பெரியார் திரைப்படம் எழுப்பிய கேள்விகள்:

1. எந்நேரமும் கடவுள், சாமியார் என்று சுற்றிக் கொண்டிருக்கும் பெற்றோரின் இடையில் வளர்ந்தவருக்கு, கடவள் மறுப்புக் கொள்கைக்கான முதல் விதை எங்கே கிடைத்தது?

2. இன்றைய காலத்திலேயே கெட்ட வார்த்தையாக அறியப்படும் வகுப்புவாரி இட ஒதுக்கீட்டை, அரசியல் என்று இறங்கும் போதே முன்வைக்கிறார் பெரியார். அந்த யோசனையை எங்கிருந்து பிடித்தார்? அதற்கான இன்ஸ்பிரேஷன்?

3. கள்ளுக்கடை மறியல், வைக்கம் போராட்டம் என்று பெரியாரின் தோளோடு தோள் நின்று போராடும் நாகம்மை போல இல்லாமல், பணிவிடை செய்தவர் என்ற காரணத்துக்காக மட்டும் மணியம்மை துணைவியாக இருப்பதாகவே திரைப்படம் சித்தரிக்கிறது.. உண்மையில் மணியம்மையின் தனித்துவம் என்ன? சாதனைகள் என்னென்ன?

4. இந்தியரையும் நாய்களையும் ஒன்றாகக் கருதிய தென்னாப்பிரிக்கா போய் வந்த போது தான் காந்திக்கு நாய்களைப் போல் கருதப்படும் இந்திய தாழ்த்தப்பட்டோர் கண்ணில் தெரிகிறார்கள். அப்படி இல்லாமல், உயர்சாதியாக கருதப்பட்ட குடும்பத்தில் பிறந்து, எந்த அன்னிய தேசத்திலிருந்தும் விழிப்புணர்வு பெறாமல், சனாதன தர்மத்தை, குலக் கல்வி முறையை எல்லாவற்றையும் எதிர்க்கும் எண்ணம் எப்படி வந்தது?

5. ‘எல்லாத் தொழிலும் உயர்ந்ததே, எல்லா மக்களும் ஒன்றே!’ என்ற இராமானுஜர் போன்ற பிரச்சாரங்களின் மூலம் இல்லாமல், ‘குலத் தொழிலை விட்டு வாருங்கள்’ என்ற பெரியாரின் குரலுக்கு என்ன உந்துதல்..

— in other words
1. பெரியாரின் இளமைப்பருவம்?

2. அவர் குடும்பத்திலோ, நட்பு வட்டத்திலோ, ஆசிரியர் வட்டத்திலோ, எங்காவது அவரின் புரட்சிகர சிந்தனைகளுக்கான பொறி இருந்திருக்க வேண்டும். அது என்னாவாக இருக்கும்?

3. பெரியார் சிறுவனாக அல்லது இளைஞனாக படித்த புத்தகங்கள் யாவை? பழகிய வட்டங்கள்.. நண்பர்கள்?

சமீபத்தில் வாசித்ததில் எழும்பிய கேள்விகள் சில:

1. உலக நாடுகள் அனைத்தும் பயந்த, பயப்படும் காரல் மார்க்ஸ், ஏங்கல்ஸ் இவர்களுக்கு அடைக்கலம் கொடுக்கவும், சிந்திக்கவும் புத்தகம் எழுதவும் இடம் அளிக்க பிரிட்டனுக்கு மட்டும் எப்படி மனம் வந்தது? அல்லது பிரிட்டன் மட்டும் எப்படி இவர்களைக் கண்டுகொள்ளாமல் விட்டுவிட்டது?

2. பெண்ணிய இயக்கங்கள் தோன்றியது எப்போது? மார்க்ஸ் காலத்திலேயே பெண்களுக்கு ஓட்டுரிமை இல்லை எனும் போது, அந்த உரிமைக்கு முதலில் குரல் எழும்பத் தொடங்கியது எப்போது? எழுப்பியது யார்?

3. உழைக்கும் வர்க்கத்தில் ஆண்களுக்கான ஓட்டுரிமை பற்றிப் பேசும் மார்க்ஸ் ஏன் பெண்களைப் பற்றி யோசிக்காமல் விட்டுவிட்டார்?

4. சிதறிவிட்ட சோவியத் யூனியன் ஒரு அறிவிக்கப்பட்ட கடவுள் மறுப்பாளர்களின் தேசமா? அறிவிக்கப்பட்ட மதம் சார்ந்த நாடுகள் பிற மத நம்பிக்கையாளர்களை நல்லவிதமாக நடத்துவது குறைவு. அது போல் சோவியத்தில் நம்பிக்கையாளர்களை எப்படிப் பார்க்கப்பட்டார்கள்? நடத்தப்பட்டார்கள்?

சரியான கேள்விகள் ...

பதில் தான் தெரியலையே சரி இதற்கு நம்ம இராமநாதன் சார் பதில் சொல்வார் என்று எதிர்பார்க்கிறேன்

அத்தனையும் சரியான சந்தேகங்கள்.
விடைகாண ஆவலாய் உள்ளேன்...