ஒரே ஓவரில் 5 விக்கெட்டுகள்: நியூஸீலாந்து பந்து வீச்சாளர் சாதனை

நியூஸீலாந்து
உள்நாட்டு கிரிக்கெட் போட்டியில் ஒடாகோ அணிக்கு விளையாடும் தென்
ஆப்பிரிக்காவில் பிறந்த நீல் வாக்னர் என்ற இடது கை வேகப்பந்து வீச்சாளர்
வெலிங்டன் அணிக்கு எதிராக ஒரே ஓவரில் 5 விக்கெட்டுகளை வீழ்த்தி சாதனை
புரிந்தார்.

ஒடாகோ
அணி எடுத்த முதல் இன்னிங்ஸ் ஸ்கோரான 441 ரன்களுக்கு எதிரக தங்கள் முதல்
இன்னிங்ஸை விளையாடி வந்த வெலிங்டன் 136/4 என்று இருந்தது. அப்போது நீல்
வாக்னர் பந்து வீச அழைக்கப்பட்டார். அந்த ஓவர் முடிவில் வெலிங்டன் 136/9
என்று ஆனது.

ஸ்ட்டீவர்ட்
ரோட்ஸ் என்பவரை முதலில் வீழ்த்திய வாக்னர், அடுத்தடுத்த பந்துகளில்
ஆஸ்டின் ஸ்மெல்லி, ஜீதன் படேல், டில்லி டுகாகா ஆகியோரை வீழ்த்தி
ஹேட்ரிக்கையும் தாண்டினார். பிறகு அடுத்த பந்தை மார்க் கில்லஸ்பி
ஆட்டமிழக்கவில்லை. ஆனால் அதே ஓவரின் கடைசி பந்தில் அவர் ஆட்டமிழக்க 5
விக்கெட்டுகளை வீழ்த்தி 25 வயது இடது கை வேகப்பந்து வீச்சாளர் நீல் வாக்னர்
சாதனை புரிந்தார்.

வாக்னர் 36 ரன்களுக்கு 6 விக்கெட்டுகளைக் கைப்பற்ற வெலிங்டன் அணி 148 ரன்களுக்குச் சுருண்டது.