிருந்து உருவானதே பூமி என்று இவர்
நம்பினார். ஏனைய அறிவியல் வல்லுனர்கள் பலர் பூமியின் மீது ஒரு காலத்தில்
தண்ணீரே நிறைந்திருந்தது என்றும், நீரின் அடியில் கனிமங்கள் நிலையாக தங்கியிருந்ததாலேயே பாறைகள் அனைத்தும் உருவாயின என்றும் எண்ணியிருந்தனர்.
பூமியானது
இயற்கைக் கூறுபாடுகளினால் படிப்படியாக மாறியதென்றும் அதே கூறுபாடுகளினால்
தொடர்ந்து மாறும் என்றும் இவர்தம் கொள்கையை நிலை நாட்டினார். ஏனைய
அறிவியல் வல்லுநர்கள் ஏறத்தாழ 6000 ஆண்டுகளுக்கு முன்னர் ஒரே சமயத்தில் பூமி முழுமையாக உருவாகியதென்று நம்பியிருந்தனர்.

ரொம்ப நன்றி தோழரே