சுருமா விடுவதினால் என்ன நன்மைகள்

by **RAJABTHEEN** Wed Mar 23, 2011 2:13 pm

''இஸ்மித் என்ற (கருப்புக்) கற்களால் சுருமா இடுங்கள் அது பார்வையைக் கூர்மையாக்கும். இமைகளின் முடியை வளரச்செய்யும்'' என்று நபி (ஸல்) அவர்கள் கூறினார்கள். என அறிவிக்கும் இப்னு அப்பாஸ் (ரலி) அவர்கள், ''நபி (ஸல்) அவர்களிடம் சுர்மாக்கூடு ஒன்று இருந்தது. ஒவ்வொரு இரவிலும் இரு கண்களிலும் மூன்று தடவைகள் இட்டுக் கொள்வார்கள் என்றும் அறிவித்ார்கள். (நூல்கள் - திர்மிதீ 1757)

by **RAJABTHEEN** Wed Mar 23, 2011 2:13 pm

ஒரு பெண்ணின் கணவர் இறந்துவிட்டார். ('இத்தா'வில் இருந்த அவளுடைய கண்ணில் வலி ஏற்பட்டதால்) அவளின் கண்கள் குறித்து அவ(ளுடைய உறவின)ர்கள் அஞ்சினர். எனவே, அவர்கள் இறைத்தூதர்(ஸல்) அவர்களிடம் சென்று அப்பெண் அஞ்சனம் (சுர்மா) இட்டுக்கொள்ள அனுமதி கேட்டனர். அதற்கு இறைத்தூதர்(ஸல்) அவர்கள் , 'அவள் அஞ்சனம் இடவேண்டாம். (அறியாமைக் காலத்தில் கணவன் இறந்தபின்) மனைவி அவளுடைய 'ஆடைகளிலேயே மோசமானதில்' அல்லது 'மோசமான வீட்டில்' தங்கியிருப்பாள். (கணவர் இறந்து) ஒருவருடம் கழிந்துவிட்டால் (அவ்வழியாகக்) கடந்துசெல்லும் ஏதேனும் ஒரு நாய் மீது ஒட்டகச் சாணத்தை அவள் வீசியெறிவாள். (அந்த அவலம் இப்போது இல்லை.) எனவே, அவள் நான்கு மாதம் பத்து நாள்கள் கழியும் வரை அஞ்சனம் இட வேண்டாம்' என்று கூறினார்கள். அறிவிப்பவர் உம்மு ஸலமா (ரலி) (நூல்கள் - புகாரி 5336, 5338, முஸ்லிம் 2975-2977, திர்மிதீ, நஸயீ, இப்னுமாஜா, அஹ்மத், முவத்தா மாலிக், தாரிமீ)

by **RAJABTHEEN** Wed Mar 23, 2011 2:14 pm

கண்களுக்கு சுர்மா இடுவது பார்வையைக் கூர்மையாக்குவதோடு இமைகளின் முடியை வளரச்செய்யும் என்றும் மேலும், நபி (ஸல்) அவர்களின் காலத்தில் கண் வலிக்கு மருந்தாகவும் சுர்மா பயன்படுத்தப்பட்டுள்ளது எனவும் மேல்கண்ட அறிவிப்புகளிலிருந்து அறியலாம்.
நபி (ஸல்) அவர்கள் தமது மேனியை பராமறிப்பதற்காக பிரத்தியேக ஏதும் நடவடிக்கையை மேற்கொண்டிருந்தார் என அறிவிப்புகள் எவற்றையும் நாமறியவில்லை.

by **RAJABTHEEN** Wed Mar 23, 2011 2:14 pm

தலைமுடி
நபி(ஸல்) அவர்கள் நடுத்தர உயரமுடையவர்களாகவும் (மேல் முதுகும் மார்பும் விசாலமான நிலையில்) இரண்டு புஜங்களுக்கிடையே அதிக இடைவெளி உள்ளவர்களாகவும் இருந்தார்கள். அவர்களின் தலைமுடி அவர்களின் காதுகளின் சோணையை எட்டும் அளவிற்கு இருந்தது. அவர்களை நான் சிவப்பு நிற அங்கி ஒன்றில் பார்த்திருக்கிறேன். அதை விட அழகான ஆடையை நான் கண்டதேயில்லை. அறிவிப்பவர் பாராவு இப்னு ஆஸிப் (ரலி) (நூல்கள் - புகாரி 3551, இந்த அறிப்பின் கருத்தைப் போன்று முஸ்லிம், நஸயீ, இப்னுமாஜா நூல்களிலும் பதிவுசெய்யப்பட்டள்ளன.
நானும் நபி (ஸல்) அவர்களும் ஒரே பாத்திரத்திலிருந்து குளிப்போம். அவர்களின் தலைமுடி தோள் புஜத்தைவிட ஏரியும், காதைவிட இறங்கியும் இருந்தது. அறிவிப்பவர் ஆயிஷா (ரலி) அவர்கள் நூல் - திர்மிதீ 1755 )
நபி (ஸல்) அவர்கள் தோள் புஜத்தைத் தொடுகின்ற அளவுக்கு தலைமுடியை வளர்த்திருந்தார்கள் என அறிவிப்புகளிலிருந்து விளங்குகிறோம். தோள் புஜம் வரை முடியை வளர்க்க முடியை வெட்டாமல் விட்டாலே போதும்
(அல்லாஹ் மிக அறிந்தவன்)

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சுருமா விடுவதினால் என்ன நன்மைகள்

சுருமா விடுவதினால் என்ன நன்மைகள்

Re: சுருமா விடுவதினால் என்ன நன்மைகள்

Re: சுருமா விடுவதினால் என்ன நன்மைகள்

Re: சுருமா விடுவதினால் என்ன நன்மைகள்

Re: சுருமா விடுவதினால் என்ன நன்மைகள்