தமிழக சட்டசபை தேர்தலில், அ.தி.மு.க., அணிக்கு 105 தொகுதிகளும், தி.மு.க., அணிக்கு 70 தொகுதிகளும் சாதகமாக இருப்பதாக, "லயோலா' கருத்துக் கணிப்பில் கூறப்பட்டுள்ளது. மீதமுள்ள 59 தொகுதிகளில், இரு அணிகளுக்கும் இடையே கடுமையான போட்டி நிலவுவதாக தெரிய வந்துள்ளது.

"லயோலா' கல்லூரி பேராசிரியர் ராஜநாயகம் தலைமையிலான குழுவினர், சட்டசபை தேர்தல் குறித்து, 117 தொகுதிகளில் மக்களிடம் கருத்துக் கணிப்பு நடத்தினர். இதன் முடிவுகளை, ராஜநாயகம் நேற்று வெளியிட்டார். அதன் முக்கிய அம்சங்கள்: மார்ச் 21 முதல் 29ம் தேதி வரை, அனைத்து லோக்சபா தொகுதிகளிலும் 117 சட்டசபை தொகுதிகளில், 3,171 பேரிடம் கருத்துக் கணிப்பு நடத்தப்பட்டது. பெரும்பாலும், தொகுதி பிரச்னைகள் அடிப்படையிலேயே, மக்கள் கருத்துக்களை தெரிவித்தனர். பொதுவான சில கேள்விகளுக்கும் பதிலளித்தனர். தேர்தல் அறிக்கையைப் பொறுத்தவரை, தி.மு.க., அறிக்கையை 49.4 சதவீதம் பேரும், அ.தி.மு.க., தேர்தல் அறிக்கையை 43.5 சதவீதம் பேரும் ஆதரித்துள்ளனர். சுமூகமான தொகுதிப் பங்கீட்டில் தி.மு.க.,வுக்கு 44.7 சதவீதமும், அ.தி.மு.க.,வுக்கு 32.4 சதவீதமும் கிடைத்துள்ளது. வேட்பாளர்கள் தேர்வில், இரு கட்சிகளுமே சம நிலையைப் பெறுகின்றன. தி.மு.க., அணி 42.5 சதவீதமும், அ.தி.மு.க., அணி 42.2 சதவீதமும் பெற்றுள்ளன.

அ.தி.மு.க., அணி முன்னிலை: தற்போதுள்ள சூழலில் மக்கள் ஓட்டு போடுவதாக இருந்தால், அ.தி.மு.க., அணிக்கு 48.6 சதவீதம் பேரும், தி.மு.க., அணிக்கு 41.7 சதவீதம் பேரும் ஓட்டு போடுவர் என, தெரிய வந்துள்ளது. பிற கட்சிகளுக்கு 1.5 சதவீதம் பேர் ஆதரவு தெரிவித்துள்ளனர். 8.2 சதவீதம் பேர், எந்த முடிவும் எடுக்கவில்லை. மாநிலம் தழுவிய அளவில், அ.தி.மு.க., அணிக்கு 105 தொகுதிகளும், தி.மு.க., அணிக்கு 70 தொகுதிகளும் சாதகமாக இருக்கின்றன. மீதமுள்ள 59 தொகுதிகளில், இரு அணிகளுக்குமிடையே கடுமையான போட்டி நிலவுகிறது.

வேட்டு வைக்கும் மின்வெட்டு: கருத்து தெரிவித்துள்ளவர்களில், சில முக்கிய பிரச்னைகளை தெரிவித்துள்ளனர். மின்வெட்டு அதிகம் இருப்பதாக 25.2 சதவீதம் பேரும், விலைவாசி உயர்வால் பாதிக்கப்பட்டுள்ளதாக 14.2 சதவீதம் பேரும், குடிநீர் வசதியில்லை என,12.6 சதவீதம் பேரும், ரேஷன் பொருட்கள் வினியோகம் சரியில்லை என, 8.5 சதவீதம் பேரும் கருத்து தெரிவித்துள்ளனர். எந்த வேட்பாளர் வெற்றி பெற்றாலும், தங்களின் பிரச்னை தீரப்போவதில்லை என, 42.5 சதவீதம் பேர் கவலையுடன் தெரிவித்துள்ளனர். அதே நேரத்தில், தி.மு.க.,வை விட (21.9 சதவீதம்), அ.தி.மு.க., வேட்பாளர்கள், தொகுதி பிரச்னையை சரி செய்வார்கள் என 33.7 சதவீதம் பேர் கருத்து தெரிவித்துள்ளனர்.

தகவலுக்கு நன்றி

[You must be registered and logged in to see this image.]
-

தேர்தல் முடிந்த பின்னரும் ஒரு மாதம் காத்திருக்க வேண்டும்....!! (ரிசல்ட்டுக்கு)

காத்திருப்போம்

காத்திருப்போம்