பூவா தலையா?
பூ கேட்கிறாள்
விதவை
***
முதியோர்களின்
முழு நேரப்
பேச்சிலும்
இளமைக் காலம்
***
கல்லும் இருந்தது
நாயும் இருந்தது
கை உடைந்த
நேரத்தில்
***
அன்னையும்
பிதாவும்..
படித்துக் கொண்டிருக்கிறது
அனாதைக் குழந்தை
***
அதிவேகமாய் ஓடினான்
ஓட்டப் பந்தய வீரன்
அடுத்த வீட்டுப்
பெண்ணுடன்!
***
மாற்று அறுவை
சிகிச்சை செய்து
முடித்தார் மருத்துவர்
நோயாளியை மாற்றி!
***
தேர் வராத
சேரிக்குள்
தேசமே வரும்
தேர்தல் நேரம்!
*****
ஏட்டிக்குப் போட்டி பேசும் பாட்டி
இறந்த பிறகும்
மூடவில்லை வாய்!
*****
வாய்ப்பாட்டு பாடுபவனின் வயிற்றிலும்
பாட்டிலும் பசி
*****
நன்றியுள்ள நாய்
வாலை ஆட்டியது
திருடனுக்கு
*****
மனதில் எழுதுகோல்
பற்றிய கவிதை
மை தீர்ந்த பிறகும்!
*****
எந்த பனித் துளிக்குள்
ஒளிந்து கிடக்கிறது………
என் கவிதை.
*****
நிலவைப் படம் பிடிக்க
முடியாத வருத்தத்தில்
வற்றிய குளம்!
***
தெளிந்த நீரில்
முகம் பார்த்த பிறகும்…
தெளியாத மனசு
***
பாவலர்கள் எழுதி விடுவார்களோ?
பயந்து முட்புதரில்
மறையும் நிலவு
***
நிசப்தமாய் இரு
இசை கேட்கலாம்
மழை வரப்போகிறது
***
தரிசு நிலக்
காட்டில் தவறி விழுந்த
காகிதத்தில் அறுவடைக் காலக் கவிதைகள்
***
ஆயிரம் பேர்
அழைத்தாலும்
ஆகாயத்தில்தான் நிலவு.
***
பச்சைப் பசேலென
அடர்ந்த மரக்காட்டில்………
கோடாரிச் சத்தம்
***
அழகிய வண்ணத்துப்
பூச்சி பறக்கும் திசையெல்லாம்……
உடன் பறக்கும் மனசு
***
உயிரையே வைத்திருக்கிறார்கள்
குழந்தைகள்...................
உயிரில்லாத பொம்மைகளின் மேல்!
***
மருந்து மாத்திரைகள்
தீர்ந்த பிறகும். .........
தீராத நோய்
***
சீமானின் மாளிகை
இடிந்த பிறகு நன்றாகவே தெரிகின்றன........
ஏழைகளின் குடிசைகள்
***
அமைச்சருக்குப்
போட்ட துண்டு எப்படி விழுந்தது. .........
பட்ஜெட்டில்!
***
பால் காய்ச்சித்தான்
குடித்தனம் போக வேண்டும்
சாராயம் காய்ச்சுபவனும்!
***
நிறைய மிட்டாய்கள்
வாங்கித்தரும் தாத்தாவிற்கு
பாவம் பல்லே இல்லை!
***
தமிழ் நாட்டில்
சாதிக்கவும் தடை
சாதி
***
யாருடைய ஆசியோ?
உயர்ந்து கொண்டேபோகிறது
விலைவாசி
***
பகுத்தறிவு இல்லாதவனின்
உலக அனுபவம்
வெங்காயம்
***
சுருக்கமாகப்
பேசி முடித்தார்
விரிவுரையாளர்!

பிரியமான பட்டாம்பூச்சிக்கு...........
நிறைய பேசுவேன்
உன்
அருகில் மட்டும்
ஊமையாகிப்போகும்
நான்


*********

உன்னைப் போலவே
பெயரிட்டு
என்னை
அழைத்ததில்லை....
எந்த கவிதையும்


*********

உன்
எழுதுகோலை எடுத்ததற்காக
திருட்டுப்பட்டமா தருகிறாய்....
உன்னையே
திருடப்போகும்
எனக்கு

*********

நீ
எனக்காக
அழும்போழுதெல்லாம்
இரசிக்க முடியாமல் போகிறது...
என்
நீர் ததும்பும் கண்களால்


*********

எதைப்பற்றி
எழுதினாலும்
கோபித்துக்கொள்கிறாய்
உனைப்பற்றி
எழுதும்போது மட்டும்
சந்தோஷப்படும் நீ

*********

நீ
மண்ணில்
மோதிரத்தை தொலைத்துவிட்டு
அழுதுகொண்டிருக்கிறாய்....

நான்
உன்னில்
என்னைத்தொலைத்துவிட்டு
சிரித்துக்கொண்டிருகிறேன்


*********

உன் வசை
வார்த்தைகளும்
எனக்கு....
இசை

சூப்பர் அனைத்துமே சூப்பர், அழகாக கற்பனை பண்ணி எழுதியிருக்கிறீங்க, ரசித்து ரசித்து பொறுமையாக படித்து முடித்தேன்... இன்னும் தொடருங்க.

இரு தலைப்பாக போட்டிருக்கலாமே.

//ஆயிரம் பேர்
அழைத்தாலும்
ஆகாயத்தில்தான் நிலவு/// சூப்பர் கற்பனை.

தங்கள் பாராட்டுதலுக்கு நன்றி......

அருமையான கற்பனை வரிகள், உங்கள் கவி மழையில் நனைந்தேன் தொடருங்கள் உங்கள் கவி மழையை

உங்களை புதுமுகம் ஓர் அறிமுகம் பகுதியில் அறிமுகம் செய்யுங்களேன்...

நீ
எனக்காக
அழும்போழுதெல்லாம்
இரசிக்க முடியாமல் போகிறது...
என்
நீர் ததும்பும் கண்களால்

கலக்கல்...!!!

அனைத்தும் அருமை !!

கலக்கல்...!!!

அனைத்தும் அல்டிமேட்.................

தேர் வராத
சேரிக்குள்
தேசமே வரும்
தேர்தல் நேரம்!

எப்படிங்க இப்படி,, உங்கள் கவிதைகளையெல்லாம் படித்துவிட்டு தலைகால் புரியவில்லை.. நல்ல சிந்தனைகளை படித்த திருப்தி.. மகிழ்ச்சி......

பகிர்வுக்கு நன்றி.....

பச்சைப் பசேலென
அடர்ந்த மரக்காட்டில்………
கோடாரிச் சத்தம்

இக்கவிதை படிக்கும் போது மனது திக்திக்கென்று இருந்தது...

arony wrote:சூப்பர் அனைத்துமே சூப்பர், அழகாக கற்பனை பண்ணி எழுதியிருக்கிறீங்க, ரசித்து ரசித்து பொறுமையாக படித்து முடித்தேன்... இன்னும் தொடருங்க.

இரு தலைப்பாக போட்டிருக்கலாமே.

//ஆயிரம் பேர்
அழைத்தாலும்
ஆகாயத்தில்தான் நிலவு/// சூப்பர் கற்பனை.

நானும் ஆரணி கூறியதை மீண்டும் நானும் கூறுகின்றேன்