மாரடைப்பு ஏற்படும் முறை

by **சங்கவி** Sun Oct 24, 2010 7:32 pm

இதயத்திற்கு குருதியை வழங்கும் முடியுரு நாடிகளில் கொலஸ்ரோல் போன்ற பதார்த்தங்கள் படிவதால் இதயத்திற்கு செல்லும் இரத்தத்தின் அளவு குறைகையில் மார்பு வலி ஏற்படுகிறது. ஆரம்ப கட்டங்களில் இது கடினமான வேலை செய்யும் போது ஏற்படலாம். குருதியானது சிறிது நேரத்தில் இதயத்திற்கு வழங்கப்படும் போது இந்த வலி அற்றுப்போகும். எனினும் குருதி வழங்கலானது முற்றாக தடைப்படும் போது இதயக்கலங்கள் இறப்பதால் மாரடைப்பு ஏற்படும். இது தீவிரமான நோய் நிலைமையாகும். ஆரோக்கியமான உணவுகள் உடற்பயிற்சி குருதியழுத்தம் கொஸ்ரோல் என்பன சரியான மட்டங்களில் காணப்படல் போன்ற காரணிகளால் இந்த ஆபத்தை குறைக்கமுடியும். நோயை தீர்மானிக்கும் ஆபத்தை கூட்டும் காரணிகளாவன பரம்பரை அலகுகள் வயது அதிகரித்தல். ஆண்பால் புகைத்தல் உயர் குருதியழுத்தம் குருதியில் அதிகளவு கொலஸ்ரொல் காணப்படல் அதிக உடற் பருமன் போன்றவையாகும் இந்த மாரடைப்பு நோயானது முற்றிய கட்டத்தில் இதயவறை செயலிழப்பை ஏற்படுத்தும். அதனால் இளைப்புடன் செயற்பாடுகளை மேற்கொள்ள முடியாமை, களைப்பு, படுக்கையில் மூச்சுத்திணறல், கிடையாகப்படுத்து சிலமணிநேரங்களில் மூச்சுத்திணறல், இரவு நேரங்களில் இருமல், சுவாசிக்கும் போது ஒலி, இரவில் சிறுநீர் கழித்தல், கை பாதங்கள் குளிர்தல், உடல் நிறைக்குறைவு, தசைகள் திணிவு குறைதல், கை கால் தொடை நாரி வயிற்றில் வீக்கம் ஏற்படல், வயிறு ஊதுதல், வாந்தி வரும் உணர்வு, பசியின்மை, முகம் வீக்கமுறல, கழுத்து முகத்தில் மூக்கிலிருந்து குருதி வெளியேறல், நோயாளி போல் தோற்றம், கை கால்கள் குளிர்தல், நீல நிறமாதல், அதிகரித்த நாடித் துடிப்பு, நாடித் துடிப்பின் வீரியம் வேறுபடல், குருதி அழுத்தம் குறைதல், நாடி அழுத்த வேறுபாடு குறைதல், JVP நாள அழுத்த அதிகரிப்பு ஆகியன உருவாகும்