சுனாமி அலையில் தப்பிய 60 வயது முதியவர்

by **சங்கவி** Tue Mar 15, 2011 4:41 pm

ஜப்பானை கடந்த சனிக்கிழமையன்று தாக்கிய சுனாமி பேரலையில் சிக்கிய 60 வயது ஹிரோமிட்சு ஷிங்கவா என்பவர் 15 கி.மீ. தொலைவிற்கு இழுத்துசென்று விட்டது.

இதில் அவர் இரண்டு நாளாக வீட்டு கூரையின் மீது ஏறி நின்று இருந்த போது அவ்வழியாக ஜப்பான் இராணுவ வாகனத்தில் மீட்பு குழுவினர் வந்தபோது சிவப்பு துணியை அடையாளம் காட்டியதால் இராணுவத்தினர் அவரை உயிருடன் மீட்டனர்.

இது குறித்து ஷிங்கவா கூறியதாவது: சுனாமி பேரலை தாக்கிய போது நானும் எனது மனைவியும் வெளியில் சென்று விட்டு வீடு திரும்பி கொண்டிருந்தோம் அப்போதுதான் சுனாமி பேரலையால் நான் கொண்டு செல்லப்பட்டேன். எனது மனைவியை இழுத்து சென்ற பேரலை எங்கு கொண்டு சென்றது என்பது தெரியவில்லை என வருத்தத்துடன் தெரிவித்தார்.

இது குறித்து இராணுவ அதிகாரி குறிப்பிடுகையில், ஷிங்கவா அதிர்ஷ்டசாலி என்றும் இரண்டு நாள் தன்னம்பிக்கையோடு தன்னை காப்பாற்றிக் கொண்டுள்ளார் எனவும் தெரிவித்தார்.