மாமதயானை சென்ரியு கவிதைகள் பத்து+000

by **manisen37** Wed Apr 06, 2011 8:04 pm

பரமனுக்கு தெரியாதது
பாமரனுக்கு தெரிந்தது.....
பசியின் வலி

வழிப்போக்கனின்
பசிபோக்குமா......
உணவு பற்றிய பாடல்

வாய் பாட்டு பாடுபவனின்
வயிற்றிலும் பாட்டிலும்....
பசி

எவருக்கும் பிடிக்காதவனை
விருப்பி பிடித்தது......
ஏழரைச்சனி

குடை இராட்டினம்
சுற்றும் சிறுவனுக்கு....
உலகத்தை சுற்றும் மனசு

ஆசிரியரின் பாடத்தில் அசோகன்
மாணவனின் மனதில்.....
மரம் வெட்டும் தந்தை

தேவலாய மணியோசை
கேட்கும் பொழுதெல்லாம்.....
சாத்தானின் ஞாபகம்

அடம் பிடித்தது குழந்தை
விதவைத்தாயிடம்....
தம்பி பாப்பாவிற்காக

தேர்வு பயம்
படித்துக்கொண்டிருக்கிறான்.....
கந்த சஷ்டி கவசம்